Naat Sharif

Tumhare noor ki barsaat hoti hai madine me

Khudara daal do koi toh chiñta mere seene me

Wahi jalwe jo bikhre the fizaaye Arsh par hamdam

Nazar aate hai ab jalwa figan har soo madine me

Nabi ke Ishq se ishaaq ka dil shaad rehta hai

Hasad ki aag jalti rehti hai munkir ke seene me

Jamaal e haq nazar aata hai us momin ki aankhoñ ko

Ziyaa e gumbade khazra makiiñ hai jiske seene me

Meri tishna labi Ya Rab buj'he tasneem o kausar se

Rahe jalwa numa wo mehfile dil ke madine me

Himayat jisko haasil ho shahensha e madina ki

Payaame aman deti hai usse mauje safeene me

Wohi khushboo jo meh kaayi thi gulshan ki baharo ko

Basi hai har taraf dekho Zara chal kar madine me

Munnawar hai mera dil aur meri aankheñ bhi roshan hai
Tajal'li maahe taiba ki hai dil ke aabagine me

Meri sehre anurdi me ajab kaif e muhabbat hai

Nazar aate hai har soo wo mujhe sehra ke seene me

Na ho mannat kashmeena meri baada kashi saaqi

Nigaahoñ se pilaado phir mazaa aayega peene me

Na ho aankhoñ me aansooñ aur na harfe iltejah lab par

Kareena ye bhi ek dekha muhabbat ke kareene me

Guzaara Hind ki zulmat me ab mushkil hai KHUSTAR ka

Bula lijiye khudara ab usse apne madine me

______________________________________________________

Naat Sharif

Dil me ziyaa e gumbade khazra liye hue

Jaaunga hashr me yahi sauda liye hue
Kya baat hai bahaare madina ki kuch na puch
Hai farsh e khaak Arsh ka jalwa liye hue

Dil me hai unki yaad toh lab par durood e paak

Baqshish ka hai ye dono Sahara liye hue

Dekhi hai jisne gulshan e taiba ki dil kashi

Aankhoñ me hai wo noor e mujal'la liye hue

Mehkegi kabr ittre madeena se ek din

Aayenge apna wo rukhe zeeba liye hue

Kitni buland hai raah e ulfat ki azmate

Khwaja ka dar hai Arsh ka jalwa liye hue

Is dar pe aake dekhlo anwaar e shaahe deeñ

Hai rang o noor har gul e zeeba liye hue

Najdi khabees tujh ko na aayega kuch nazar

Hai dil me tu bagawat e maula liye hue

Ho izn e haazri mujhe sarkar phir ata

Phir hu hujoome yaas ka shiqwa liye hue

Be-ilm be-amal hu magar khush naseeb hua

Hu saat husn o Ishq ki duniya liye hue

Nazar e karam ho mujhpe bhi sarkar e do jahañ

Baare gunaah sir pe hu Aaqa liye hue

Kaafoor e gum hu phir se mile zindagi nayi

Aajaye aap sagar o miina liye hue

KHUSTAR ko do bahar e madeena ki nemate

Hu kabse apne dil me tamanna liye hue
______________________________________________________
Naat e paak
Shahoor e muhabbat ke asraar dekho
Nazar aa raha hai wo Darbar dekho

Dayaar e madeena ki pyaari hawaao

Kabhi mera bhi ye Dil zaar dekho

Salateen e aalam hai dar ke bikhari

Wakaar e muhabbat ka miyaar dekho

Hai baaraan e rehmat ka faizan sab par

Nikhar'ta hua har gunehgaar dekho

Gulaaman e sarkar dar par hai haazir

Utho aaj khud apne bimaar dekho

Hussain o hasan ke hai purnoor jalwe

Dar e paak e khawaja ka gulzaar dekho

Gareebo ke hai aasri pyaare khawaja

Ma'chalta yaha har dil e zaar dekho

Hai bagdad o taiba ke jalwo se roshan

Mera mai'kada mere mai'khwaar dekho

Agar Hind me dekhna ho madina

chalo chal ke khawaja ka Darbar dekho

Chala dowlat e zindagi ko lutaane

Gulam-e-shenshah e abrar dekho

Karam KHUSTAR e benawa par bhi karna

Na tut'te meri aas sarkar dekho
______________________________________________________
Naat Sharif

Youñ dil se aaj gumbade khazra kareeb hai

Jaise chaman se bulbul e shehdaa kareeb hai

Sir ko jhukaye aate hai jibreel bhi yaha

Sidra yaha se Arsh e mu'alla kareeb hai

Hasrat se dekhti hai unhe khuld ki ziya

Jinse mere huzoor ka roza kareeb hai

Har jalwe nazar hai musarrat se choor choor

Gulshan se mere noor e sarapaa kareeb hai

Rangat ne jiski khuld ko baqshi hai dil kashi

Is bazm e dil se aaj wo jalwa kareeb hai

Aasi pade hai khitte madeena me isliye

Bimaar e gam se jaane maseeha kareeb hai

Mujrim umeed bandhe madeene me aate hai

Is sar zameen se rehmat e maula kareeb hai

Lo Uth gaye hijaab baharoñ ke husn se

Dekho wo dil nawaz nazaara kareeb hai

Saaqi ki chashm e mast ke qurbaan jaiye

Jiski nazar se chehraye zeeba kareeb hai

Jo kho gaye hai shaahe madeena ke Ishq me

Duniya unhi ki, unhi se ukbaa kareeb hai

Jalwe ba'se hai shaahe madeena ke chashm me

Jannat ba'dosh e rehmat e maula kareeb hai

Ek raaz hai muhabbat e sarkar e do jahaañ

Sab kuch hai uska jisse ye souda kareeb hai

KHUSTAR Mubarak aapko jalwo ki dil kashi

Tum se bahaar e gumbad e khazra hai
______________________________________________________
Naat Sharif
Dayaar e shah e mohtaram dekh lete
Baharoñ ko bhi kam se kam dekh lete

