AS FAMILIAS CONTAN EN 5ºI

Esta semana comezamos a actividade "As familias contan", actividade promovida pola biblioteca para fomentar a lectura na comunidade educativa.

O mércores e o venres tivemos as visitas de Ruth e Anadrea, as nais de Lucas e Naira, que nos viñeron a contar dous fermosos contos.

OBRADOIRO DE TEATRO

En Infantil seguimos investigando e aprendendo de teatro, proxecto que nos acompaña  todo o curso escolar. Nesta ocasión, as actrices Ana Budiño e Sé Paredes estiveron onte coas nenas e nenos de infantil facendo un obradoiro de teatro.

CONTACONTOS NA BIBLIO

Onte tivemos a sorte de gozar da compañia da profe Olalla González, escritora de moitos contos.

 Nesta ocasión contounos as historias dos Chibos chibóns e Garavanciño.

 

 
 

Actuación Migallas

Este venres, 14 de marzo, ás 17h,dentro do programa Lectura e familias, gozaremos na biblioteca do colexio, co espectáculo "O libro máxico", do grupo Migallas.

 

Aprendemos sobre teatro

Este luns, recibimos a Borja, o monitor do Plan Madruga, que nos fixo o favor de contarnos un pouco sobre o mundo do teatro; e trouxo de visita a " Loli" a dos "Bolechas", e a outro amigo seu para que vísemos como funcionaba o mundo dos títeres.

Pasamos unha xornada moi divertida. Moitas grazas Borja.

 

Contacontos de Paula Carballeira

 Que gran éxito tivo Paula Carballeira na sesión de contacontos!!

Paula, coas súas dotes interpretativas, levounos a bosques tenebrosos e aos mares de Xapón para rematar cunha pantasma na Illa de Cortegada.

Esta gran actriz, escritora e contacontos fixo as delicias do público pequeno, mediano e grande na nosa biblioteca.

Moitas grazas familias pola vosa participación!

Proxecto tartarugas: visita na aula

 A semana pasada tivemos unha sorpresa moi especial na clase de 4º de infantil. Visitounos Fran, o pai de Pepe, e as súas tartarugas, Donatello e Michelangelo. 

Como estamos investigando de tartarugas, aproveitamos para ver as partes do corpo, como camiñan e nadan, démoslles de comer, aprendemos canto son 20 cos dedos (son os anos que teñen), e poidemos comprobar que teñen o caparazón moi duro. 

Grazas Pepe e Fran, por compartir con nós esta experiencia!!!

VISITA DO VETERINARIO

ESTA SEMANA RECIBIMOS A PEDRO, O VETERINARIO, QUE VEU  EXPLICARNOS DE QUE TRATA O SEU TRABALLO. 

FÍXONOS MOITA ILUSIÓN DESPOIS DE TODO O QUE INVESTIGAMOS DOS CANCIÑOS, E DÁMOSLLE AS GRAZAS POLO SEU TEMPO E AS SÚAS EXPLICACIÓNS.

DÍA DA MULLER TRABALLADORA

ESTE ANO, POLO DÍA DA MULLER TRABALLADORA RECIBIMOS NO COLEXIO A NOELIA PÉREZ, ENTRENADORA DE TAEKWONDO EN MOAÑA, QUE CO SEU CINTO NEGRO NOS DEIXOU A TODO ABRAIADOS/AS COA DEMOSTRACIÓN QUE FIXO.

EXPLICOUNOS O SEU TRABALLO E COMO CHEGOU A CONSEGUILO, DÁNDOLLE IMPORTANCIA  A FORMARSE E ESTUDIAR DURO PARA CONSEGUIR NO FUTURO O TRABALLO QUE MÁIS NOS GUSTE.

COMPOSTAXE INFANTIL

O alumnado de 6º de Infantil participou este venres nunha actividade de compostaxe infantil, organizada pola Deputación de Pontevedra dentro do Plan Revitaliza. O título da actividade é "Quen vive aí?". Rocío, a monitora da actividade, explicounos de onde sae o COMPOST ou "terra máxica", como lle chamou ela, e a importancia dos composteiros.

No obradoiro xogamos a facer maxia con material de refugallo, fixemos parellas con Ecocol, a súa mascota, plantamos con "terra máxica", visualizamos un vídeo,... e aprendemos un montón de cousas interesantes.

Agora xa sabemos o que pasa na composteira que temos no noso colexio e que pasa cos restos orgánicos que botamos na nosa papeleira verde. 

VISITA DA PROTECTORA DE ANIMAIS

Esta semana, na clase de 6º de infantil,  recibimos a visita de Lorena e Rebeca, traballadora e voluntaria da Protectora de Animais do Morrazo.
Estabamos entusiasmados coa visita, xa que este trimestre estamos investigando a tope sobre os canciños e elas están facendo un labor importantísimO cos nosos "amigos".
Visitounos tamén Chispa, unha cadeliña moi boa que soubo acoller todos os "mimos" que tiñamos gardados para ela.
Explicáronnos o labor tan importante que fan na protectora, o traballo diario que teñen que facer (limpar, dar de comer, atender os cans enfermos, levalos ao veterinario, peinalos,...), a importancia do microchip,...

GRAZAS POLA VOSA VISITA O POLO IMPORTANTE LABOR QUE FACEDES!!!

VISITA NA CLASE DAS BOLBORETAS

Onte tivemos unha visita moi especial na nosa clase. Veu o pai de Martiño, Álvaro, a explicarnos cousas sobre as bolboretas e as eirugas. Aprendemos que tanto as eirugas como as bolboretas non teñen ósos; que teñen uns buracos no seu corpo, chamados espiráculos, que lles serven para respirar (nome que xa coñeciamos porque os golfiños tamén os teñen); que é e para que serve a espiritrompa das bolboretas; etc.

