WIR ando 19to juni ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 19to juni, 10.55 orenge ando ORF 2, jek talalinipe le farajnistar Sokol ande Tirol kher rodas, taj te jek igen barikani khelipeskeri ora, upro jomakero rodipe ando burgenlanditiko Rust amen keras, la terna designerkija „anicamarica“ angle tumenge terdschars, pedar o völinipe le rotistar le slovenitikendar ande Kärnten phukas taj uso Zanegger talalinipe use samahi.

Romano Dikipe | ORF 2 Burgenland | 14to juni

Ando aktujeli ardipe le farajn Roma-Service uso priksidlinipe ando nevo kher le flogoskere grupnendar Erbate vodinas, pedar i nevi kenva le Herbert Brettlistar phukavas, taj te pedar o planimo terdschojipeskero than le centrali gondolipeskere thaneske le Romenge taj Sintijenge Betschiste, uso mulatintschago „Literatura upro Ring“ samahi taj te upro jomakero rodipe pal naschade Romengere sidlungtscha ando Burgenland.

WIR ando 5to juni ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 5to juni, 10.55 orenge ando ORF 2, jeka designerkija taj jeka schpecijalistkija le manuschengere mikrobijomiske ando Burgenland kher rodas, tumen ando teateri amenca las, pedar o tschavengero di ande Kärnten phukavas taj jeke schoha khine pomoschagoschi andar Stinatz angle terdscharas. Taj te schpurtlichi ol – hatek le but tschibtschakere farajniha FC Südburgenland.

O Martin Ivancsics mulo

O but berschengero anglebeschaschi le horvacke flogoskere grupnengere bajrotistar taj o but berschengero anglebeschaschi le horvacke kulturakere- taj dokumentacijonakere centrumistar, Martin Ivancsics, hetvin, 75 berschenca pal dugo taj pharo nasvalipe, mulo.

„Roma“ jek film le Hollywood-reschiseristar Robert Dornhelm

Ando Csello mlino ande Oslip ando norditiko Burgenland, i khelipeskeri filmiskeri dokumentacija „Roma“ premijera mulatintscha. Telal o vodinipe le austritike filmiskere keraschistar Norbert Blecha taj le Hollywood-reschiseristar Robert Dornhelm, o film i historija le Burgenland-Romendar usar o 1930-kere berscha dschi adi sikal. Use sina te but Roma andar mindenfelitike generaciji.

Literatura upro Ring | Barikane alava

Barikane alava te lakel, – kekaj avri tschib, obste ando Burgenland-Romani vaj Burgenland-horvacko – afka butschol o cil le mulatintschagostar „Literatura upro Ring“. O mulatintschago adabersch ando cajchn le flogoskere grupnendar terdschol. Akan i flogoskeri grupn le Romendar taj le burgenlanditike horvackendar ando dikipe terdscholahi. Ekspertkiji ando parlamento pedar oda vakerde, so i flogoskeri grupnengeri literatura adi meg te anel dschanel.

WIR ando 22to maj ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 22to maj, 10.40 orenge ando ORF 2, la naphandla fajervea Sigeta taj jek filmiskeri premijera ando Csello mlino kher rodas, akor la politikerkija Martina Bednar angle terdscharas, le Richard Basleriha pedar o flogoskero grupnengero tschatschipe vakeras, uso mulatintschago „Literatura upro Ring“ ando parlamento samahi taj i porcelanakeri kunst le Izidor Sternistar sikavas.

Susanne Horvath | Moderatorkija taj reporterkija ando sikavipe

Ande amari adiveseskeri sendung i Susanne Horvath amaro kherodaschi hi. Oj imar sajt o kesdipe le Romengere micinipestar, ando agune enjavardeschte berscha, lakera flogoskera grupnake and pe bescharel. Sajt buteder sar 20 berscha i Romni, moderatorkija taj reporterkija la radijoskera sendungatar Roma sam hi taj te falati le televisakere-flogoskere grupnakere sendungtschenge „WIR“ „Romano Dikipe“ kerel.

O logeri Lackenbach | Kenvakeri presentacija le Herbert Brettlistar

Ando 23ti novemberi 1940 ando burgenlanditiko Lackenbach o lek bareder NS-mujsinipeskero butjakero logeri le Romenge kerdo ulo. Kaj lo dugi cajt oficijeli ojs logeri aunprindschardo na ulo, le prik dschivdenge o aunprindscharipe ojs NS-opfertscha na dija. O Herbert Brettl ande leskeri kenva „O logeri Lackenbach“ akan adala upre ispidima historijake pe vidminel taj le reste dschenenge jek hango del.

WIR ando 10to maj ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, kurke, ando 10to maj, 13.35 orenge ando ORF 2, jeke vargajengere keraschi upro Karmeliter foro Betschiste kher rodas, uso Internacijonali Romengero-Di Betschiste taj Erbate samahi, jek kunstakero artschijipe ande Bratislava aun diklam, pedar i koperacijona la disatar Schlaining le ungrike foroha Kőszeg phukavas, pilgertschen use jek phiripe uso gav Und vodinas taj o farajn Iniciativ Angola angle tumenge terdscharas.