Meri justu joo ye talab ka tha haasil

Ke Darbar e shah e ummam dekh lete

Teri dil kashi ko bahar e madeena

Zara waz ye mohtaram dekh lete

Saliika na aaya tawaaf e haram ka

Dar e shah ko jo na hum dekh lete

Sukoon e muhabbat ataa ho ta zaahid

Madeena khuda ki kasam dekh lete

Tere dar ka sadqa jinhe mil gaya hai

Unhe kaash sha'haane jam dekh lete

Teri buuye ulfat se gulzaar e taiba

Shifaa e mareez e al'am dekh lete
Jinhe dowlat e Ishq e sarwar mili hai
Hazaaroñ wo jor o sitam dekh lete

Karam mujhpe Aaqa ka itna toh hota

Rukh e pur ziyaa marte dam dekh lete

Bharam kaash rakh lete KHUSTAR ka Aaqa

Usse bhi ba-nazar e karam dekh lete
______________________________________________________
Naat e paak
Sir pe faizan shaan e Risaalat rahe
Mere murshid ki chaukat salamat rahe

Meri veeraan duniya ho aabaad phir

Unke kadmoñ ki gar dil me barkat rahe

Phool khilte rahe mehfil-e-Ishq me

Josh par unka daryaa e rehmat rahe

Faiz badhta rahe tere Darbar ka

Maye' kashow par sada abre rehmat rahe

Murshid e ba-safaa shah Ahmed Raza

Hum gareebo pe unki in'aayat rahe

Shahe sidq o safaa dam kadam se tere

Gum zada har jagah ahle bidd'at rahe

Apne dar ke gulamo pe nazar e karam

Deen e Ahmed ki inse hifaazat rahe

Gum gumaye fiza jhum uthe zindagi

Yaad Aaqaye deeñ ki salamat rahe

Sir jhukaye raho is dar e paak par

Aoj par meri shaan e aqeedat rahe

Dowlat e Ishq se shaad kar dijiye

Jagmagaati hui meri kismat rahe

Shaahe har do Sara ek nigaah e karam

Door mujhse har ek ranj o kalfat rahe
Gam ke maaro ka maskan hai daaman tera
Mujhpe Aaqa hamesha in'aayat rahe

Nikhat e baag e taiba se abaad hu

Gulshan e dil ki kaayam ye azmat rahe

Jab madeene ki jaanib chale kaarwañ

Wajd karti meri kyu na kismat rahe

Aakhri hichkiya lu dar e paak par

Shoq e deedar mahu ziyarat rahe
_____________________________________________________
Naat Sharif
Nikhat e baag e taiba se aabad hu
Gulshan e dil ki kaayam ye azmat rahe

Jab madeene ki jaanib chale kaarwañ

Wajd karti meri kyu na kismat rahe

Meri mit'tyi na barbaad ho Ya khuda

Makh'zan e noor me ye amaanat rahe

Umar kat'ti rahe yaad e sarkar me

Khauf mujhko na Roz e qayamat rahe

Aakhri hich'kiya lu dar e paak par

Shoq e deedar mahu ziyarat rahe

Itna sadqa mile mujhko sarkar se

Door mujhse har ek ahle bidd'at rahe

Maqsad e zindagani ko paa jau maiñ

Khaak e taiba pe gar meri turbat rahe

Mehram e raaz e ulfat ka kya puchna

Door door usse shor e qayamat rahe

Meri mit'tyi na barbaad ho Ya khuda

Makh'zan e noor me ye amaanat rahe

Sir jhukaye rahooñ is dar e paak par

Wajd karti meri kyu na kismat rahe

Ho'oñ na ruswa baroze qayamat shaha

Dhondti mujhko shaane shafa'at rahe

Gungunaati fizaao me sajda kinaañ

Sir ho kaba ko dil su'ye hazrat rahe

Sajda'ye shoq ki laaj rakh lijiye

Meri puri namaze muhabbat rahe

Saaya afgan ho sarkar e Gous ul wara

Sir pe KHUSTAR ke taaj e faziilat rahe
______________________________________________________
USTAD E MOHTARAM QUDDUS SIRHU AZIZI KE DARBAR E RISAALAT ME HAZRI KE
PUR-NOOR MAUKE PAR IZHAAR E AQEEDAT....(Az-khushtar razvi)

Ho Mubarak tumhe jalwaye be-khudi sayyed ul mursaleen ke kareeb aagaye

Jaag ut'tha muqaddar gam e hijr ka, rehmat e dil naseehn ke kareeb aagaye

Ek nayi mehfil e dil sajai gayi aarzo'ow ki duniya basai gayi

Aaj pura hua maqsad e zindagi aaj husn e yakiin ke kareeb aagaye

Har qadam par bada jazba'ye bandagi husne subhe daraksha ne ki rehbari
Youñ sulooq-e-wafaa ko muqammal kiya youñ bahar e haseeñ ke kareeb aagaye

Rehmato ke khazeene hai jisme chupe aur roh-ul-ameeñ hai adab se khade
Sir jhukaye hai Arsh e bareeñ jis taraf us dayaar e haseeñ ke kareeb aagaye

