Krijimi dhe redaktimi i ngjarjeve te Calendar në iPhone

Përdorni aplikacionin Calendar për të krijuar dhe për të redaktuar ngjarje, takime dhe vizita.

Një kalendar në pamjen e ditës që tregon ngjarjet e ditës. Prekni butonin Calendars në fund të ekranit për të ndryshuar llogaritë e kalendarit. Prekni butonin Inbox poshtë në fund për të parë ftesat.

Pyet Siri. Thoni diçka si:

“Set up a meeting with Gordon at 9”
“Do I have a meeting at 10?”
“Where is my 3:30 meeting?”

Mësoni si të pyesni Siri-n

Shtimi i një ngjarjeje

Në pamjen e ditës, prekni djathtas lart.
Plotësoni detajet e ngjarjes.
Futni titullin dhe vendndodhjen e ngjarjes, orarin e fillimit dhe të mbarimit, sa shpesh përsëritet etj.
Prekni Add djathtas lart.

Shtimi i një sinjalizimi

Mund të caktoni një sinjalizim për t’u kujtuar paraprakisht për një ngjarje.

Prekni ngjarjen, pastaj prekni butonin Edit lart djathtas.
Te detajet e ngjarjes, prekni Alert.
Zgjidhni se kur dëshironi të kujtoheni.
Për shembull, “At time of event,” “5 minutes before,” ose një zgjedhje tjetër.
Shënim: Nëse shtoni adresën e vendndodhjes së aktivitetit, Calendar përdor Apple Maps për të kontrolluar vendndodhjet, gjendjen e trafikut dhe opsionet e transportit publik për t'ju treguar se kur është koha për t'u larguar.

Shtimi i një bashkëngjitjeje

Mund të shtoni bashkëngjitje në aktivitetet e Calendar për t'i ndarë me të ftuarit.

Prekni ngjarjen, pastaj prekni butonin Edit lart djathtas.
Te detajet e aktivitetit, prekni Add Attachment.
Hapet aplikacioni Files, që shfaq skedarët tuaj të hapur të fundi.
Gjeni skedarin që dëshironi të bashkëngjisni.
Për të gjetur skedarin, mund të shfletoni, të prekni dosjet për t'i hapur, të prekni Browse për të parë në vende të tjera (si p.sh. iCloud Drive), të shkruani emrin e skedarit në fushën e kërkimit e kështu me radhë. Shikoni Shfaqja e skedarëve dhe e dosjeve te Files në iPhone.
Prekni Done.

Për të hequr një bashkëngjitje, prekni një aktivitet, prekni Edit djathtas lart, rrëshqisni majtas mbi bashkëngjitje, pastaj prekni Remove.

Gjetja e aktiviteteve në aplikacione të tjera

Siri mund të sugjerojë aktivitete që hasen te Mail, Messages dhe Safari - si p.sh. rezervime fluturimesh dhe prenotime hotelesh - që të mund t'i shtoni me lehtësi te Calendar.

Shkoni te Settings > Calendar > Siri & Search.
Aktivizoni Show Siri Suggestions in App për t'i lejuar Siri të sugjerojë aktivitete që hasen në aplikacione të tjera.

Për t'i lejuar Siri të bëjë sugjerime në aplikacione të tjera sipas mënyrës se si e përdorni Calendar, aktivizoni Learn from this App.

Redaktimi i një ngjarjeje

Mund të ndryshoni orarin e një ngjarjeje dhe çdo detaj tjetër të ngjarjes.

Ndryshoni orarin: Te pamja e ditës, prekni e mbani një ngjarje, pastaj zvarriteni drejt një ore të re, ose rregulloni pikat e kapjes.
Ndryshoni detajet e ngjarjes: Prekni ngjarjen, prekni Edit lart djathtas, pastaj te detajet e ngjarjes, prekni një cilësim për ta ndryshuar ose prekni te një fushë për të shkruar informacionet e reja.

Fshirja e një ngjarjeje

Te pamja e ditës, prekni një ngjarje, pastaj prekni Delete Event në fund të ekranit.

I dobishëm?

Udhëzuesi i përdorimit të iPhone