Endeleg ferdig!!

I dag har eg hatt fri frå jobben og har for det meste berre sløva. Men noko må ein gjere på når ein sløvar og. Eg fekk montert ferdig den lilla sommarjakka, herleg!
Eg var hos Reidun på Eid Miljø og kjøpte denne nåla som er laga av bein (berre 69 kroner).
Fint å sleppe knappehol og knappar!

Hekla veske i Muskat

I juni hekla eg ei veske til meg sjølv i Pt Sumatra. Sidan svigermora mi likte den så godt, har eg hekla ei til henne som ho skal få i julegåve. Denne gongen har eg hekla i Muskat, og eg synest det blei vel så bra. Ho likar grønt, så eg håper ho blir fornøgd! Veska har vore ferdig lenge, eg har berre ikkje somla meg til å sy på hankane før i kveld. Ute i siste liten som vanleg!

Kaffe Fassett

I dag fullførte eg desse strømpene i tynt Regiagarn. Det er Kaffe Fassett som har designa farge og mønster. Det er lenge sidan eg begynte på dette paret (oktober), så eg er ikkje lenger så flittig til å strikke strømper som eg var ei stund.
Today I finished this pair of socks i Regia.

Nålepute

Denne nåleputa blei sydd i all hast på ti minutt, berre for å ha litt fleire modellar til i morgon..... Fekk ideen på nettet ein plass for lenge sidan. Eg brukte ikkje mønster, for det fann eg ikkje før etterpå. Men det finst her. Veldig enkelt!

Eit einsleg hjarte, men ikkje einsamt! / One single heart, but not lonely!

I kveld har eg sydd dette hjartet frå ei Tildabok. Måtte berre teste ut om det kunne vere ei passande oppgåve til tekstilformingstimane på skulen i morgon..... Ikkje så dumt, men eg trur eg må forstørre mønsteret litt. Lurer og på om det blir finare å sy i knappen gjennom hjartet, evnt. lenger oppe? Her er det mange variasjonsmogelegheitar!!

Kosmetikkpung / Toiletbag

Eg har sydd denne kosmetikkpungen i romantiske stoff. Mønsteret fann eg i Lise Bergene si bok "Vesker og bager, sy dem selv". Eg har gjort to endringar. Botnen fekk eg ikkje fin, så den laga eg litt annleis enn i mønsteret, og så sydde eg på eit band oppe. Delvis av praktiske grunnar og delvis for å skjule enden på glidelåsen som eg ikkje synest blei heilt fin....Dette er første gang eg har brukt glidelås som er kjøpt i metervis. Det fungerte veldig bra! Denne gangen brukte eg overtransportøren då eg sydde i glidelåsen, og det gjekk mykje betre enn sist eg prøvde meg på å sy i glidelås! Både glidelåsen og det blomstrete fløyelsstoffet har eg kjøpt hos Ingun på Primula Design.

I have made a toiletbag in romantic fabrics this week. The pattern is from one of Lise Bergenes great books.

Kjøkkenklutar

Eg har strikka to kjøkkenklutar etter eit mønster eg såg på ein blogg. La opp 45 masker med dobbel mandarin petit på pinnar nr. 4,5. Strikka ein omgang rett og ein omgang 1r,1vr. Gjentok desse to pinnane til kluten var kvadratisk. Eg brukte to ulike blåfargar til kvar klut, for å få litt ekstra "liv" i dei. Likte denne måten å strikke klutar på, enkelt og raskt.

Kanskje dette blir ei julegåve!? Til ein mann for eksempel :)

"Soul"

Denne veka har eg strikka hua "Soul" frå Kim Hargreaves. Eg blei inspirert av BenteB sist vinter og kjøpte ein strikke-kit frå England med garn, perler og mønster, og så har det berre blitt liggande. Men no er ho altså ferdig og gitt vekk til mora mi. Garnet er eksklusivt og kjempeherleg! Det gjekk med ca. 75 gram. Pinnar 4 og 4,5. Sjå også Syersken si lyseblå utgave!

Spiderman-teppet er ferdig!

Kven gøymer seg under teppet? Er det Henning!

Spiderman teppet har vore nesten ferdig ei stund. Forrige veke tok eg meg saman og hekla dei "loddrette" svarte stripene og festa trådane. Ein litt redusert Henning (Vi har vore sjuke begge to sidan fredag), var lykkeleg over å kunne ta teppet i bruk.

Teppet har eg hekla i Smart. Eg trur eg har gjort ein feil når det gjeld det svarte nettet. Trur det skulle ha vore hekla berre i fastmasker, slik som eg har gjort heilt innerst i det blå feltet. Men eg blei litt forvirra av det amerikanske mønsteret.......pytt, pytt..

Fleire Calorimetryar

Den siste veka har eg ikkje tatt i ein strikkepinne, utruleg nok! Desse Calorimetryane har vore ferdige ei stund. Det mangla berre å feste trådar og sy i knappar, noko som blei gjort i dag.

Min første Calorimetry

Det går i småprosjekt for tida. No har eg prøvd dette mønsteret som så mange andre har strikka siste halvåret. Mønsteret er omsatt til norsk på denne bloggen. Calorimetryen var morosamt, lett og raskt å strikke. Strikka i ein tråd tynn alpakka og ein tråd tynt strømpegarn, fleirfarga. Pinnar nr. 3. Sidan eg sjølv ikkje kler hovudplagg, har eg fått Kristine til å stå modell. Som takk skal ho få eit hårband i fargane rosa, lilla og blått, etter eige ynskje. Det er allereie påbegynt! Dette hårbandet er i ein størelse og passar både barn og vaksne. Måten det er strikka på (forkorta rader), gjer at det dannar seg små (men nesten usynlege) hol som kan brukast som knappehol.

