Zumbe a 'u condenute

Etiopie

Cange le collegaminde
Ce tìne probbleme sus 'a visualizzazzione de le carettere, cazze aqquà.
Da Uicchipèdie, 'a 'ngeclopedije lìbbere.


Etiopie
Etiopie - Localizzazione
Etiopie - Localizzazione
Date amministrative
Nome combleteRepubbleche Federale Democrateche d'Etiopie
Nome ufficialeItyop'iya Federalawi Demokrasiyawi Ripeblik
Lènghe ufficialeAmariche², tigrine
Otre lènghetagliàne
CapitaleAddis Abeba  (3.425.000 ab. / 2006)
Politiche
Forme de governeRepubbleche Federale
Capo di StatoMulatu Teshome Wirtu
Capo di GovernoHaile Mariam Desalegn
'Ndipendenze31 scennàre 1941 d'a giurisdizione tagliàne
Trasute jndr'à l'ONU13 novèmmre 1945 1
Superficie
Totale1.127.127 km² (27º)
% de le acque0,7%
Popolazzione
Totale76.511.887 ab. (2007) (-º)
Denzetà68 ab./km²
Nome de le javetandeTemplate:AggNaz/Etiopie
Sciugrafije
ContinendeAfrica
Fuse orarieUTC +3
Economie
ValuteBirr etiope
PIL (nominale)95,122 milione de $ (2008) (60º)
ISU (2008)0,503 (medie) (155º)
Varie
Codece ISO 3166ET, ETH, 231
TLD.et
Prefisse tel.+251
Sigle autom.xx
Late de guideDestre (↓↑)
Inne nazionaleWhedefit Gesgeshi Woude Henate Ethiopia
Feste nazionale5 másce
Etiopie - Mappe
Etiopie - Mappe
1Jè une de le 51 Pajèsere ca honne date vite a l'ONU jndr'ô 1945.

'U 'nglise ed 'u tagliàne, quiste urteme pè 'u passate coloniale, sonde studiate cumme lènga secondarie, scacchiànnele 'nzieme ad 'u amariche, e sonde le prengepàle lènghe ausate pè le affare estere.

Evoluzione storeche
State precedenteRepubbleche Popolare Democrateche d'Etiopie
 
Cange le date sus Uicchidate · Manuale

'A Repubbleche Federale Democrateche d'Etiopie (amhariche:ኢትዮጵያ traslitterazione:Ityop'iya) jè 'nu State de l'Afriche oriendàle ca tène 'na identità plurimillenarie (tande jè ce jè conziderate 'u cchiù andìche state africane). L'Etiopie confine a nord cu l'Eritree, ad est cu 'u Gibuti ed 'a Somalie, a sud sembre cu 'a Somalie e cu 'u Kenya ed ad Ovest cu 'u Sudan; jè 'nu state senze sbocche sus 'u mare.

Storecamènde l'Etiopie jè canosciute pure cumme Abissinie.

Cirche 'u 40 % d'a popolazziune vive cu mmène de 1,25 dollare statunitense ad 'u sciùrne.[1]

Nome

[cange • cange 'a sorgende]

Jndr'à ll'Iliade[2] e jndr'à ll' Odissee[3] le grice chiamavane Αἰθιοπία (Etiopie) le terre javitàte da le Αἰθίοψ (etiope), cioè le crestiáne “d'a fazze lucide”,[4] mendre 'u storeche Erodoto ausave 'u nome Etiopie pè se referì a totte le terre a sud de l'Egitte.[5]
Le fonde etiope 'nvece fàcene derivà 'u nome da 'u termine Ityopp'is ca designave 'u popule figghie de Cush, figghie de Ham, 'u funnatore d'a cetate de Haksum (e totte quiste jè confermate jndr'à lle lòre teste sacre). 'Na terze teorie fàce derivà 'u nome da l'espressione jndr'à lènga de le “faraone gnure” d'u Sudan: et (~ verità o pace) op (ìrte o superiore) bia (paise o terre): traducibbèle cumme “paise d'a pace cchiù ìerte”.

Jndr'à ll'epoche coloniale quèste naziune ere canosciute cumme Abissinie (erroneamènde ce se referisce a le 'ndere Etiopie cu quiste nome) nome derivande d'a popolazziune de le abissine; ce a lòre vote pigghiane 'u nome da l’andìche clan egemone de le Habashat, ca seconne le lòre mite hagghie migrate aqquà partenne da l'Arabie.

Storie

[cange • cange 'a sorgende]
Pe approfondimende, 'ndruche 'a vôsce Storie de l'Etiopie.
Rovine d'u tembie a Yeha, Tigrè

'Ndorne ad 'u 970 'a reggine Gudit (ditte Mishkinzana VII) hagghie perseguitate le crestiáne ca se acchiavane jndr'à Etiopie e hagghie ajutate a fà ccu squasce 'u Regne de Axum. Pure ce sije presendate da le cronache etiope cumme ebree, alcune studiuse muderne honne quacche dubbie a reguarde, suggerenne ca pòte essere state 'na pagane.[6] A l'inizie d'u vasce medioève nasce 'u regne de Etiopie, uneche baluarde crestiáne jndr'à ll'Afriche.

