Romano Dikipe | ORF 2 Burgenland | 9to august

Ando aktujeli ardipe la sendungatar Romano Dikipe vakeras amen le anglebeschaschiha le flogoskere grupnengere bajrotistar le Romendar pedar o nevaripe le flogoskere grupnengere tschatschipestar, upro jomakero rodipe ande Rudersdorf sam taj uso seminar „Film tel uso tschibtschakere heroji“, taj te uso ischkolakero kisetinipeskero mulatintschago le Romano Centrostar, savo adabersch te leskero 35-berschengero jubilejum mulatinel.

WIR ando 31to juli ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 31to juli, 10.45 orenge ando ORF 2, la hegedujaschtschengera familija Cibula kher rodas, o kinstlerengero-duo Buligovic angle tumenge terdscharas, uso teateriskero-festivalo andi Telutni Austrija taj te uso 44te feschtinipeskere kurke ande Kärnten sam, akor meg o na latscho prindschardo schpurt „Beachhandball“ tumenge sikavas taj te o horvacko tschavengero camp.

WIR ando 17to juli ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 17to juli, 10.30 orenge ando ORF 2, jek drabani bar ando Thayatal kher rodas, la kinstlerkija Oľga Paštéková taj le jenischi pisimaschi Markus Josl angle tumenge terdscharas, o barengero museum upro Csaterberg kher rodas, dikipe ande kulinarischi tschortschovaliptscha la ungrika flogoskera grupnatar das, taj uso gadschengero mulatintschago St. Johann ando Rosental use samahi.

Roma-Butschu 2026 | Butschu ando kulturakero kher Tenu Erba

Imar o 35to-var adabersch o Roma-Butschu mulatim ulo. O tradicijoneli Roma-Butschu ando kulturakero kher Tenu Erba ando Burgenland tel likerdo ulo. Afka sar te ando agune berscha, o mindenfelitiko la tradicijoneli flogoskera grupnengera muschikatar le mindenfelitike bandijendar ar dschumim ulo.

WIR ando 3ti juli ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 3ti juli, 10.45 orenge ando ORF 2, jek hangoskeri terapija kher rodas, use jek diskusija pasche flogoskere grupnengere tematscha tumen amenca las taj pedar jek 1956to-ungriko vakeras, savo andi Austrija tschavengero badari ulo. Akor meg jek film angle terdscharas, ande savo jek familijakeri historija upre butschalim ol, le seglinipeskere hajoha pasche o them roasinas taj upro Roma-Butschu khelas.

Flogoskere grupn ando favosinipe

Andi cukunft o schov aun prindscharde autochtoni flogoskere grupn palo favosinipeskero tschatschipe ando flogoskero grupnengero tschatschipe, ande ovna. Ada, tschetertekon o regirungakere partaji ÖVP, SPÖ taj NEOS khetan le Selenenca ando favosinipeskero komitej, ar kerde.

35 berscha Romano Centro | Ischkolakero kisetinipeskero mulatintschago

Duj barikane koji, jek barikano mulatintschago. Ando khera le farajnistar Romano Centro, ando triti betschitiko gemajndakero becirik, o sako berschengero ischkolakero kisetinipeskero mulatintschago tel likerdo ulo. Andi glajchi cajt te o 35-berschengero jubilejum le farajnistar. O ischkolaschkiji taj ischkolaschtscha, save uso ischkolakero kisetinipeskero mulatintschago ando maschkarutno punkto terdschon, uso sikadipeskere- taj ischkolakere pomoschagoskere diptscha le Romano Centrostar, use hi.

„3000 Einzelteile“ | Parodija Romnjenca taj Romenca ando Akademiteateri Betschi

O falato „3000 Einzelteile“ ande jek provokanti, satirischi koja odoleha donde pe bescharel, sar Romnja taj Roma ande kulturakere institutscha ar nucim on taj sar gadsche oda esbe len, te on o tirinipe tel dschumime manuschendar dikle. O schauschpilertscha Romnja taj Roma andar o Ungriko hi.

WIR ando 19to juni ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 19to juni, 10.55 orenge ando ORF 2, jek talalinipe le farajnistar Sokol ande Tirol kher rodas, taj te jek igen barikani khelipeskeri ora, upro jomakero rodipe ando burgenlanditiko Rust amen keras, la terna designerkija „anicamarica“ angle tumenge terdschars, pedar o völinipe le rotistar le slovenitikendar ande Kärnten phukas taj uso Zanegger talalinipe use samahi.

I naschadi Romengeri sidlung andar Rust

Ande amaro sendungakero redo „Naschade Romengere sidlungtscha le Burgenlandistar“ amaro reporteri Adi Gussak akan upro jomakero rodipe ando naphandlo foro Rust hi. Odoj resel la gondolipeskera inicijativa Rust, savi pe gejng o pobisteripe ando gav and bescharel.