bringebær

Bringebær har glatte årsskot med finnete blad med 5 småblad. Frå årsskota veks det året etter ut sidekvister med trekopla blad. Dei femtallige blomane har kvite kronblad, mange pollenberarar og mange frie fruktblad. Fruktene som blir danna er ei samansett steinfrukt, og raude, eller gule.

I Noreg er bringebær vanleg i skogen og på steinete stader nord til Troms og Porsanger.

Hagebringebær har større bær enn dei ville bringebæra. Dei stammar frå former som har vore dyrka sidan mellomalderen. Nokre av dei vanlegaste i Noreg er Vene, med små, mørke glansfulle bær. Asker med små og blaute bær, Veten med mørkt raude, kjegleforma og store bær. Preussen med lyse bær og lys saft, og Varnes med store, gule bær. Dei mest hardføre bringebærsortane kan dyrkast nord til Troms.

• rosefamilien