'A fine d'u XIX sèchele jè signate da ll'inizie d'a colonizzaziune europee d'u continende africane. Jndr'ô 1870 'u puèrte de Assab, 'nzigne a ll'entrate meridionale d'u Mar Russe, jè accattate da 'na combagnie tagliàne cumme cessione de 'nu sultane d'u luèche. Quiste evende scètte le base pè 'a funnaziune de 'na colonie tagliàne jndr'à Eritree. 'U spannamènde d'a colonie verse le 'nderne porte a 'nu conflitte cu le 'mbere etiope, guvernate da 'u negus Menelik II, e ad 'a battagghie de Adua d'u 1896, quanne l'esercite abissine sconfigge 'a sciùvane putènze coloniale e l'Etiopie resse a rumanere 'ndependente. L'Itaglie e l'Etiopie firmane 'u trattate de Uccialli ca sangisce le relaziune 'mbrà lle dò pajèsere fine a ll'inizie d'u nuève spannamènde coloniale tagliàne verse l'Etiopie.

Cu l'aperture d'u canale de Suez le 'nderesse europee pè 'u Paise devende cchiù granne. 'U 3 ottommre 1935 l'Itaglie attacche, senze nisciune dichiaraziune de uerre, le 'mbere etiope. Le tagliàne, sutte a lle ordene d'u generale Pietro Badoglio, 'ngarrane ccu sconfigge 'a resistenze de le etiope e a spannèrse fine ad 'a capitale Addis Abeba, jndr'à quale tràsene 'u 5 másce 1936. L'Etiopie jè annesse a le 'mbere de l'Afriche Oriendale Tagliàne. L'Itaglie, pè quiste atte de 'nvasiune subbì l'embarghe da parte d'a Società de le Naziune.

L'Etiopie jè lìbberate da le 'nglise jndr'ô 1941 e le 'Mberatore Haile Selassie I 'nghiane n'otra vote sus a 'u trone fine ad 'u 1974. Jndr'ô 1974 'na giunde militare, 'u Derg, depone le 'Mberatore Haile Selassie I (jndr'à careche da 'u 1930, ce non ge stè cunde 'u stuezze de timbe de l'occupazione tagliàne) e crèje 'nu reggime socialiste, cu a cape, dope 'na graduale e spietate eliminaziune de le concorrènde, Mengistu Haile Mariam. Jndr'ô biennie 1984-1985 'u paise jè colpite da 'na carestie de proporziune granne assaje ca porte ad 'a muèrte de 8 miglione de crestiáne. Stremate da golpe sanguinuse, revolte, siccità sus a 'na larghe scale, da 'u prubblème de le rifugiate e pè finì d'a ritirate de le protetture sovietiche, 'u reggime sanguinarie jè state jndr'à ll'urteme deposte da 'na coaliziune de forze ribelle, 'u FRDPE jndr'ô 1991. Jndr'ô 1994 jè elette 'na Assemblee Costituende e le prime eleziune multipartiteche se tènene jndr'ô 1995. 'A uerre de confine combattute condre l'Eritree jndr'ô másce 1998 hagghie rafforzate 'a coaliziune ad 'u potere, ma hagghie fatte devendà assaje cchiù dìleche l'economije d'u paise.

Sciugrafije

[cange • cange 'a sorgende]

Cu 1.133.380 km², l'Etiopie jè 'u 27º state pè grannezze (dopoe 'a Colombie). Pè grannezze jè combarabbele ad 'a Bolivie. 'U scucchiamènde da l'Eritree, jndr'ô 1993, hagghie luàte ad 'u paise d'u sbocche sus ad 'u Mar Russe.

Morfologgije

[cange • cange 'a sorgende]

'Na granna vanne de l'Etiopie se iacchie jndr'ô Corne d'Afriche, ce jè 'a vnne chhiù oriendale d'u continende africane. A lle 'nderne de l'Etiopie se iacche 'nu granne comblesse de mundagne e altopiane cu scése scucchiáte d'a Rift Valley, ce attraverse 'u paise da sud-ovest a nord-est e jè circunnate da vascechiane, steppe e vanne semidesertiche. 'A granne diversetà d'u territorie determine 'na granne varietà de clime, terrene, vegetazione naturale e de vanne javitàte.

Idrografije

[cange • cange 'a sorgende]

Le prengepàle laghe sonde l'Abaya ed 'u Tana; le prengepàle jume sonde 'u Giuba, l'Omo ed 'u Nile azzurre.

Clime

[cange • cange 'a sorgende]

'A temberature medie de Addis Abeba jè de cirche 15 °C jndre decèmmre e de cirche 18 °C jndre másce. Luglie e aguste, le mise de le granne chiogge, tènene temberature medie 'ndorne a le 15-16 grade (minime 'ndorne a le 11). Le minime cchiù vasce (5-6 grade C) se honne jndre novèmmre e decèmmre. 'A chiovusetà annue medie jè de cirche 1200 mm. (minime da novèmmre a scennàre, massime da sciùgne a settèmmre). Le estreme reggestrate: minime -7 °C massime 40 °C. Putime definì 'u clime "alpine" jndr'à ll'acrocore, ce se penze ca 'u paise se iacchie 'nzigne a de le mundagne, ed umide sus 'a coste, piccè addà soffiane le monsone. 'U clime umide, sus 'a coste, permette 'a coltivaziune de tabacche e cereale.

