Tabela e përmbajtjes

Mësoni gjestet për iPhone X e lart

Ja një referencë praktike për gjestet që mund të përdorni për bashkëveprim me iPhone X e lart.

				Vajtja te Home. Rrëshqitni lart nga fundi i ekranit për t’u kthyer tek ekrani Home në çdo moment. Shikoni Eksplorimi i ekranit iPhone Home dhe i aplikacioneve të hapura.
				Komandat e aksesit të shpejtë. Rrëshqitni poshtë nga këndi djathtas lart, për të hapur Control Center. Shtypni (ose prekni dhe mbani prekur) një kontroll për të zbuluar më shumë opsione. Për të shtuar ose hequr artikuj, shkoni te Settings > Control Center > Customize Controls. Shikoni Përdorimi dhe personalizimi i Control Center në iPhone.
				Hapni App Switcher. Rrëshqitni lart nga skaji i poshtëm, ndaloni në qendër të ekranit dhe më pas ngrini gishtin. Për të shfletuar aplikacionet e hapura, rrëshqitni djathtas, pastaj prekni aplikacionin që dëshironi të përdorni. Shikoni Kalimi mes aplikacioneve në iPhone.
				Ndërroni mes aplikacioneve të hapura. Rrëshqitni djathtas ose majtas përgjatë skajit të poshtëm të ekranit për të ndërruar me shpejtësi mes aplikacioneve të hapura. Shikoni Kalimi mes aplikacioneve në iPhone.
				Pyeteni Siri-n. Thjesht thoni, “Hey Siri”. Ose mbani shtypur butonin anësor dhe bëni kërkesën tuaj. Siri dëgjon derisa të lëshoni butonin. Shikoni Pyesni Siri-n në iPhone.
				Përdorimi i Apple Pay. Klikoni dy herë butonin anësor për të shfaqur kartën standarde të kreditit, pastaj hidhini një shikim iPhone për t'u autentikuar me Face ID. Shikoni Kryerja e pagesave pa kontakt me anë të Apple Pay në iPhone.
				Përdorimi i Accessibility Shortcut. Klikoni tri herë mbi butonin anësor. Shikoni Përdorimi i shkurtoreve të asistencës në iPhone.
				Shkrepja e një pamjeje ekrani. Shtypni njëkohësisht dhe lëshoni shpejt butonin anësor dhe butonin e volumit lart. Shikoni Shkrepja e një fotoje ekrani në iPhone.
				Përdorni Emergency SOS (në të gjitha rajonet përveç Indisë). Njëkohësisht shtypni dhe mbani shtypur butonin anësor ose një prej butonave të volumit derisa të shfaqen rrëshqitësit, më pas zvarritni Emergency SOS. Shikoni Përdorimi i Emergency SOS (në të gjitha rajonet përveç Indisë).
				Përdorni Emergency SOS (në Indi). Klikoni tri herë mbi butonin anësor. Nëse keni aktivizuar Accessibility Shortcut, njëkohësisht shtypni dhe mbani shtypur butonin anësor ose një prej butonave të volumit derisa të shfaqen rrëshqitësit, më pas zvarritni Emergency SOS. Shikoni Përdorimi i Emergency SOS (në Indi).
				Fikja. Njëkohësisht shtypni dhe mbani shtypur butonin anësor ose një prej butonave të volumit derisa të shfaqen rrëshqitësit, më pas zvarritni rrëshqitësin për ta fikur. Ose shkoni te Settings > General > Shut Down. Shikoni Fikja e ndezja e iPhone.
				Rinisja me detyrim. Shtypni dhe lëshoni butonin e rritjes së volumit, shtypni dhe lëshoni butonin e uljes së volumit, pastaj shtypni dhe mbani shtypur butonin anësor derisa të shfaqet logoja e Apple. Shikoni Rinisja me detyrim e iPhone.

I dobishëm?