Нава

Главна нава (офарбено) е в западной части церкви

Бочны навы (офарбено), оддѣлены колонами од середной, назначены таксамо вѣрникам

Поперечна нава оддѣлять главну наву од олтарьного простора, назначеного священству

Нава, лат. navis 'корабель' — в архитектурѣ означать продовгастый простор в церкви, меджи входом и олтарьнов частьов, назначеный вѣрникам, котры там стоять в часѣ богослужбы. В малых деревяных церквах нава ограничена з двох бокох стѣнами, од запада — бабинцьом, од востока — олтарьом.

Во векшых храмах и базиликах суть еще бочны навы, а главна (середна) нава оддѣлена од них колонадов або аркадов. В базиликах главна нава е высша од бочных и мать властны вызоры, котры ю чинять свѣтлѣйшов.

Поперечна нава (трансепт) росширять простор церкви и оддѣлять главну наву од олтарьноо простора, назначеного священству.

Етимология

Термин походить од латинского означѣня корабля, як ся поважуе, про то, же корабель быв приятый за символ Церкви. В русчинѣ про тот термин хоснують слово неф од фр. nef, што так само означать корабель.

„	Святые отцы уподобляют церковь, плывшему среди всемірнаго потопа ковчегу Ноя, внѣ котораго не существовало спасенія.	”
Иван Силвай. Другій свѣт,том 1, с. 18.

Жерела и одказы

• Nave. //Encyclopædia Britannica. Одчитане 11.02.2015.
• Dr. Ralph F. Wilson. Ship as a Symbol of the Church (Bark of St. Peter) англ.
• Неф. //Католическая Россия. русс.
• Священник Уріил. Другій свѣт. Том 1.
• Трансепт. //Архитектурна терминология русс.