Popolazziune

[cange • cange 'a sorgende]

Jndr'ô 2007 l'Etiopie tenève 'na popolazziune de 76.511.887 crestiáne, cu 'na denzetà medie de 68 aunità pè km²; 'a speranze de vite jè de 49 anne, une de le cchiù vasce d'u munne. Ìerte assaje jè 'a percenduale de popolazziune rurale: l'84% (2005); piccè 'na granna parte de le crestiáne vive de agricolture de sussistenze, le 'nzediamènde cchiù jàvitate se iacchiene jndr'à reggione cendrale, addò 'u terrene jè cchiù bbuène da ausà pè le coltivaziune.

Demografije

[cange • cange 'a sorgende]

Etnie

[cange • cange 'a sorgende]

'A combosiziune etniche jè assaje cangiande, a cause d'a miškulanze razziale e lènguisteche ca avì inizie da le timbe andìche; le prengepàle gruppe sonde:

  • le Amhara (o Abissini, 38%), presende sus a l'altopiane a nord de Addis Abeba;
  • le Galla od Oromo (35%), jndr'à vanne cendre-meridionale, prevalentemente dedite ad 'a pastorizie e a l'agricolture;
  • le Somale (2% cirche), a oriede, jndr'à reggione de l'Ogaden;
  • le Sidama (2% cirche), ca jàvitane prengepalmènde jndr'à lle reggione sudoccidentale;
  • le Danachili (Dancali, o Afar), ca se iacchiene jndr'à lle pianure semideserteche jndr'à vanne nordoriendale d'u paise.

'Mbrà le gruppe non autoctone se pòtene vedè yemenite, indiane, armene, grice, tagliàne e, singularmènde, 'na piccele comunità de rastafariane proveniènde d'a Giamaiche[7].

Seconne alotre funde le cchiù granne gruppe etniche sonde jndr'à ll'ordene:

Jndr'ô paise jè angore presende 'na piccele comunità de tagliàne rumaste jndr'à Etiopie pure dope 'u 1941.

Lènghe

[cange • cange 'a sorgende]

Le lènghe autoctone cchiù parlate sonde: Amhariche, Oromigna, Tigrigne, Guragigna, Somale, Arabe, e otre lènghe d'u luèche. 'Mbrà le lènghe europee quidde ca sonde cchiù canosciute sonde le 'nglise (spannùte 'mbrà le sciùvane) ed 'u tagliàne (specialmènde jndr'ô nord e jndr'à capitale, assaje mène ad 'u sud).

Releggione

[cange • cange 'a sorgende]

Seconne l'urteme cenzimènde d'u 1994 'a diffusione de le fede releggiose 'mbrà 'a populazziune ha dda esse accussì scucchiáte: Chiese ortodosse etiopiche 50,6%, protestande 10,1% jndr'à maggioranze d'a Chiese Evangeliche Etiope Mekane Yesus, cattoliche 0,9% (pè 'nu totale de crestiáne d'u 61,6%, ce sonde 'a maggioranze d'a populazziune), musulmane 32,8%, Releggione tradiziunale (animiste) 5,6%[9]

Le crestiáne ortodosse sonde predominande jndr'à ll'Etiopie cendrale e settendrionale, le crestiáne ortodosse e chidde protestande componène 'na granna vanne d'a populazziune de l'Etiopie meridionale e occidendale.

'Na piccele e andìche comunità de ebree, le Falascia (Beta Israel jndr'ô amariche), jàvite jndr'ô nord-ovest de l'Etiopie, pure ce 'nu munne de lòre (cirche 90.000, l'85% d'a populazziune totale) se sonde trasferite jndr'ô Israele jndr'à lle urteme decenne, prengepalmènde durande le operaziune "Moses" (israeliane, 1984), "Joshua" (statunitense, 1985) ('nu pruggette de ajute a l'immigraziune jndr'ô Israele de le Falascia durande 'na carestie ca avève colpite 'a reggione) e l'operazione "Solomon" (israeliane, 1991) a seguite de le uerre 'mbrà Etiopie ed Eritree.[10] Alcune studiuse ebraiche penzane ca quiste gruppe etniche sije quidde ca rumane de une de le tribù perdute de Israele.

Jè presende pure 'u Rastafarianesime.

Ordinamènde d'ô state

[cange • cange 'a sorgende]

Suddivisiune amministrative

[cange • cange 'a sorgende]
Pe approfondimende, 'ndruche 'a vôsce Reggione de l'Etiopie.
Le reggione de l'Etiopie

L'Etiopie jè scucchiáte jndre 9 reggione, cu quiste se cundane pure 2 cetate autonome:

  1. Addis Abeba
  2. Afar
  3. Amhara
  4. Benishangul-Gumaz
  5. Dire Daua
  6. Gambela
  7. Harar
  8. Oromia
  9. Somali
  10. Naziune, Naziunalità e Popule d'u Sud
  11. Tigrè

Cetate prengepàle

[cange • cange 'a sorgende]

Addis Abeba (2.424.000 crestiáne), a 2360 m slm, 'a capitale de l'Etiopie e capitale d'a reggione omonime, circunnate da le reggione Oromo, quase sus a 'u confine cu 'a reggione Amhara, jàvitate da le dò prengepàle etnie de l'Etiopie.