MOITAS GRAZAS, ÁLVARO!!!

VISITA DOS BOMBEIROS

O venres visitaronnos no colexio os bombeiros, ensinaronnos os camións, a enorme escaleira que teñen, as mangueiras e o seu uniforme. Foi unha experiencia estupenda para os peques. O sábado 13 e o sábado 20 de decembro, de 11:00 a 13:30, os bombeiros do Morrazo organizan unhas xornadas de portas abertas para todas aquelas familias que queiran visitar as súas instalacións, no Polígono Castiñeiras, en Bueu.

VISITAS POÉTICAS NA CLASE DOS UNICORNIOS

ONTE, CANDO ESTABAMOS NA CLASE DE INFORMÁTICA RECIBIMOS UNHA AGRADABLE VISITA: OS NENOS E NENAS DE 2º VIÑERON RECITARNOS UNHA  POESÍA DE ANA MARÍA FERNÁNDEZ.

 E HOXE, NA NOSA HORA DE LER, VIÑERON OS NENOS E NENAS DE 5º E RECITÁRONNOS UNHA DE HELENA VILLAR JANEIRO. 









           FIXÉRONO  DE MARABILLA!!!

    ENCÁNTANNOS AS VISITAS E AS POESÍAS!!!

NOVA VISITA POÉTICA ÓS UNICORNIOS

HOXE  VIÑERON OS NENOS E NENAS DE 4º Á NOSA CLASE E DÉRONNOS OS BOS DÍAS CUN PRECIOSO POEMA DE XOSÉ LOIS GARCÍA: O NENO E O XABARÍN.

                                                   -XABARÍN, XABARÍN

                                                    QUE FAS NO MEU XARDÍN?

                                                  - BUSCO UN BRINQUEDO

                                                    NESTE LINDO ARBOREDO.

                                                  - BRINQUEMOS NO ARREDOR

                                                          A XABARÍN E CAZADOR.

                                                        - EU NON 
                                                          GOSTO DA GUERRA

                                                          SÓ QUERO PAZ NESTA TERRA.

                                                        - XABARÍN, XABARÍN

                                                          TOCARÁS NO MEU VIOLÍN?

                                                        - NESTE LUGAR DE SOIDADE

                                                          FAREMOS A NOSA AMISTADE.

                                          (  XOSÉ LOIS GARCÍA )

QUE BEN O FIXERON!

ENCÁNTANNOS ESTAS VISITAS!

VISITA SORPRESA NA CLASE DOS UNICORNIOS

ESTA MAÑÁ ,CANDO ESTABAMOS NA HORA DE LER,RECIBIMOS UNHA VISITA INESPERADA :
OS NENOS E NENAS DE 4º VIÑÉRONNOS DAR OS BOS DÍAS DUNHA MANEIRA MOI ESPECIAL: RECITÁNDONOS UNHA FERMOSA POESÍA DE ANTONIO GARCÍA TEIJEIRO.

                                             VENTOS

                     Que veña o vento fungón,
                     Que lle quero pero preguntar
                     A cor dos ollos das nubes,
                     A cor dos ollos do mar.
                     Eu coido que son azuis
                     Verdes, grises, de cristal,
                     Mais calquera cor que teñan
                     Será sempre a cor da paz.

                  ( Antonio García Teijeiro )

                                              MOITAS GRAZAS!
                               ENCANTOUNOS!!!

Comémonos aos tres porquiños!

Que ben o pasamos o venres! María, a nai de Mateo B. e Conchi, a súa tía, ademais de traernos o conto dos 3 Porquiños narrado por Mateo e o seu pai, ensináronnos a decorar unhas magdalenas con fondant, unha especie de plastilina que se pode comer! Despois de abrandar o fondant estirámolo coa axuda dos rolos da plasti (ben lavadiños, por suposto) e comezamos a crear os nosos propios porquiños e porquiñas! Mirade que chulos nos quedaron!

MOITAS GRAZAS POR VIR!

Limoada coa avoa de Adrián

Que sorte teñen estas Tartarugas! Este luns foi un día cargado de emocións: as Chicharras léronnos o seu conto Cabeza de Cabaza, foi o cumple de Luca e viu a avoa de Adrián a facer con nós limoada! Pero non so iso, ademais contóunos moitas cousas interesantes sobre os limóns e toooodas as cousas que se poden facer con eles!

Contos e cancións coa familia de Adriana!

Vaia sorte teñen estas tartarugas! Hoxe viñeron contarnos o conto da Ratiña Presumida a nai e a irmá de Adriana. Tanto nos gustou que lles diciamos: outra vez, outra vez! Tamén cantamos con elas a canción de Para dormir a un elefante. Pasámolo moi ben! E antes de marchar déronnos unhas moedas riquísimas de chocolate como as que atopuo a ratiña!

Moitas grazas por vir!

Cando queirades podedes volver!

Mariscamos coa avoa de Claudia!

O venres viu visitarnos a familia de Claudia, a súa avoa e o seu pai. A avoa é mariscadora e ensinounos moitísimas cousas: os aparellos, como se empregan, berberechos, diferentes clases de ameixas, navallas,... Ata nos achegou un trociño de praia para que puideramos facer as nosas primeiras prácticas como mariscadores e mariscadoras! Ao rematar, o pai de Claudia contounos un pequeno conto que eles mesmos fixeron sobre o cultivo da ameixa.
Encantounos!

Moitas grazas por vir e, xa sabedes, podedes volver cando queirades!