Vitamina B12
La vitamina B12 o cianocobalamina, es un complèxe exacoordinat de cobalt. De vegadas es tanben nomenada cobalamina encara qu'es pas exactament lo meteis compausat. Quatre posicions de coordinacion son ocupadas per un macrocicle de corrina. Una de las posicions axialas se complèta amb un grop cian, CN-. Una cadena laterala de l'anèl de corrina compausada per una amida, un grop fosfat, una ribosa e un nucleotid complètan la coordinacion a travèrs lo rèste 5,6-dimetilbenzimidazòl a son extrèmitat. La corrina, lo grop fosfat e lo CN- portan cadun una carga negativa, en presentant lo cobalt dins d'estat d'oxidacion 3. Lo complèxe que ne'n resulta es d'espin bas.