Dire Daua (398.000 crestiáne) jè 'a capitale d'a reggione omonime e se iacchie a 1095 m slm, sus a 'u confine 'mbrà 'a reggione Oromo ed 'a regione Somali. 'Mbortande cindre sus 'a Ferrovie Addis Abeba-Gibuti, 'a citcetate s'ète sveluppate cumme cindre commerciale, agrichèle (caffè) e d'u bestiame e jè pure sede de 'ndustrie tessile, alimendare e d'u cemende.

Gondar (195.000 crestiáne), se iacchie picche a nord d'u laghe Tana a 2160 m slm, jndr'à reggione Amhara, andìche capitale d'u regne etiope.

Macallé o Mekele (169.000 crestiáne) se iacchie 'mbrà lle altopiane d'u Ghevà e d'u Gabàt a 2062 m slm e jè 'a capitale d'u state d'u Tigrè ed 'a prime cetate de l'Etiopie settendrionale. 'Mbortande mercate agrichèle (cereale e cotone) cu assaje 'ndustrie alimendare, 'a cetate jè 'u capolinee d'a carovane d'u sale, ca trasporte 'u minerale sus 'u spinale de le cammelle da 'u deserte d'a Dancalia.

Grazzie ad 'a soje accellènde postaziune strateggeche 'a cetate ha state scacchiate jndr'ô 1881 cumme capitale d'u Paise da lle 'mberatore. Occupate da le tagliàne jndr'ô 1895 a seguite d'a cambagne etiope ha state pigghiate n'ora vote da l'esercite abissine 'nu anne cchiù nnande. Macallè ha state une de le prime obbiettive reconguistate jndr'ô 1935 da le truppe tagliàne ca purtarene a termine l'occupazione de l'Etiopie.

Bahir Dar (167.000 crestiáne), sus a 'u laghe Tana a 1700 m slm, capitale d'a reggione Amhara.

Gimma (159.000 crestiáne), jndr'à reggione Oromo, jè 'a cchiù granna cetate de l'Etiopie sud-occidentale.

Harar o Harer (132.000 crestiáne) jè 'a capitale d'a reggione omonime e se iacchie a 1856 m slm sus a 'u versande nord-oriendale d'u Gebel Mullata, ad 'u confine 'mbrà 'a reggione Oromo ed 'a reggione Somali. 'A cetate, caratterizzate da 'nu clime asssaje secche e calde, jè cullegate pè rotabbìle a Gibuti, Addis Abeba e Dire Daua. 'Mbortande ed attive mercate agrichèle ospite pure 'ndustrie alimendare e de l'artigianate (tessiture e 'ndrecce de le ceste).

Harar ha state funnate da le Arabe, proveniènde d'ô Yemen, jndr'ô VII sèchele e jndr'ô 1520 devende capitale de ll'emirate musulmane de Adal. 'Nvase da le Galla decadde de 'mbortanze e fù occupate da le egiziane jndr'ô 1875. 'U 26 scennàre 1887 fu riconquistata dalle truppe imperiali e passò a far parte dell'Impero Etiopico. Nel 1989 ha state recanosciute da l'Unesco cumme patrimonie culturale de l'umanità e conziderate quarte cetate sande islamiche d'u munne grazzie a le soje numerose moschee.

Jijiga (98.000 crestiáne), a 1609 m slm, capitale de l'Ogaden, 'u territorie jàvitate da le somale jndr'à ll'Etiopie sud-orientale.

Istituziune

[cange • cange 'a sorgende]

Ordinamènde šcolasteche

[cange • cange 'a sorgende]

L'istruziune jè state pè sèchele monopolie d'a Chiese Etiope, fine a le inize d'u XX sèchele, quanne se decise de ausà 'nu sisteme de istruziune šcolare. 'U sisteme šcolasteche etiope se artichèle jndre: 5 anne de šcole primarie, 3 anne de šcole 'nferiore e 4 anne d'a šcole superiore. Pure ôsce a die se cerche de fà ccu aumende 'u numere de le šcole elemendare pè fà ccu 'nzegne a le sciùvane a leggere ed a scrivere. Ad Addis Abeba se iacchie 'na šcole tagliàne, 'na frangise, 'na tedesche, e 'nu munne de šcole 'nglise.

Sisteme sanitarie

[cange • cange 'a sorgende]

Forze armate

[cange • cange 'a sorgende]

Polìteche

[cange • cange 'a sorgende]

Polìteche 'nderne

[cange • cange 'a sorgende]
Meles Zenawi, prime ministre de l'Etiopie de ôsce a die

'U Paise fàce parte da 'u 1986 de l'Autorità 'nderguvernative pè 'u sveluppe, organizzaziune polìteche-commerciale furmate da le paise d'u Corne d'Afriche.

