Adat Nikah
Adat istiadat upacara nikah urang Sunda di Parahyangan "Jawa Barat" umumna mah sarua.[1] Tatapi aya sababaraha hal anu bisa disebut has di tiap wewengkon, dina raraga ngalaksanakeunnana, sanajan hirupan budakna atra yén gelarna adat pernikahan urang Sunda, mangsa bihari beda jeung adat istiadat gelaran nikah jaman kiwari. [1] Kitu deui dina masalah nga rérémokeun.[1] Baheula mah kalan-kalan budak awéwé dijodokeun atawa dirérémokeun ku kolotna ka anak sobatna atawa ka anak dulurna kénéh, bari jeung budakna mah teu apal-apal acan. Malah baheula mah sok kapireng aya kawin paksa.[1] Kolot baheula kadang-kadang tara mikirkeun kahirupan anakna pikahareupeun dina ngurus rumah tangga. Nu penting mah, yén budak awéwé mun geus akil baligh kudu geura dikawinkeun, ulah nepi ka jomlo anu bakal mangaruhan kana status sosialna, sarta ajén diri jeung kahormatan kulawargana.[1] Tumali kitu, biasana mah sanajan éta wanoja téh teu acan cukup umur, budak parawan téh geuwat-geuwat dikawinkeun.[2]
Sumber
| Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |