sanek nu mukan

izay caay kalecan ku sanek nu mukan?

sapuelac

ngatu cacay

i sema'(舌頭) nu mita, izaw ku sepat katukuh lima malebut a sipaw(外來語:細胞) nu weilei(外來語:味蕾). weilei taneng matineng(感受,知道) ku sanek nu kakaenan(食物) ilabu' nu laway niyam, patapunu' ku cucuk(刺激) nu sanek. tatenga', u tineng nu mita ku sanek, caay kayadah, u cilemin(酸), sicedam(甜), akenek(苦), ahecid(鹹) atu aledah(辣), lima a sanek dada'. lima a sanek pasaupu sa, sayadah tu ku caay kalecaday a sanek. aninil sa(有趣), caay kalecaday a eneng(部位) nu sema', caay kalecad ku tineng. tinaku: i zicem(尖) nu sema' sa, kapah ku tieng nu sicedamay, i lamit(根) nu sema, kapah ku tineng nu akenek. anu patiza tu waneng itiza i lamit nu sema', caay kakapah ku tineng, anu patiza tu waneng i zicem nu sema', sicedam ku tineng nu mita.

ngatu tusa

uzuma sa, u macucuk tu tademaway a kakaenan, tinaku: cupel, caykaw ku sanek kuyza, u cucuk kuyza. u tineng nu mita, aledah atu adada' a katinengan malecad tuway. u aesu' nu kakaenan, caay u sema' mitineng a cacay, malawilaw(影響) tu ku aazihen a tineng, sanek nu cihek, atekak-dawmi', u tiyung nu sema'. anu caay pisanek ku cihek mukan sa, u aesu' ku kakaenan, masumad tuway. u zuma sa, akuti'ay(熱) a kakaenan taneng matieng tu sicedamay, sisa, u dihku atu liedec malawilaw tu ku sanek nu sema'.

ngatu tulu

sanek nu mukan sa, u tieng nu namakay cucuk nu besucay(直接) huasei(外來語:化學). lima a sanek, yamayiliu sicedam, ahecid, akenik, cilemin atu siyan(鮮). u zikuzay "siyan", capi a demaid maazih nu kagakay(科學家). sanek nu mukan sa, u icel(能力) nu tineng tu sanek nu tuud, yamayiliu kakaenan, kuangwu(外來語:礦物) atu walak(毒物). u mauzipay izaw tu ku sanek-tineng ilabu' nu laway.

namakayniyan a nasulitan nasakamuwan atu natinengan

Wikipayke paybalucu'ay pulungamin a cudad-sanek nu mukan

Researchers Define Molecular Basis of Human "Sweet Tooth" and Umami Taste

Answers to several questions of curious kids about taste

nasulitan nay paybalucu'ay a kawaw nu subana'ay a pu 2018-1, nasulitan ni Tuku Sayun