L'eleziune de l'assemblee costituende etiopiche, ce cundave 547 membre pigghiate luèche jndr'ô sciùgne 1994. Quèste assemblee hagghie appruvate jndr'ô decèmmre 1994 'a costituzione d'a Repubbleche Democrateche Federale de Etiopie. Le eleziune pè 'u prime parlamènde etiopiche naziunale frutte de eleziune veramènde populare e pè varie parlamènde reggionale honne pigghiate luèche a másce e sciùgne d'u 1995. 'A cchù granna vanne de le partite de opposiziune hagghie scacchiate cu boicotte quèste eleziune. Ha state 'na vittorie granna assaje pè 'u partite EPRDF (484 segge sus 547). Osservatore 'ndernazionale e de agenzie 'ndependente non guvernative honne fatte notà ca le partite de opposiziune putevane cu pigghie parte, ce lòre ô vulevane.

'U guverne d'a Repubbleche Federale Democrateche de l'Etiopie s'ète 'nzediate jndr'à ll'aguste 1995. 'U prime Presidente elette jè state Negasso Gidada. 'U guverne guidate da 'u EPRDF d'u Prime Ministre Meles Zenawi hagghie promosse 'na polìteche de federalisme etniche, lassanne potere segnefecative a le autorità reggionale, basate sus 'a combosiziune etniche. L'Etiopie ôsce ttène 9 reggione amministrative mmienze-autonome ca honne 'u potere de pigghià tasse e spenderle jndre 'nu mode autonome. Sutte 'u guverne de ôsce a die, le etiope tènene 'na cchiù granna partecipaziune polìteche e de dibattite polìteche cchiù lìbbere respette ad ogne otre mumènde ca avène apprime d'a lòre storie, pure ce quacche fundamendale diritte, 'mbrà cui 'a lìbbertà de stambe, sonde, pratecamènde, assaje limitate.

'U guverne de Zenawi ha state rielette jndr'ô 2000 jndr'à lle prime vere eleziune multipartiteche jndr'à storie de l'Etiopie, pigghianne 481 segge sus a 547. 'U presidente de ôsce a die jè Girma Wolde-Giorgis, rielette pè 'nu seconne mandate de sèje anne da le dò rame d'u Parlamènde 'u 9 ottommre 2007.

Jndr'ô 2004 'u guverne accumenze cu trasferisce cchiù de dò miglione de crestiáne da le altopiane aride de l'est, facènne penzà cumme raggiune ca quèste resistemaziune honne diminuite 'a scarsetà de mangiare[11].

Jndr'à ll'Etiopie honne avùte luèche nuevemènde le eleziune jndr'ô másce 2005, mumènde jndre cui s'ète avùte 'na percenduale record de votande (cirche 'u 90%). Pure ce le osservatore de ll'Aunìone Europee honne signalate ca jndre quiste eleziune sonde state violate le règhele 'ndernazionale pè giuste e lìbbere votaziune, otre gruppe sonde arrivate a conclusiune differende. 'A dichiarazione relassate 'u 14 settemmre da ll'Aunìone Africane, 'nfatte, lode "'u fàce vedè, da parte d'a populazziune etiope, 'nu sane 'mbegne jndr'à lle ideale democrateche"; 'nu sciùrne cchiù nnande 'u "US Carter Center" congluse "the majority of the constituency results based on the May 15 polling and tabulation are credible and reflect competitive conditions". L'EPRDF (furmate da 4 partite) hagghie nuevemènde vinde le eleziune, ma sule cu 'u 59,8% de le vote e accussì 327 segge. 'A prengepàle forze de opposiziune (Coaliziune pè l'Aunità ed 'a Democrazie, furmate da 4 partite) hagghie ottenute 'u 19,9% e 109 segge, 'a seconne forze de opposiziune (Forze Democrateche Etiope Aunìte, furmate da 5 partite) 'u 9,5% e 52 segge, mendre le 58 segge rumanende sonde state pigghiate da nòve formaziune luècalisteche minore.

Jndr'à lle urteme eleziune ca honne avùte luèche jndr'ô 2006 'u guverne 'n'careche jè state sconfitte pè quanne reguarde le segge jndr'à capitale, cu 'na defferenze de cirche l'80% de le vote, ma jè rumaste 'n'careche discènne de avè vinde grazzie a le vote proveniènde da le cambagne. 'Nu munne de proteste da parte de le crestiáne de Addis Abeba e de le otre cetate se sonde congluse jndre scondre a fuèche addò hé state luàte 'a vite de decine, forse pure cendinaie de crestiáne. Alcune manifestaziune studendesche sonde state represse cò 'u sangue d'a polizie federale. Le organe de stambe (sutte 'u comblete condrolle guvernative) honne date comunecazziune de scondre 'mbrà polizie e "bandite" jndr'à vanne de Mercate. Osce a die quase totte le leader de l'opposiziune sonde 'ngarcerate o disperse.

