Kyoto

Coordinadas: 35°00′41.8″N 135°46′05.2″E / 35.011611°N 135.768111°E35.011611; 135.768111

Custu artìculu est iscritu cun sa grafia

Limba Sarda Comuna

. Abbàida sas àteras bariedades gràficas:

Kyoto 京都市


Nùmene ufitziale:	京都市 (Kyōto-shi)
Istadu:	Giapone
Regione:	Kansai
Provìntzia:	京都府 Kyōto-fu
Ladiore:	35°00′42″ Nord
Longhiore:	135°46′05″ Est
Artiore:	9 m. subra su mare
Tirada:	827,83 km²
Populatzione:	1,443,368(1/11/2023) 1.744 biv./km²
Giassu web:	Giassu Istitutzionale

Kyōto (in giaponesu 京都市 Kyōto-shi, "Tzitade capitale") est una tzitade de su Giapone de agiumai 1,44 milliones de bividores, bidda manna de sa prefetura omònima.

Fiat sa capitale de su Paisu pro prus de unu millènniu (dae su 794 a su 1868) e est connota comente "sa tzitade de is milli tèmpios". Sende chi dd'ant risparmiada agiumai de s'in totu dae is bombardamentos de sa segunda gherra mundiale^[1], est cunsiderada su prus relicuàriu mannu de sa cultura giaponesa e pro custu insertada me is logos amparados dae s'UNESCO. Est una sede universitària de importu natzionale e tzentru culturale de livellu mundiale.

Is Istados Unidos ant cunsideradu s'idea de ghetare sa bomba atòmica a subra de Kyoto a sa fine de sa segunda gherra mundiale ca, comente tzentru intelletuale de su Giapone, teniat una populatzione bastante manna de pòdere cumbìnchere a s'imperadore a s'arrimare^[2]. A sa fine, a pustis de s'insistèntzia de Henry L. Stimson, segretàriu a sa gherra me is amministratziones de Roosevelt e Truman, ant bogadu sa sa tzitade dae s'elencu de is obietivos e cambiada cun Nagasaki.

Sa tzitade at acasagiadu sa cunferèntzia de is Natziones Unidas a subra de is cambiamentos climàticos, in ue su 11 nadale 1997 is rapresentantes de prus de 160 Paisos ant firmadu su tratadu internatzionale in matèria ambientale chi pertocat su riscaldamentu globale, connotu comente protocollu de Kyoto^[3].

Riferimentos

↑ (IT) Raphaël Schneider, B-29 Nei bombardamenti in Giappone - Le città nipponiche sotto le bombe, in Epoca militare, in Storia e battaglie del novecento, vol. 1, Duegi Editrice, 3 martzu 2019.
↑ (EN) The Atomic Bomb and the End of World War II: A Collection of Primary Sources, in nsarchive2.gwu.edu. URL consultadu su 5 nadale 2021.
↑ (IT) Il Protocollo di Kyoto, in ENAC. URL consultadu su 5 nadale 2021.

[1] (IT) Raphaël Schneider, B-29 Nei bombardamenti in Giappone - Le città nipponiche sotto le bombe, in Epoca militare, in Storia e battaglie del novecento, vol. 1, Duegi Editrice, 3 martzu 2019.

[2] (EN) The Atomic Bomb and the End of World War II: A Collection of Primary Sources, in nsarchive2.gwu.edu. URL consultadu su 5 nadale 2021.

[3] (IT) Il Protocollo di Kyoto, in ENAC. URL consultadu su 5 nadale 2021.

[1]

[2]

[3]