kåter

Kåter er utvekstar på tre der vedfibrane er vridde og slyngde om kvarandre, slik at veden får ein svært hard og seig konsistens. Kåtene dannar ein vakker struktur, og blir difor ofte brukt til treskurd. Dei vakraste finst på bjørk og or, hos or særleg på røtene. Fruktlekamane av visse ròtesoppar som snyltar på tre (sjå kjuker og poresoppar), blir feilaktig kalla kåter.

Tre tilhøyrer grunneigaren. Allemannsretten og friluftslova sine reglar om retten til hausting i naturen er avgrensa til å omfatte ville bær og blomar, og dessutan retten til å ta små mengder turt og dødt verke til leirbål og så vidare. Innsamling av bjørkenever, tapping av sevje, å skjere av kåter eller å ta røter frå friske tre treng grunneigaren sitt løyve.