Polìtche estere

[cange • cange 'a sorgende]

'A polìteche estere jè dominate d'a tensiune cu 'a 'nziccate Eritree: 'u conflitte sus 'u confine 'mbrà lle dò pajèsere, terminate jndr'ô 2000 cu 'u trattate d'Algeri, non g'è state superate da rapporte pacifiche stabbìlitese 'mbrà lle dò pajèsere e rumanene disaccorde sus 'a demarcaziune d'u confine. Une de le probblème comune a lle dò pajèsere jè rappresendate d'a presenze de 'nu numere granne assaje de varie tipe de ordigne non esplose (UXO) e mine andiuèmmene ed andicarre.

Fine da 'u 1991 l'Etiopie hagghie stabbilìte bbuène relaziune cu le State Aunìte e l'Europe occidentale e acchiate 'nu sostegne economeche sostanziale da le pajèsere occidentale e d'a Banghe Mundiale.

'U forte legame cu lle U.S.A. (forniture de alimende e arme) hagghie purtate l'esercite etiope a 'ndervenì jndr'à Somalie jndr'ô 2007 condre le Corte islamiche, a sostegne d'u guverne provvisorie somale refugiate a Baidoa. Pure ce le successe avùte jndre 'nu prime mumènde e l'ajute aeree statunitense, le Corte islamiche honne pigghiate de nuève l'offensive e le scondre condinuane ôsce a die. Le rapporte sonde tese pure cu 'u 'nziccate Sudan.

Economije

[cange • cange 'a sorgende]

L'economije se iacchie jndre condiziune grave assaje; le uerre civile e le frequènde siccità honne fatte devendà l'Etiopie une de le pajèsere cchiù povere d'u munne (jndr'à graduatorie ISU se iacchie jndr'à 155ª posiziune) (2008). L'agricolture jè pratecate cu metode tradiziunale; sus a lle altopiane se coltivane 'u caffè pè l'esportaziune, ortagge, legume e frumènde; jndr'à lle vanne cchiù umide se coltivane cotone e tabacche. L'allevamènde d'u bestiame jè assaje sveluppate, me le resorse forestale sonde picche, e jndr'ô suttesuole se iacchiene giacimènde de platine e ore. Le 'ndustrije jè limitate ad 'a produzione tessile e alimendare.

'Mbortaziune

[cange • cange 'a sorgende]

L'Etiopie 'mborte deverse bene, da le materie prime a le bene capitale, a le bene de conzume. Le 'mbortaziune superane assaje le esportaziune, determinanne 'nu granne deficit d'a bilange cummerciale.

Esportaziune

[cange • cange 'a sorgende]

L'Etiopie esporte caffè, de cui ce stonne alcune bbuène varietà, e pelle grezze. A parte quiste prodotte tradiziunale, l'Etiopie non g'esporte nisciune bene, a cause d'u soje grave assaje state de scurisciúte. Resulte però ca discrete quandetà de 'na sostanze leggermènde psicotrope (de nature anfetaminiche), le fogghie de Kat pigghiate da 'na piande ca creice spondanee jndr'à Etiopie, sonde esportate dall'otra vanne d'u Mar Russe, jndr'à Penisole arabe, addò ce jè 'nu granne conzume.

Trasporte

[cange • cange 'a sorgende]
Pe approfondimende, 'ndruche 'a vôsce Trasporte jndr'à Etiopie.

Fine a picche anne fa l'Etiopie tenève 'nu sisteme viarije assaje debole, jndr'à ganna vanne basate sus a strade quagghiate da le tagliàne durade l'occupazione; le 'nsufficienze d'u sisteme viarije hagghie 'mbrà ll'otre condrebbuite ad 'u determinarse e a l'aggravarse de alcune de le crise alimendare ca 'u paise hagghie attraversate.

Jndr'à lle urteme anne, particolarmènde n'seguite a le resorse lìbberate d'a cessaziune de lle uerre cu l'Eritree e jndr'ô cundeste de 'nu prucesse cchiù generale de ammudernamènde, 'u Paise hagghie viste 'u quagghiamènde de 'nu granne numere de strade, specialmènde jndr'à lle vanne de Addis Abeba e de le cetate cchiù granne.

L'uneche linee ferroviarije esistende ha state quagghiate da le frangise jndr'ô 1917 e culleghe Addis Abeba cu Gibuti, passanne pè Dire Dawa.

L'aeropuèrte 'ndernazionale di Bole, ad Addis Abeba, jè state remodernate jndr'à lle urteme anne e pòte se ccu se conzidere 'nu ottime aeropuèrte pè le standard africane; 'a combagnie de bandiere, Ethiopian Airlines, gode pure de 'na granna reputazione 'mbrà le combagnie africane, specialmènde pè 'a bbuène selezione e l'addestramènde de le pilote (effettuate normalmènde jndr'à Gran Bretagne). L'Etiopie gode de 'nu discrete sisteme de cullegamènde aeree 'nderne, cu aeropuèrte ca non ge se iacchiene sule jndr'à lle cetate chiù granne, me pure jndre cindre piccele cumme Lalibela, tradiziunale cindre de pellegrinagge e, cchiù de recende, mete turisteche.

