1293 – Raja Sancho IV ti Kastile ngadegkeun Estudio de Escuelas de Generales (hiji universitas panalitian) di Alcalá de Henares (ka asup wilayah Madrid).
1498 – Pangjajah Portugis, Vasco da Gama, manggihan rute laut ka India wanci manéhna nepi ka Kozhikode (Kalikut), India.
1570 – Kartographer Abraham Ortelius medalkeun Theatrum Orbis Terrarum, atlas modérn nu munggaran.
1609 – Soneta Shakespeare munggaran dipedalkeun di London, meureun sacara illegal, ku juru cétak Thomas Thorpe.
1631 – Kota Magdeburg di Jérman dikepung ku pasukan Karajaan Romawi Suci sarta loba pangeusina ditandasa dina hiji kajadian pangbantéyan pang pinuh getihna dina Perang Tilu Puluh Taun.
1813 – Napoleon Bonaparte mingpin tentara Perancisna ka Patempuran Bautzen di Sakson, Jérman, ngalawanan pasukan gabungan Rusia jeung Prusia. Réngsé poé isukna pikeun kameunangan Perancis.
1908 – Dr. Soetomo saparakanca ngadegkeun Budi Utomo hiji organisasi pamuda Indonésia di jaman pangjajahan. Kiwari tanggal ieu dipiinget minangka Poé Kabangkitan Nasional.
1902 – Kuba meunangkeun kamerdékaanna ti Amérika Sarikat, Tomás Estrada Palma jadi présidén kahiji nagara éta.
1983 – Béja munggaran tina panimuan virus HIV nu ngabalukarkeun AIDS dina jurnal Science ku Luc Montagnier.
1983 – Hij bom mobil nu dipasang ku Umkhonto we Sizwe ngabeledug di Jalan Garéja di Ibu Kota Afirka Kidul, Pretoria, nelasan 19 jalma sarta nyideraan 217 lianna.
2002 – Kamerdékaan Timor Wétan diaku ku Portugal, sacara rasmi ngeureunan pamaréntahan Indonésia salila 23 taun sarta tilu taun mangsa administrasi PBB (Portugal sorangan baheulana kungsi ngajajah Timor Wétan nepi ka taun 1976).
2012 – Dua puluh tujuh jalma palastra sarta 50 lianna cidera nalika gempa 6,0 mw narajang Italia kalér.
2013 – Hiji tornado EF5 narajang pasisian Kota Oklahoma, Moore, nelasan 24 jalma sarta nyideraan 377 lianna.
2013 – Saratus tilu puluh tilu jalma palastra sarta 283 lianna ciidera dina tutuluyan galura kaheurasan di Irak.
2015 – Lima bank utama dunia (JPMorgan, Barclays, Citigroup, RBS jeung UBS) didenda AS$5,7 milyar alatan ngamanipulasi pasar.
2019 – Sistém Unit Internasional (SI): Unit-unit dasar dipuguhkeun deui, ngajadikeun prototipe internasional kilogram tinggaleun.
2019 – Google ngareureuhkeun dukunganna kana sistém AndroidHuawei alatan ningkatna perang téhnologi antara AS jeung Tionghoa.