Casal (fótbal)
| Vos an lenga piemontèisa | |
| Për amprende a dovré 'l sistema dle parlà locaj ch'a varda sì. |
|
L'Associassion Sportiva Casal Fótbal (an italian: Associazione Sportiva Casale Calcio) a l'é la pi amportanta società 'd fótbal ëd Casal Monfrà. Fondà dël 1909, ël Casal Fótbal a l'ha doe particolarità: ij giugador a pòrto na divisa tuta nèira con na stèila bianca an sël cheur (da sì 'l nòm che a ven dàit ai casalèis: "Nèir-ësteilà"), ch'a j'ero ij color ëd la Robur; an sl'ansëgna dla società a-i é lë scudèt tricolor përchè dël 1914 ël Casal a l'ha vagnà ël campionà italian. Stòria[modìfica | modifiché la sorgiss]Ansema al Noara, a la Prò Vërsèj e al Lissandria, ant ij prim agn dël sécol ch'a fa XX ël Casal a fasìa part dl'ansidit Quadrilàter Piemontèis. La prima partìa dël Casal a l'é giugasse al camp dël Valentin (na borgià ëd Casal Monfrà) ant ël gené dël 1910, contra la Caresanèisa: ij nèir a l'han vagnà për 4 a 0. La prima formassion a l'é stàita: Gallina I, Maggiani, Scrivano, Cavasonza I, Barbesino, Cavasonza II, Beretta, Milanese, Guasco, Gallina II, Varese. La sossietà a l'é anscrivusse al campionà ëd tersa categorìa dël 1910: a l'ha vagnalo e a l'é passà dun-a an seconda categorìa. |