Arhijepiskoppu Leo
Leo (siviilinimi Leo Makkonen; roinnuhes 4. kezäkuudu 1948 Pielavezi) on Suomen ortodoksizen kirikön johtai da Karjalan da kogo Suomen arhijepiskoppu. Häi loppi Pielavien školan vuonnu 1967 da suoritti ortodoksizen pappiskandiduatan tutkindon Kuopios Suomen ortodoksizes pappisseminaaries. Häi suoritti 1995 teologien kandiduatan tutkindon da sai teologien maisterin arvon. Häi on arhijepiskoppu Hermanan ohel arhijepiskopannu toine valgien papiston jäzen da leski. Hänel on yksi tytär da kaksi bunukkua.
Ruado
[kohenda | kohenda tekstu]Leo Makkozes rodih diakonu da pappi vuonnu 1973 da piispu 1979. Häi on ruadanuh ortodoksizen uskon opastajannu Itä-Karjalan kanzanopistos 1972–1973, jälles sidä ezmäi Ilomančin da sit Turun piirin matkupapinnu 1973–1979. Vuonnu 1979 händy vallittih Suomen ortodoksizen kirikön abulaspiispakse nimikkehel Jovensuun piispu. Häi täytti kanonizen naimattomusehton, sendäh gu saman vuon häi jäi leskekse.
Händy vallittih vuonnu 1979 Oulun jeparhien piispakse nimikkehel Oulun metropoliittu 1.1.1980 algajen, da 1996 händy vallittih Helsingin jeparhien piispakse nimikkehel Helsingin metropoliittu. Ligakuus 2001 händy vallittih Karjalan da kogo Suomen arhijepiskopakse. Arhijepiskoppu Leo on olluh jäzenenny Suomen ortodoksizen kirikön kiriköllizes kerähmös vuvves 1975 da ortodoksizes kiriköllizes halličukses vuvves 1980.
Arhijepiskoppu Leo perusti vuonnu 2005 jo kolmanden ortodoksizen kul'tuurufondan, Karjalan jeparhien fondan.
Arhijepiskoppi Leo jo Oulun metropoliitannu ruadajes rubei kirjuttamah väitöskniigua arhijepiskoppu Paavalis.[1]
Arhijepiskoppu Leo on leski da yhten tyttären tuatto.
Karjalan kieli
[kohenda | kohenda tekstu]Arhijepiskoppu Leo on vuvves 1995 olluh Karjalan Kielen Seuran paginanvedäjänny. Arhijepiskopan muamankieli on karjalan kielen livvinkarjalan murreh. Arhijepiskoppu Leon juuret ollah Raja-Karjalan Salmispäi.
Tevokset
[kohenda | kohenda tekstu]- Arhijepiskoppu Leo: Auringolla sen ollessa korkeimmalla – Päivypastos konzu päiväine korgevimal, s. 200. Karjalan kielen seura, 2016. ISBN 978-952-5790-59-7.
- Arhijepiskoppu Leo: Metsätähti ja mies joka metsään lähti – Meččytiähti da mies kudai meččäh lähti, s. 318. Karjalan kielen seura, 2015. ISBN 978-952-5790-53-5.
- Arhijepiskoppu Leo: Luondokuvat lapsih näh – Luontokuvia lapsille, s. 72. Karjalan kielen seura, 2015. ISBN 978-952-5790-51-1.
- Arhijepiskoppu Leo: Selfie, s. 176. Karjalan kielen seura, 2015. ISBN 978-952-5790-50-4.
- Arhijepiskoppu Leo: Tehtävä Roomassa – Ruado Riimas, s. 155+16. Karjalan kielen seura, 2014. ISBN 978-952-5790-47-4.
- Arhijepiskoppu Leo: Mustelmat, s. 256. Karjalan kielen seura, 2014. ISBN 978-952-5790-41-2.
Tunnustukset
[kohenda | kohenda tekstu]- Kunnivotohtori, Jovensuun yliopiston teologine tiedokundu, 2004
- Kunnivotohtori, Francien Pyhän Sergein instituuttu, 2005
- Suomen Leijonan ritarikunnan 1. luokan komentajamerki 2006.[2]
- Pyhän Henrikin risti 2008[3]
Lähtehet
[kohenda | kohenda tekstu]Aihies muijal
[kohenda | kohenda tekstu]- Karjalan hiippakunnan kotisivut.
- Arkkipiispa Leo. Ortodoksi.net.
- Arkkipiispa Leon kotisivut.
- Tuomas Koivuniemi: Arkkipiispa Leon mielestä Suomessa ovat arvot hukassa. Verkkoapila 11.8.2010.
commons:Category:Leo (Makkonen)
- ↑ Jyrki Loima: Esipaimen siunaa. Suomen ortodoksiset piispat 1892 - 1988, luku Arkkipiispa Paavali, s. 252
- ↑ Yle.fi, uutiset 30.11.2006
- ↑ Šablonu:Verkkoviite