Campania

Articulu in logudoresu

Bandera

Posidura in Itàlia

Sa Campania est una de sas binti regiones 'e s'Itàlia.

Tenet 5.820.795 abitantes. Sa capitale est Napoli.

Cunfinat cun Lazio (nord-ovest), Puglia (nord-est), Molise (nord) e Basilicata (est). Est bagnada dae su mare Mediterràneu in su sud-ovest.

Geografia

Sa Campania est situada in s'Itàlia Meridionale. Est una regione prevalentemente collinare e montuosa, e sas pianuras no sunt mannas e s'agatant vicinu a su mare.

Sa montagna pius alta est su monte Miletto, in su nord de sa regione. Un'àteru monte importante est su Vesuvio, unu de sos vulcanos ativos 'e s'Itàlia.

Rios

Sos rios 'e sa Campania no sunt longos meda, e tenent un'andamentu onduladu. Guasi totus si betant in su mare Tirrenu. Sos pius importantes sunt su Volturno, su Sele, su Calore e su Tanagro.

Clima

Su Clima est mediterràneu, ma bi sunt zonas (subratuttu in montagna) inue c'at unu clima continentale.

Economia

Una de sas atividades pius importantes est su turismu: sa regione est apretziada pro tzitades de arte comente Napoli e Caserta (famosa pro sa reggia), pro su mare (subratuttu pro sa costiera amalfitana) e pro àteras bellèsas naturales.

Tzertas industrias sunt bastante isvilupadas, comente cussa automobilistica. S'industria alimentare est isvilupada gratzias a sas numerosas ispetzialidades: sa pizza, sa mozzarella, sas pumatas e varios binos.

Bi sunt portos importantes, pro esempiu sos de Napoli, de Salerno e de Castellamare di Stabia.

Tzitades

Sas tzitades pius importantes sunt:

1. Napoli
2. Salerno
3. Caserta
4. Benevento
5. Avellino