Tera paigaam yaad e Habib e khuda , Teri baato me khushboo'ye khairul wara
Marhaba marhaba aye naseem e janaa , rehmato ki zameeñ ke kareeb aagaye

Har qadam par baharo ne sajde kiye, har nazar daastan e muhabbat bani
Raaz khulne lage jab maye' Ishq ke , raaz daare ameeñ ke kareeb aagaye

Zindagi wajd me raat o din wajd me, Teri aamad se shams-o-kamar wajd me
Sir jhukaye sir jhukaye ronaq e Anjuman , rashq e khuld e bareeñ ke kareeb aagaye

Khul gaye peech o kham raahe pur shoq ke nayyar'ye zo'fishaañ saamne aagaye
Jagmagaane lagi Ishq ki zindagi, waadi ab-zayeñ ke kareeb aagaye

Aaj KHUSTAR ka arman pura hua, dil nasheeñ ho gayi yaad e khairul wara
Phoont nikla muhabbat ka husn o wafa , aur khuld e bareeñ ke kareeb aagaye
______________________________________________________
Naat Sharif
Baharo ko dil ki lagan dhondti hai
Tumhi ko bahar e chaman dhondti hai
Sajaaya gaya nazhatoñ se gulistaañ
Utho aaj dil ki lagan dhondti hai

Ye gulshan ye nikhat gul o nastaran ki

Issi kehkashañ ki chalan dhondti hai

Basaaya gaya mehfil e dil me jisko

Wo khushboo ab apna watan dhondti hai

Ba-faiz e Raza saagar e Ishq e sarwar

Pilaado ke dil ki jalan dhondti hai

Tumhare hi dam se ye ranginiyaañ hai

Tumhi ko ye subhe chaman dhondti hai

Suqoon e muhabbat milega kab aakhir

Nigaahe tajassus wahi dhondti hai

Ziyaa e Raza dar talab se siwaado!

Yahi aaj dil ki lagan dhondti hai

Baharoñ ke jhurmut me KHUSTAR ko lelo

Akela hooñ barkhe mahan dhondti hai
___________________________________________________
HAZRIYE DARBAR E SARKAR E DO AALAM (SALLAHU TAALA ALAIHI WASSALAMA) KE
PUR-NOOR MAUKE PAR

Suqoon e dil be-qarar Allah Allah

Habib e khuda ka dayaar Allah Allah

Madeene ka daar-ul-karar Allah Allah

Wo pur-noor lail-o-nihaar Allah Allah

Ziyaa-e-madeena ke jalwo se roshan

Hai jannat ke naqsh o nigaar Allah Allah

Wo Sunte hai sabki wo dete hai sabko

Ye ehsaan e parwar digaar Allah Allah

Salami ko haazir haiñ hai dar par firishte

Shab-o-roz sattar(70) hazaar Allah Allah

Shifaa jisse milti hai har dard o gam ki

Wo khushboo me mehka gubaar Allah Allah

Barasti hui rehmato ki ghataa'yeñ

Dua ka ijaabat se pyaar Allah Allah

Miti ab miti mere isyaañ ki zulmat

Nazar hogayi ashk baar Allah Allah

Mehakti hui shaam mushke khatan se

Wo subhe haseeñ lala zaar Allah Allah

Durood o salamo ke tohfooñ ko lekar

Hai haazir har ek jaañ nisaar Allah Allah

Wo qooy-e-uhad Ishq e Aaqa ka mazhar

Fidaa jispe jaan-e-bahar Allah Allah

Shafa'at ka waada hai roze qayamat

Abhi se gulamo pe pyaar Allah Allah

Qadam Uth rahe hai larazte jhi-jhakte

Hai be-khud sa har baadhe khawar Allah Allah

Sharab e muhabbat me masti ka aalam

Nigaahoñ me chad'ta khumaar Allah Allah

Hai zer-e-nageeñ Arsh ta farsh jinke

Madeene ke hai tajdaar Allah Allah

Mazeen hai Ishq e Habib e khuda se

Meri mehfil e qalbe zaar Allah Allah

Wo labbaik ki lab pe pyaari sadaayeñ

Nazar me haram ka wakaar Allah Allah

Gulamaan e darbar e sultan e do aalam

Zamaane ke hai tajdaar Allah Allah

Rihaa kardo KHUSTAR ko qaid e mehan se

Tumhara hai wo jaañ nisaar Allah Allah
______________________________________________________
HARMAIN SHARIFAIN KI PAHLI HAAZRI KE MAUQE PAR MUMBAI ME AQEEDAT
MANDAAN E AHLESUNNAT NE PUR KHULUS ISTAQ BAAL ME MUBARAK BAADI PESH KI
THI ...(Az-khushtar razvi)
Mubarak ho tawaaf e khanae Kaaba Mubarak ho
Jabal e arfaat pe labbaik ka naaraa Mubarak ho