Turisme

[cange • cange 'a sorgende]

'U turisme jndr'à ll'Etiopie non g'ète angore sveluppate, e non ge stonne angore 'nfrastrutture adeguate. Comungue 'u guverne de ll'Etiopie conzidere 'u turisme, pè 'u future, cumme une de le fonde de trasùte potenzialmènde cchiù 'mbortande pè 'u Paise. 'U tendative jè ccu punde sus a turiste cu 'nu reddite medie-ìrte, ca sijane attratte d'a culture d'u luèche, e da le bellezze naturale. Jndr'ô 1998 honne visitate l'Etiopie cirche 250.000 crestiáne; comungue quiste date jè parziale, 'a cchiù granna vanne de quiste visitature scè jndr'à ll'Etiopie de passagge, o pè fatije.

'U Simien

A quiste s'honne ccu aggiunge otre tipe de vanne prutette a levèlle naziunale: sanduarje naturale, foreste, reserve, vanne de cacce condrollate, ecc.

Arte

[cange • cange 'a sorgende]

Ricche e abbondande sonde pure l'arte e l'architetture releggiose, ca reflettene 'a longhe storie d'u Crestiánesime etiope; le chiesère, e le affresche ca se iacchiene ad 'u lòre 'nderne, testimoniane 'nfluenze bizandine e copte.

Jndr'à ll'Etiopie jè diffuse specialmènde 'a petture a suggètto sacre, caratterizzate da culure assaje forte e calde ('nu suggètte tipeche jè le 'ngondre 'mbrà Salomone ed 'a Reggine de Saba); non g'ète diffuse 'nvece 'a sculture (sule 'a petture pòte ccu raffigure scene sacre).

Ce stonne pure 'nu munne de quadre a suggètte magrebine d'u canosciute artiste ottocindèsche Eugène Delacroix (Charenton-Saint-Maurice 1798-1863) ca, partenne da 'u 1932, hagghie effettuate cchiù viagge jndr'à ll'Africa.

Architetture

[cange • cange 'a sorgende]

'Ndorne ad 'u I millennie a.C. predominarene le 'nfluenze sudarabiche a cui se aggiunsero quèddee asiateche-sirianeche. A cavadde de ll'ère crestiáne se spannèrene elemende indiane, testimoniate da 'u cungette d'u tembie rupestre isolate e de le motive decorative architettoneche, seguite da elemènde de ll'arte copte.[12]

L'arte etiopiche s'ète sveluppate sije jndr'à fase medioevale, da 'u VII sèchele ad 'u XVI sèchele sije jndre une cchiù muderne. Jndr'ô prime periode fùrene specialmènde le vanne d'u nord e d'u cindre d'u Paise ce hagghie fornite 'na granna fioriture, mendre 'u reste d'u Paise fù 'mbegnate jndre aspre uerre cu le forze islameche.

'A caratteristeche prengepàle de ll'arte etiopiche fù 'u ritme orizzondale tipeche de le edifice, pure jndre quidde ìrte contraddistinde d'a trasposiziune d'a tecniche de le capanne andìche renforzate da trave orizzondale. 'U motive recorrende jè andìche, pè 'u motive ca recorde le stele paleo-etiopiche, sije a sfunne releggiose-funerarije, sije cu motive polìteche pè fà ccu esalte 'u palazze d'u re.

Ce jndr'à ll'architetture paleo-etiopiche le elemènde tipeche fùrene 'u podie de sostegne a le gradine, 'a scalinate de accesse esterne a tombe, chiesère e palazze, 'a chiese de Dabra Dammò testimonie, 'nvece, 'u passagge a l'architetture medievale, contraddistinde da 'nderne a ttrè navate terminande jndre asbide de derivaziune siriache. Famuse ha state 'u comblesse de 50 chiesère de Lalibela resalènde ad 'u XII sèchele, d'a piande regolare, arche ambie, soffitte a cupolette, fenestrèdde cu griglie a croce.

Le chiesère d'u nord combresere nette scucchiamènde 'mbrà 'u vestibole ed 'u tabernachele, 'nvece 'ndorne ad 'u XVI sèchele jè comparisciùte 'a chiese rotunne cu tette coniche probabbelmènde de 'nfluenze oriendale.

Cchiù recentemènde, le 'nfluenze purtughese se manifeste jndre edifice quadrangolare, a cchiù chiane cu torrione angolare.

Sculture

[cange • cange 'a sorgende]

'A sculture fù costituite prevalentemènde da le frege esterne e 'nderne de le chiesère eseguite jndr'à pietre o jndr'ô legne, quacche vote policrome cu motive sciumetreche o anemalesche oppure raffigurànde iangèle e sande.

Petture

[cange • cange 'a sorgende]

Ce 'a prime petture medievale se caratterizze de affresche de sande o de re-sande raffigurate jndre 'nu mode rigide e chiatte, jndr'à lle sèchele successive se 'mbose 'a petture a granne tempere sus a tèle o sus a pelle, da fà ccu conzerve sus a lle parete de le chiesère.[12]

Jndr'ô XIV sèchele se spanne 'u guste siriache e armene, cu n'aggiunde 'na ornamendaziune copte; jndre quidde seguende se spanne 'u guste bizzandine d'u retratte de l'evangeliste a chiena pàgene, mendre 'nvece jndr'à lle sèchele successive se spánnene motive e stile occidentale.

