Republika ng Pisa

 

Republika ng Pisa Repubblica di Pisa (Italyano)
c. 1000–1406
Watawat Eskudo
Salawikain: Urbis me dignum pisane noscite signum
Mapa ng Pisa noong ika-11 siglo
Kabisera	Pisa
Karaniwang wika	Toscano Latin Italyano
Relihiyon	Katolisismong Romano
Pamahalaan	Oligarkikong republika
Governanti della repubblica
• 1063–?	Giovanni Orlandi (una)
• 1202–1312	Consiglio degli Anziani
• 1402–1406	Gabriele Maria Visconti (huli)
Kasaysayan
• Naitatag	c. 1000
• Pakikilahok sa Ikatlong Krusada	1189–1192
• Labanan ng Meloria	1284
• Isinanib sa Republika ng Florencia	1406
Populasyon
• Pagtataya	25,000 bandang ika-14 na siglo
Salapi	Grosso pisano, aquilino
Pinalitan Pumalit Martsa ng Toscana Republika ng Florencia Prinsipalidad ng Piombino
Bahagi ngayon ng	Italya Pransiya España

Ang Republika ng Pisa (Italyano: Repubblica di Pisa) ay isang malayang estado na nakasentro sa Toscanang lungsod ng Pisa, na umiral mula ika-11 hanggang ika-15 siglo. Umangat ito upang maging isang ekonomikong kapangyarihan, isang sentro ng komersiyo na ang mga mangangalakal ay nangibabaw sa kalakalang Mediteraneo at Italyano sa loob ng isang siglo, bago ito nalampasan at pinalitan ng Republika ng Genova.

Ang paglahok ng republika sa mga Krusada ay nagbigay ng mahahalagang posisyon sa komersiyo para sa mga Pisanong mangangalakal, at pagkatapos ay lumago ang lungsod sa kayamanan at kapangyarihan. Ang Pisa ay isang makasaysayang karibal sa Genova sa dagat at sa Florencia at Lucca sa lupain.

Ang kapangyarihan ng Pisa bilang isang makapangyarihang pandagat na bansa ay nagsimulang lumago at umabot sa rurok nito noong ika-11 siglo nang makuha nito ang tradisyonal na katanyagan bilang isa sa mga pangunahing makasaysayang Pandagat na Republika ng Italya.