Kinshasa

Kinshasa
Kinshasa; cetate-provinge
	(FR) Kinshasa
	Kinshasa – VedutaCentre da cetate.
Localizzazione
State	RD d'u Congo
Amministrazione
Capeluéche	Kinshasa
Amministratore locale	Gentiny Ngobila Mbaka
Territorie
Coordinate; d'u capeluéche	4°19′19.2″S 15°19′15.6″E
Altitudine	240 m s.l.m.
Superficie	9 965 km²
Crestiàne	17 855 000 (2017)
Denzetà	1 791,77 ab./km²
Otre 'mbormaziune
Lènghe	lingala, francese
Prefisse	0987-
Fuse orarie	UTC+1
ISO 3166-2	CD-KN
Soprannome	Kin la belle (Kin la bella)
Cartografije
	Kinshasa – Localizzazione
Site istituzionale
	Cange le date sus Uicchidate · Manuale

Kinshasa (fine a 'u 1966 Léopoldville o Leopoldstad) jè 'a capitale ed 'a cchiù granna cetate (17 855 000 crestiáne) d'a Repubbleche Democrateche d'u Congo. Jè 'a terze granna aree metropolitane de l'Africa dope 'U Cairo e Lagos. Jndre l'ordinamende amministrative d'u paise, Kinshasa jè sie 'na cetate ca 'na provinge ('n mode auguale a Parigge jndre l'ordinamende frangise, ca jè sie 'na cetate ca 'nu dipartimende).

Sciugrafje

Se iacchie a 280 m s.l.m., sus 'a rive sinistre d'u fiume Congo 'n corrispondenze d'u Pool Malebo, de nnanze a Brazzaville, capitale d'a Repubbleche d'u Congo.

Storie

Fù funnate da Henry Morton Stanley jndr'ô 1881 cu 'u nome de Léopoldville, in onore d'u sovrane belghe Leopoldo II, sulamende 'nu anne dope ca 'u soje rivale jndr'à esplorazziune d'u fiume Congo, Pietro Savorgnan de Brazzà, avéve funnate Brazzaville sus 'a rive opposte d'u fiume. 'A 'mbortanze strateggeche de le 'nzediamende ere dovute a 'u fatte ca 'a palude de Malebo, ca scucchie le dò cetate, jè 'u punde a partire da 'u quale 'u fiume Congo devende navigabbele procedenne verse le 'nderne d'u continende. Pè avè accesse a totte 'u bacine d'u Congo, accussì, ere necessarie scè nnanze vie terre sule fine a Malebo, dope ca da stù punde ere possibbele scè nnanze (assaje cchiù agevolmende) vie fiume.

A 'u 1898 resale 'u combletamende d'a ferrovie derette verse 'a cetate costiere de Matadi. Quanne, jndre le anne vinde, 'a capitale d'u Congo Belghe ha state spustate da Boma a Léopoldville, jedde crebbe assaje velocemende: a metà de le anne trende le crestiáne erene cirche 40.000, 2.500 de le quale erene europee; 'a popolazziune stimate d'u 1945 ere auguale a 100.000 crestiáne, e a l'inizie de le anne cingande le crestiáne erene 250.000, 'mbrà cui ce stavane 15.000 europee. Jndre quèdde epoche resale 'a funnazione de l'università amministrativamende aggregate a l'università de Lovanio.

Prime de le 'ndependenze, Léopoldville ere costituite da dò stuezze distinde, 'a cetate de le europee e quèdde africane chiamate Quartier Indigène. Le residende tenèvane abbesògne de 'nu permesse speciale pè trasére jndre le deverse stuezze d'a cetate dope le ore 21.00. Jndr'ô 1950 ha state qugghiate 'u stadie. Jndr'ô 1960 Lépoldville avéve cirche 400.000 crestiáne, ed ere 'a cchiù populose cetate de l'Africa cendrale. Dope 'a pigghiate de potere da parte de Mobutu Sese Seko (1965) Léopoldville venne renomenate Kinshasa, da 'u nome de 'nu villagge piccenne ca se iacchie jndre le presse d'a cetate.

Economije

Kinshasa jè pure 'nu attive cendre 'ndustriale e costituisce 'u cchiù granne porte fluviale de l'Africa, capolinee d'a ferrovie e d'u oleodotte pè Matadi.

Personalità legate a Kinshasa

Cyrille Adoula, polìteche
Alessandro D'Onofrio, architette e curatore d'arte
Kama Sywor Kamanda ca aqquà hagghie studiate sciurnalisme, scienze polìteche, lettere e felosofije.