'A cchiù tipeche e caratteristeche forme pettoreche jè state 'a miniature, ca tène 'na origgene pre-crestiáne.

Sport

[cange • cange 'a sorgende]

Le atlete etiope se distinguone jndr'à lle discipline atletiche d'u funne e mmienzefunne, cu 'na tradiziune a resale a lle anne '60 d'u sèchele passate cu 'u maratonete Abebe Bikila, vinciture de le maratone olimbiche de Rome e Tokyo. Otre plurivinciture de medaglie olimbiche sonde state Myrus Yfter, Haile Gebrselassie, Kenenisa Bekele. 'Mbrà lle fèmmende s'honne ccu signale Derartu Tulu e Tirunesh Dibaba. Jè assaje 'mbortande ccu signale ca, ôsce a die, nisciune mmienzefunniste etiope jè state squalifecate pè doping.

Note

[cange • cange 'a sorgende]
  1. ↑ http://hdr.undp.org/en/media/HDI_2008_EN_Tables.pdf
  2. ↑ Histories, lìbbre 2, capitole 29 e 146; lìbbre 3, capitole 17
  3. ↑ Odissee, lìbbree 1, righe 22-23; lìbbre 4, righe 84
  4. ↑ perseus.tufts.edu, http://www.perseus.tufts.edu/cgi-bin/ptext?doc=Perseus%3Atext%3A1999.04.0057%3Aentry%3D%232329.
  5. ↑ Histories, II, 29-30; III, 114; IV, 197
  6. ↑ http://www.gospelcom.net/dacb/stories/ethiopia/gudit_.html
  7. ↑ Nita Bhalla, The town that Rastafarians built, BBC News, 5 Novèmmre 2001. URL conzultate il 7 abbrile 2010.
  8. ↑ https://web.archive.org/web/20080130033851/http://www.ethiopianembassy.org/population.shtml
  9. ↑ http://bxabeg.people.wm.edu/Ethiopia.Census%20Portrait.pdf
  10. ↑ The History of Ethiopian Jews, artichèle d'a Jewish virtual library
  11. ↑ Jndr'à ll'immaggene: 'u granne riassette de ll'Etiopie BBC 22 Abbrile 2004
  12. ↑ 12,0 12,1 Le muse, De Agostini, Novara, 1966, Vol.IV, paG.410-411

Bibbliografije

[cange • cange 'a sorgende]
  • Adolph Freiherr Knigge, Benjamin Noldmann's Geschichte der Aufklärung in Abyssinien oder Nachricht von seinem und seines Herrn Vetters Aufenthalte an dem Hofe des großen Negus, oder Priesters Johannes (Volltext)
  • Gerhard Rohlfs, Im Auftrage Sr. Majestät des Königs von Preussen mit dem Englischen Expeditionscorps nach Abessinien (Volltext)
  • Gerd Gräber, Angelika Gräber, Berhanu Berhe, Äthiopien, ein Reiseführer, Heidelberg, Kasparek, 1997. ISBN 3-925064-21-4
  • Alain Gascon, La Grande Éthiopie, une utopie africaine, Parigi, CNRS éditions, 1995. ISBN 2-271-05235-1.
  • Xavier vand der Stapen, Éthiopie, au pays des hommes libres, Tournai, La Renaissance du Livre, 2004. ISBN 2-8046-0828-X.
  • Lorenzo Mazzoni, Kebra Nagast. La Bibbia segreta del Rastafari, Coniglio editore, 2007. ISBN 978-88-6063-063-6.
  • Arnaldo Mauri, Il mercato del credito in Etiopia, Giuffrè, Milano 1967.
  • Clara Caselli e Arnaldo Mauri, Moneta e banca in Etiopia, Giuffrè, Milano 1986, ISBN 88-14-00769-1
  • Arnaldo Mauri, The re-establishment of the national monetary and banking system in Ethiopia (1941-1963), "The South African Journal of Economic History", Vol. 24 (2), 2009.

Vôsce cullegate

[cange • cange 'a sorgende]

Otre pruggette

[cange • cange 'a sorgende]
Condrolle de autoritàVIAF (EN) 132211363 · ISNI (EN) 0000 0004 0557 5014 · LCCN (EN) n79081279 · GND (DE) 4000639-6 · BNE (ES) XX451088 (data) · BNF (FR) cb12123982d (data) · J9U (EN, HE) 987007554828905171 · NDL (EN, JA) 00562056

Collegamende sus a indernette

[cange • cange 'a sorgende]
Divisiune amministrative de l'Etiopie Bandiere de l'Etiopie
Reggione
Afar | Amhara | Benishangul-Gumaz | Gambela | Harar | Oromia | Somali | Naziune, Naziunalità e Popule d'u Sud | Tigrè
Cetate autonome
Addis Abeba | Dire Daua
Provinge de l'Etiopie fine ad 'u 1995
Arussi | Bale | Gamo Gofa | Goggiam | Begemder | Hararghe | Ilubabor | Caffa | Scioa | Sidamo | Tigrè | Uolleggà | Uollò
Pigghjete da "https://roa-tara.wikipedia.org/w/index.php?title=Etiopie&oldid=147910"