Madeene ki ziyaa, aye zaahir e bat'haa Mubarak ho

Hai jis jalwo pe dil betaab wo jalwa Mubarak ho

Nigaahoñ ko tumhari gumbade khazra Mubarak ho

Ye sauda hai agar sir zameen toh ye sauda Mubarak ho

Chaman kya hai jo Arbistaan ka sehra Mubarak ho

Hawaa ke sir zameen wajd aafzeeñ nagma Mubarak ho

Rasool e paak ki ulfat ho phir muqtasar dil me

Ye kuza hai toh is koze ko bhi daryaa Mubarak ho

Kaha ye Hind ki zulmat kaha jalwe madeene ke

Andheri raat me ye subhe ka tad'kaa Mubarak ho

Har ek zarra Arab ki raah ka suraj hi suraj hai

Ba-zarf e shouq tujhko deedaye beena Mubarak ho

Khudaai husn husn paalete hai har manzar me dil wale

Har ek go'sha ba-shakle jalwaye seena Mubarak ho

Jabal e arfaat ke sang reazye jo ke gohar hai

Tawaaf e har nazar ko azmat e kaaba Mubarak ho

Rasool e paak ki naalain e athar ke tasadduq me

Dayaar e paak ka har sang har zarra Mubarak ho

Nijaat e har bun muh hai ziyarat e paak e roze se

Zameer o dil ka ye be-daar aaina Mubarak ho

Jaha taqseer o rehmat ki nigaaheñ ek hoti hai

Ba-saate sang e aswad par wo ek boasaa Mubarak ho

Pahuch kar bargah e Mustafa me itna keh dena

Kabhi hum bad-naseebo ko bhi ye mauqa Mubarak ho

Idhar duniya tumhari hai waha udhar jannat tumhari hai

Yaha zam-zam waha kausar tumhe peena Mubarak ho

Jisse pee kar abu-bakar o umar ko wajd aaya tha

Wo meh-khaanye ki tumko sagar e sehbaa Mubarak ho

Yahañ ki ayesh o ishrat cho'dkar wallah aye RAZVI

dayaare e Mustafa me thokre khaana Mubarak ho

Salame shoqe AASIM ka kabhi chashme nam'se kehdena

Kabhi uski nazar ko bhi tera jalwa Mubarak ho

(AASIM ASHRAFI)
______________________________________________________
AQEEDAT KE PHOOL

(MANQABAAT)
______________________________________________________
MANQABAT E GOUS E AZAM
(Radi allahu taala anhu)

Wilaayat ke maahe mubeeñ Gous e azam

Rasooloñ ke tum jaanasheeñ Gous e azam

Shab o Roz jalwe ho tere nazar me

Kat'tye yuñ hi umar e haseeñ Gous e azam

Ho bagdad o taiba ka faizan mujh par

Rahe dono mujhse kareeñ Gous e azam

Tumhe dekh kar dekhlu mustafa ko

Pilaa do wo jaame haseeñ Gous e azam

Chalo phir dayaar e Habib e khuda ko

Mile sadqa ye gyaarvi(11) Gous e azam

Barasta hai mujhpe baaraan e rehmat

Rahe mere dil me makeeñ Gous e azam

Nabi ke dulaare Hussain o hasan hai

Ho t unke noor e mubeeñ Gous e azam

Jhuka hai ye sir Teri azmat ke aage

Har zeerye kadam e jabeeñ Gous e azam

Mazeen hai jalwooñ se ab tak tumhare

Bahar e gulistaañ e deeñ Gous e azam
Na roothuñ zamanye ke jor o sitam se
Mujhe de dijiye wo yakeen Gous e azam

Shab e gam ki zulmat tassawor se tere

Hai sad rashq subhe haseeñ Gous e azam

Dar e magar ada'a se kaise wo banda

Ho tum jiske hasn e haseen Gous e azam

Bachaa lo mujhe unke shar o fitan se

Ke hai ghaat me haasadeeñ Gous e azam

Hai pesh e nazar Aalahazrat ka roza

Mile ho humme tum yahiñ Gous e azam

Raza saat ho aur Sher e Raza bhi

Ho jis dam dame waapseeñ Gous e azam

Madeena ho aye kaash ma-dafan hamara

Humme bhi mile wo zameeñ Gous e azam

Tassawor me ho tera Darbar e aali

Jhukaau jo sir mai kahi Gous e azam

Tumhare hi naqshe qadam chumti hai

Ye jannat ya khuld e bareeñ Gous e azam

Nabi ki niyaabat Ali ki karamat

Ho tum sabke beshaq ameeñ Gous e azam

Na dooba na doobe humara safeena

Ke hai na-khuda bil yakeeñ Gous e azam

Bahar e gulistaañ e mehboob e daawar

Tajal'li ye noor e mubeeñ Gous e azam

Chupa lenge KHUSTAR ko daman me apne

Tufaile Raza hai yakiñ Gous e azam
______________________________________________________
MANQABAT E KHAWAJA E AJMER
(Radi allahu taala anhu)

Tere jalwo ki tabaani moinuddin Ajmeri

Hai mulqe Hind noorani moinuddin Ajmeri
Bahar e gulshan e usmaañ ata e sarwar e aalam
Sarwar e zok e irfaani moinuddin Ajmeri

Barasta hai madeene ka saqeena tere roze par

Hai dil jalwo se noorani moinuddin Ajmeri

Zaman e me hua mashoor aur maqbool taiba me

Tumhara Ishq e rabbani moinuddin Ajmeri

Kya karte hai sha'haane zamana ek middat se

Tere dar ki nigehbaani moinuddin Ajmeri

Tumhare naam ki khairaat bat'ti hai zamane me

Pilaa do jaam e irfaani moinuddin Ajmeri

Sata le jis kadar chahe mujhe gar'dish e doraañ

Hai chaarye saaz roohani moinuddin Ajmeri

Tere dar ki gadai hai badshaahi zamane ki

Faqeeri rashq e sultani moinuddin Ajmeri

Rihaai do gulaamoñ ko gam e duniya ke jhagdoñ se

Tumhari ho maherbaani moinuddin Ajmeri

Yahi hai raasta shahar e madeena par saqeena ka

Hai subho shaam noorani moinuddin Ajmeri

Madad ko aayiye ab jald tar apne gulaamoñ ki

Badi mojoñ me tegaani moinuddin Ajmeri

Na cho'dhe saat KHUSTAR ka rahe saaya figan sir par

Tumhara faiz e roohani moinuddin Ajmeri
______________________________________________________

MANQABAT E KHAWAJA E AJMER

(Radi allahu taala anhu)

Jannat e nishaañ da'rakshaañ khawaja ka aastaañ hai

Phooloñ Bhara gulistaañ khawaja ka aastaañ hai

Anwaar e Ahmadi se masroor haiñ dil o jaañ

Noor e Nabi se tabaañ khawaja ka aastaañ hai
Ishaaq paa rahe haiñ imaan ki ziya yeñ
Qalb o nazar me ruqsaañ khawaja ka aastaañ hai

Baqshi hai haq ne tumko ummat ki naa-khudaai

Bimaar e gam ka darmaañ khawaja ka aastaañ hai

Darbar e Mustafa se ummat pe haiñ ataaiñ

Saaya figan dar afshaañ khawaja ka aastaañ hai

Taiba na jaa sake jo khawaja ke dar pe aaye

Taiba ka ek gulistaañ khawaja ka aastaañ hai

Baqshi hai nemateñ sab Allah ne Nabi ko

Un nematoñ se zeeshaañ khawaja ka aastaañ hai

Mehki hui haiñ subheñ rangeen mehfil e haiñ

Mastiyoñ ka jaam e irfaañ khawaja ka aastaañ hai

Mujrim hooñ baar e isyaañ sir par lada hua hai

Baqshish ka meri saamaañ khawaja ka aastaañ hai

Rakhlo bharam humara daaman ka do Sahara

Mujrim haiñ jispe naazaañ khawaja ka aastaañ hai

KHUSTAR ki gam-gusaari dar se tumhare hogi

Khushyooñ ka meri saamaañ khawaja ka aastaañ hai
______________________________________________________
DARBAR E KHAWAJA GAREEB NAWAZ ME PUR KASISH HAAZRI KA NAQSHA
MANQABAT E KHAWAJA E AJMER
(Radi allahu taala anhu)

Firdous e muhabbat ka naqsha nazar aata hai

uthta hua aankhoñ se parda nazar aata hai
Kuch rang muhabbat ka nikhra nazar aata hai
Kuch zor basaarat ka badtaa nazar aata hai

Le chal mujhe le chal jaldi se zara chal

Roza mujhe khawaja ka ujlaa nazar aata hai

Hasta nazar aata hai rota nazar aata hai

Rudaad e al'am kehta sheada nazar aata hai
Dewaana tumhara kuch machla nazar aata hai
Banta hua bigdi ka naqsha nazar aata hai
Le chal mujhe le chal jaldi se zara chal
Roza mujhe khawaja ka ujlaa nazar aata hai

Bimaar e muhabbat ko sarkar shifa dedo

Jeene ka sahara ho daman ki hawa dedo
Armaan bhare dil ko kuch apni dua dedo
Gulzaar e madeena ki lillah hawa dedo

Le chal mujhe le chal jaldi se zara chal

Roza mujhe khawaja ka ujlaa nazar aata hai

Pur dard sadaayeñ hai be-chain nigaaheñ haiñ

Roti hui aankhoñ me pur-noor shi-aayeñ haiñ
Kuch unki ataa'yeñ hai kuch meri wafa'yeñ hai
Dekho toh zara khawaja kya le ke hum aaye haiñ

Le chal mujhe le chal jaldi se zara chal

Roza mujhe khawaja ka ujlaa nazar aata hai

Nikhre hue gulshan pe rangeeñ samaañ chayaa

Rehmat ki ghataa uthi wo abre karam aaya
Khawaja ke gulaamoñ par Qudrat ko rahem aaya
Saaqi tere sadqe me phir daur'yeñ jaam aaya

Le chal mujhe le chal jaldi se zara chal

Roza mujhe khawaja ka ujlaa nazar aata hai

Pur-noor fizaa'yeñ ho rehmat ki ghata'yeñ hoñ

Har simt aqeedat ki mas'taana nawaa'yeñ hoñ
Jab mehfil e aqdas me tashreef wo laye hoñ
KHUSTAR ki sabhi Aaqa maqbool dua'yeñ hoñ

Le chal mujhe le chal jaldi se zara chal

Roza mujhe khawaja ka ujlaa nazar aata hai
______________________________________________________
DAURAAN E RUKSATI
DARBAR E KHAWAJA GAREEB NAWAZ
(Radi allahu taala anhu)

Nikhat e baag e taiba sughaana

mujhe khuld e bareeñ me bulana
Apna darbar mujhko dekhana

Mujhko jaldi se Aaqa bulana

Thak Chuka hai musaafir tumhara
Saqt bojhal hai aur gam ka maara
Isko toofan e gam se bachana

Mujhko jaldi se Aaqa bulana

Mehfil e shoq jab ho mazeen

Jalwa gar isme hoñ aap jis dam
Aye shaur haseeñ rang laana

Mujhko jaldi se Aaqa bulana

Baag e jannat ki ye saaf kyaari

Jisme nehre haiñ rehmat ki jaari
Tashnagi meri isse bujhaana

Mujhko jaldi se Aaqa bulana

Aap farzind hai Mustafa ke

Laadle ho shaheed e Karbala ke
Sharbat e deed mujhko pilaana

Mujhko jaldi se Aaqa bulana

Aap ka KHUSTAR be-nawaa hai

Raaz e dil se waaqif khuda hai
Dard e dil ko khudara chupana

Mujhko jaldi se Aaqa bulana

______________________________________________________
HUZOOR SAYYED AALE MUSTAFA MIYAÑ SADAR ALL INDIA SUNNI JAMIYAT-UL-
AOLAMA KE PAHLE URS E PAAK KE MAUQE PAR NAZRAAN E AQEEDAT
....(Az-khushtar razvi)

Rehmat e haq ki bahar e jaaodaañ sayyed miyañ

Saaqi e Ishq e shah e har do jaañ sayyed miyañ

Naashr e deen e hasan aur faiz'yaabe panjatan

Faiz e jilaañ ki bahar e zo'fishaañ sayyed miyañ

Mazhar e barkaat o qasim aur acche miyañ

Kitne pyaaro ke ho tum pyaare sayyed miyañ
Nikhat e gulzaar e taiba sungte the aap se
Aapse aabad tha ye gulistaañ sayyed miyañ

Tumne baqshi thi humme yaad e shaheed e Karbala

Yaad karte hai tumhe ahle jahañ sayyed miyañ

Aabro'ye deen baccalii baand kar sir pe kafan

Usool e shabbir ka roshan nishaañ sayyed miyañ

Tergi kufr larzaañ thi tere naam se !

Haq paras'to ke the beshaq paasbaañ sayyed miyañ

Nagma'ye haq se mazeen thiñ tumhari mehfil'yeñ

Wajd aawar tha tera zoor e bayañ sayyed miyañ

Tumse khush the hazrat e Noori miyañ, acche miyañ

Tumse raazi tha khuda'yeñ do jahañ sayyed miyañ

Dekh lo apne gulaamoñ ko Zara chalan se phir

Dhondt'ye haiñ tumko har sou dil e tapaa sayyed miyañ

Baqsh dijiye dowlateñ izm o yakeen ki phir humme

Kar diya baatil ne hum ko naatawaañ sayyed miyañ

Jalwa'ye zebaa dekha do taalibaan e deed ko

Badh gaya had se bahut souz'ye tapaañ sayyed miyañ

Faiz hai ye aale haidar ka yakinan dosto

Unke dam se hai munnawar aastaañ sayyed miyañ

Apne KHUSTAR ko chipaalo apne daaman me huzoor

Dhoondti hai mujhe phir baad e khazaañ sayyed miyañ
______________________________________________________
HUZOOR SAYYED AALE MUSTAFA MIYAÑ SADAR ALL INDIA SUNNI JAMIYAT-UL-
AOLAMA KE WISAAL KE MAUQE PAR UNKE URS E CHAHAL'LUM(40) ME PADI GAYI
....(Az-khushtar razvi)

Al-wadaa aye jalwa e mehboob e subhaañ al-wadaa

Saaqi'ye Ishq e Nabi aye faiz e rehmaañ al-wadaa

Aye shaheed e raah e haq gulzaar e irfaañ al-wadaa

Dastgeer e Ahlesunnat faiz e jilaañ al-wadaa
Larz bar'andaam the baatil tumhare naam se
Aye shah e sidq o safaa shamsheer e aryañ al-wadaa

Mehfil e zikr e Nabi afsoos soni hogayi

Rehbar e noor e yakiin tafseer e Qurañ al-wadaa

Tum Hussaini fawj ke pyaare alambardaar the

Thi mazeen tum se ye shaam e gareebaañ al-wadaa

Al-wadaa aye aowso'we shaahe shaheed e Karbala!

Ruqsat aye sabr o riza aye jaam e irfaañ al-wadaa

Roz e mehshar saat lelena sabhi ahbaab ko

Saat ho acche miyañ salaar e zeeshaañ al-wadaa

Aam karke gulshan e barkaat ki fiya ziyaañ

Chal diye khuld e bareeñ mehboob e dawraañ al-wadaa

Jalwa e zeeba dekha do apne KHUSTAR ko huzoor

Dil ma'chal ke reh na jaaye shaam e hijraañ al-wadaa
______________________________________________________
MANQABAT E MUJADID E DEEN O MILLAT
SHAH IMAM AHMED RAZA KHAÑ
(ALAIREHMA)

Tum deen o millat ki ziyaa ya murshidi Ahmed Raza

Deen o imaan tumse Mila ya murshidi Ahmed Raza

Fatah o zafr ka Ishq e shah e konain ka!

Sir par tere sehra bandha ya murshidi Ahmed Raza

Tareeq e aalam mitti roshan hui subhe yakeen !

