Linse er ein eittårig art i erteblomfamilien. Planten er 20–40 cm høg med bleikblå blomar og lysebrune belger med eitt eller to flate frø, linser. Det finst mange sortar med ulik farge: svarte, gule, grøne og raude. Linser har eit høgt proteininnhald og er ei viktig næringskjelde i område med tørt klima. Dei er også ei viktig proteinkjelde i eit vegatabilsk kosthald.
Faktaboks
- Vitskapeleg namn
- Lens culinaris
- Beskriven av
- Friedrich Kasimir Medikus
- Årleg global produksjon
- 5,6 millioner tonn (2021)
Canada er det største produsentlandet. Linsedyrking har også vore forsøkt i Noreg, og planten finst av og til forvilla ved møller. Linser har vore kjent heilt frå steinalderen, og det er nemnt i mellom anna gamle egyptiske og romerske skrifter og i Bibelen.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.