Spisslue

Eg har strikka ei spisslue etter eit mønster i Hjemmet nr. 40 (2007). Lua var enkel og rask å strikke, så denne kjem eg nok til å strikke fleire av! Brukte Lanett og strkka str. 6-9 mnd, så den er nok i største laget for babyborn dokka vår. Fargen er ikkje lyseblå, som det kan sjå ut som her, men lys sjøgrønn.

Regiasokkar

Innlegga kjem tett no i haustferien. Førebels er eg berre heime og slappar av og kosar meg! Desse Regiastrømpene blei ferdige no i kveld. Eg synest fargane er kjempefine! Regia, 4-trådar - pinner 2,5 str. 43 ca. Enklare kan det ikkje bli, men litt treigt går det på så tynne pinnar.

Opal Regnskog

Når ein har mange prosjekt på gang og stadig byrjar på noko nytt, seier det seg sjølv at det tar si tid før ein får ting ferdig. Difor, for å ha noko å vise fram her, tok eg meg saman og strikka ferdig dette sokkeparet i "Slange" (trur det er Regnskog 2 serien). Str. 38-39 på pinnar 2,5. Eg veit ikkje heilt kva eg tykkjer om desse fargane/mønsteret. Blei eigentleg litt kvalm av dei, men det kan og skyldast at eg åt litt for mykje smågodt medan eg fullførte dei....Dei får bli julegåve, trur eg......

...Og to par strømper til bitte lille bror..

Desse strømpene har vore nesten ferdige ei stund. Til venstre "Jeep-sokkar" til 3-åringen. Eg brukte eit nøste Sisu og fekk akkurat litt for lite garn. Viss ein ser godt etter, ser ein at eine tåa er i ein annan (men liknande) farge... Til høgre eit par til same karen strikka av ein rest Online.

Min første tova løpar

Eg har hekla ferdig løparen min og er godt fornøgd med resultatet! Mønsteret fann eg i eit nytt interiørhefte frå Gjestal. Garnet som er brukt heiter Gjestal Ullteppegarn. Det er mykje fint i heftet, så eg kjem sikkert til å lage fleire av modellane.

Her er løparen før vask, og før eg festa trådane og hekla kant rundt. Ca. 100 cm lang.

Eg vaska han to gongar i maskina på 30 grader,finvask. Andre gongen kort program. Då var han passeleg tova.

Det er alltid spanande å tove i maskin....

Eit kjekt og raskt prosjekt!

Online-sokkar

Desse sokkane blei akkurat ferdige, og dei er overrekt til min eldste son på 19 år! Han hadde forressten sin første dag som student i dag. Han skal ta årsstudium i kroppsøving ved Lærarhøgsskulen i Volda. Minstemann skal til samanlikning begynne i ny barnehage i morgon Han er 3 år.... Det blir nok sokkar på han og, for det er ganske mykje garn igjen av 150 grams-nøstet med 6-tråda Online som eg har brukt her!

Strikkeveske

Eg har lenge tenkt at eg skulle sy meg ei strikkeveske (eller ti...). Eg synest dei som Felisi syr for sal ser så flotte ut! Har lurt på å bestille ei av henne, og det kan det vere eg kjem til å gjere, men eg hadde litt lyst til å prøve å sy ei sjølv og. Eg har jo så mykje stoff liggande..... Og her er resultatet! Litt hastverkarbeid, men elles blei eg ganske fornøgd! Veska er ganske stor. Det vil seie at eg brukte ein glidelås på 50 cm. Eg får akkurat plass til eit mønsterhefte i lengda. Så no manglar eg berre 10-20 vesker til dei andre prosjekta mine.....

Eg brukte ikkje mønster, men såg litt på mønsteret til denne veska, og.....

....på desse syboksane.

Inspirasjonkjelder: "Nye patchwork projekter" av Lise Szymanski og "Lapper stort og smått" av Lise Bergene. Pluss Felisi, sjølvsagt!

Bølgeteppet

Bølgeteppet mitt har vore ferdig ei stund no, men det tok si tid å feste alle trådane! Eg tenkte eigentleg at eg skulle hekle ein kant rundt, men det har eg slått i frå meg inntil vidare! Teppet er supert å bruke som sengeteppe. Det er akkurat passe stort (ca. 220 cm langt) og passeleg tungt til at det ligg stødig! Det er sonen min på snart 12, som har fått æren av å ha det på senga si. I byrjinga skjøna han ikkje heilt poenget. Han har ikkje hatt sengeteppe før, men no går det betre! I dag blei eg litt rørt då eg kika inn på rommet hans og såg at han hadde lagt teppet på plass sjølv.....

Strømper til jubilanten!

No har eg endeleg klart å fullføre desse strømpene som eg skal gi i bursdagsgåve til onkel Jostein! Han vart 50 år i sommar, men dagen blei ikkje feira pga. dødsfall i familien. Det tar si tid å strikke herrestrømper i tynt Regia-garn på pinnar 2,5 mm. Men alle som har prøvd slike strømper veit kor bra dei er, og at det er verdt strevet!