Jis waqt maine di sadaa ya murshidi Ahmed Raza

Kis tarah thea're zulmat e baatil tumhare saamne

Pur-noor hai seena tera ya murshidi Ahmed Raza

Husn o wafa se badh gayi gulshan ki tere dil kashi

Roshan hui raahe hudaa ya murshidi Ahmed Raza

Aye'waan e baatil deh gaye humle se tere Sher ke

Tera tha ye jood o saqhaa ya murshidi Ahmed Raza

Baatil ki jitni shoor sheañ tere dabaane ko uthiñ

Badhta gaya naara tera ya murshidi Ahmed Raza

Najdi ki himmat past ke baatil ki quwaat tod di

Tera hi tha ye hoslaa ya murshidi Ahmed Raza

Ho khaatma imaan par qayam rahu islam par

Har dam thi lab par ye dua ya murshidi Ahmed Raza

Noore mubeeñ ki taabisheñ sirta ba-qadam hai jalwagar

Rukh aap ka hai pur-ziyaa ya murshidi Ahmed Raza

Ishq e Rasool e paak par sab kuch nichaawar kardiya

Aain e deeñ se ki wafaa ya murshidi Ahmed Raza

Aye saaqi'ye Ishq e Nabi kar dijiye nazar e karam

Piyaasa hai kabse ye gadaa ya murshidi Ahmed Raza

Tere gulaamoñ ki jagah amjad nagar hasmat nagar

Har dard o dukh ki hai dawa ya murshidi Ahmed Raza

Kya puchna us khaak ka us raah ke zarraat ka

Jinko mila sadqa tera ya murshidi Ahmed Raza

Le lijiye kuch khidmat e islam o sunniyat ki huzoor

Sadqa janab e Gous ka ya murshidi Ahmed Raza

Khush hai aapse shahe deeñ aye raaze Qudrat ke ameen

Bhar dijiye daaman mera ya murshidi Ahmed Raza

Manjdaar e gam me aa phasa uthiye madad farmaiye

Ho paar ab bedaa mera ya murshidi Ahmed Raza

Chaai hai kaali badliyaañ phir dhoondti hai bijliyaañ

KHUSTAR ko daaman me chupaa ya murshidi Ahmed
Raza
_____________________________________________________
MANQABAT DARAKSHAN E IMAM E AHLESUNNAT
AALAHAZRAT AZEEM UL BARAKAT
(RADI ALLAHU TAALA ANHU)

Deen e haq ki ziyaa shah Ahmed Raza

Rehbar e ba-safaa shah Ahmed Raza

Mar'ate Mustafa aur Gous ul wara

Jalwa'ye haq numaa shah Ahmed Raza

Deen e islam ka bol o baala kiya

Aye shaheed e riza shah Ahmed Raza

Tere farmaan farmaañ jaan aafzeeñ

Raaz daare hudaa shah Ahmed Raza

Bargah e Risaalat ki talim thi

Teri ek ek adaa shah Ahmed Raza

Jagmagaata hua markaz e noor hai

Tera dars o faa shah Ahmed Raza

Kyu kar giraftaar ho bahre gam me kabhi

Banda'ye dar tera shah Ahmed Raza

Musquraata raha inqalabaat meñ

Naam lewa tera shah Ahmed Raza

Mushkil e hal hui kalfat e gam mitti

Mil gaya mad'daa shah Ahmed Raza

Jaam e irfaañ se phir shaad kar dijiye

Aapka hooñ gadaa shah Ahmed Raza

Fitna e najd ki shaan o shauqat mitti

Chaaq parda hua shah Ahmed Raza

Bhool sakte nhi Ahlesunnat kabhi

Tera dars o faa shah Ahmed Raza

Mo'jazaat e Risaalat ka izhaar tha

Naara'ye haq tera shah Ahmed Raza

Zulmat e shab me noor e sahr ki kiran

Aftab e hudaa shah Ahmed Raza

Har musiibat ki gam ki al'am ki dawa

Bosa'ye dar tera shah Ahmed Raza

KHUSTAR e be-nawaa be-sahara na ho

Sadqa e Mustafa shah Ahmed Raza
______________________________________________________
MANQABAT E MUJADID E DEEN O MILLAT SHAH IMAM AHMED RAZA
KHAÑ (ALAIREHMA)

Daaman e shah Ahmed Raza mil gaya

dowlat e jaaodaañ ka pata mil gaya

Khud khuda mil gaya Mustafa mil gaye

Jisko darbar tera shah mil gaya

Hai wo saccha gulam e shah e mursaleen

Jisko faizan e shah e Raza mil gaya

Sir wo unchaa zamane me hota raha

Jisko sawdaa'ye khairul wara mil gaya

Tere Darbar se teri sarkar se

Ishq e Aaqa e har do Sara mil gaya

Noor ne Teri chaukat ko baqsha sha'raf

Noor e Ahmed se noor e khuda mil gaya

Rehmatoñ barkatoñ ke khazeene liye

Shah e barkaat sa rehnumaa mil gaya

Mouj e toofan ne kashti ke chume qadam

Dastgeeri ko jab Naa-khudaa mil gaya

Zindagi yaad e sarkar me kat gayi

Haasil e Ishq qurbe khuda mil gaya

Kon cho'dega daaman ko Aaqa tere

Lazzat e Ishq ka jab mazaa mil gaya

Tere dar ke bikhari bane badshah

Mai kashooñ ko maqam e baqaa mil gaya

Saaf zaahir hua husn e qirdaar se

Tumko darbar e khairul wara mil gaya

Faiz KHUSTAR pe hai ba-yakeen aap ka

Khush nawaai se teri pata mil gaya
______________________________________________________
GULSHAN E RAZA
Wajd karti zameeñ jhoomta aasmaañ
pyaari pyaari dagar pyaara pyaara samaañ
Husn ki ye zameeñ Ishq ka ye jahañ
Nisbat e qadri ka ye dil kash chaman

Ye barelli ye faiz e Raza ka chaman

Ye baharoñ ki masti guloñ ki phaban

Ye sitaaroñ ki duniya ye shamsho kamar

Ye muhabbat bhari zindagi ki sahar
Lazzat e Ishq me doobi doobi nazar
Musda'ye be-khudi dawat e Anjuman

Ye barelli ye faiz e Raza ka chaman

Ye baharoñ ki masti guloñ ki phaban

Faiz e Shere raza faiz e shahe Raza

Mar'ate Mustafa hai Jamal e Raza
Hai wisaal e khuda bas wisaal e Raza
Qibla e Ahle-deen markaz e ilm o fan

Ye barelli ye faiz e Raza ka chaman

Ye baharoñ ki masti guloñ ki phaban

Zindagi ko sha'oor e nazar dediya

Ashq tar deed'aye dard e dil dediya
Maut ke raaz se ba-khabar kar diya
Dowlat e sir madii nisbat e zeeñ chaman

