“الصبح طفل برئ ومساه يبان تجاعيد
وفوق طريق الايام تجري الحياة مشاوير
ونشوف ملامح الزمن متعادة في المواليد
واحنا البشر كلنا أعمار ورق بيطير

دايرة تدور بالبشر وياّ الزمان بتفوت
دمعة على اللي مضى ودمعة فرح للجاي
يا حيّ طول ما انت حيّ مسيره ييجي الدور
دي حكاية متكرّرة من يوم ولادة الضيّ

يا اللي انت عايش حياة بص لها تلقاها
سبحة هنا وتنفرط بالعمر مانشوفهاش
ولا شئ يعطّر حياتنا يمد في مداها
غير سيرة عاشت هنا أكتر صاحبها ما عاش”