Ye barelli ye faiz e Raza ka chaman

Ye baharoñ ki masti guloñ ki phaban

Maskan e be-kasaañ maaman e ahle dil

Aye maseeha'ye gam marham e zakm e dil
Raqs karti fizaao meñ khilte kunool
Paak bazaan e gulshan ka tarze sukhan

Ye barelli ye faiz e Raza ka chaman

Ye baharoñ ki masti guloñ ki phaban

Ye haseeñ shahraañ hai MASHOOD e hazeen

Dawat e Ishq deti hui ye zameen
Hai bahar e gulistaan e khuld e bareen
Raaz daare junooñ paasbaan e chaman
Ye barelli ye faiz e Raza ka chaman
Ye baharoñ ki masti guloñ ki phaban
______________________________________________________
MANQABAT E SARKAR MUFTI AZAM E AALAM
MUJADID IBNE MUJADID WALI IBNE WALI SAQHI IBNE SAQHI PEER IBNE PEER SUFIIYE
BA-SAFAA HUZOOR MUSTAFA RAZA KHAÑ (ALAIREHMA)

Mazhar e shah Ahmed Raza aapki zaat hai naib'ye mustafa aap ki zaat hai
Naam hai aapka mustafa shah Raza markaz e pur-ziyaa aap ki zaat hai

Ahlesunnat pe hai saaya'e Mustafa ho muhaafiz ba-hukm e Raza

Jinse hai nehre faiz e Raza ki rawaañ wo sahab e ataa aap ki zaat hai

Jhoom utha hai ahle wafaa ka chaman hai mu'attar guloñ se har ek Anjuman
Sab me rangat hai husn e qamar ki nihaañ aur jalwa numaa aap ki zaat hai

Us bahar e gulistaañ ka kya puchna ke khusboo'ye khairul wara me basi

Hai mu'attar mu'attar namud e sahr rashqe mushqe khitaa aapki zaat hai

Aye hareef e wafaa aye shaheed e lakaa khol aankhoñ ko aur dekh jalwa zara
Jalwa gar hai yaha nikhat e Mustafa dowlat e be-bahaa aap ki zaat hai

Ye chaman ye naseem o tan ki phaban ye baharoñ me mehki hui Anjuman

Dowlat e Ishq ke hai haseeñ paasbaañ raaz daare wafaa aap ki zaat hai

Ye barelli ye ahle sunnan ka chaman Qadri rang hai faiz hai panjatan
Noor e subhe az'al hai yahañ jalwagar aur uski ziyaa aap ki zaat hai

Ek KHUSTAR ki hai aakhiri iltejaa hai muhaafiz khuda aap haajat rawaa
Apne daman se mehshar me lena chupa naaib e Mustafa aap ki zaat hai
______________________________________________________
MANQABAT
subhe mehkegi daraksha rukhe zebaa hoga
Faiz e Sarkar ka har simt nazar hoga

Be-qali gam-e-hijraañ le, Mubarak ho tujhe

Turbat e shah se taiba ka nazara hoga

Qasim e Ishq e NABI mufti-e-azam hoñ ge

Jalwa-e-GOUS se mamoor saraapa hoga

Nayyar'ye taiba ki pur-noor ziya'eeñ hoñgi

Raat din markade NOORI pe ujaala hoga
Jo gulam aapka sayyad-e-wala hoga
Dafan taiba me zaroor aisa dilaara hoga

Mujhse kab qalb o jigar ka mere sawda hoga

Sabz-gumbad ka mujhe kabse nazara hoga

Kis se leñge ye firishte mera amaal o hisaab

Tera KHUSTAR toh tere saaye me sota hoga

Saat ho MUFTI E AZAM ke agr SHER E RAZA

Rang-e-mehfil ka madeene me do-baala hoga

Dar pe haazir hai tumhare ye tumhara KHUSTAR

Jalwa'ye Gous ka kab isko nazara hoga
______________________________________________________
MANQABAT

Mustarib hu bahut dil pareshan hai

Aapki deed ka dil me armaan hai

Haiñ RAZA ko ziya'ee dar-e-mustafa

Jinka hai qalb e momin pe faizan hai

MUSTAFA ki riza hai khuda ki riza

Bas yahi ek musalmaañ ki pahchan hai

Hai ye rehaan, rehaan-e-Ahmed Raza

Gulshan e Mustafa unse zeeshan hai

Jalwa'ye Gous e azam hai AKHTAR miya

Inpe SARKAR E jilaañ ka faizan hai

Masnad e Aalahazrat Mubarak tumhe

Tumse masroor har dil hai aur jaan hai

phir yazeedi uthiye leke angdaaiyañ

Kya kisi karbala ka ye samaan hai

Bol bala ho haq ka tufaile RAZA

Jin pe sadqe hai dil jaan Qurban hai

Aur phoole phale khandaane RAZA

KHUSTAR e be-nawaa ka ye armaan hai
______________________________________________________
HUZOOR MUFTI E AZAM E AALAM QUDDUS SIRHU AZIZI KE JASHNE SAHAT KE MAUQE
PAR AQEEDAT KA NAZRAANA.....(KHUSTAR)

Dua tum iltejaa tum hasile har mad'daa tum ho

Tumhi se hai bahare aur baharo ki ziya tum ho

Ayaañ tumho nihaañ tumho mere dil ki ziyaa tumho

Mareez e dard e isyaañ ki dawaa tumho shifa tumho

Suqooñ milta hai tumse be-saharo gam-gusaaro ko

Panaa'e darde mandaañ mazhar e faze khuda tumho

Banaya hai tumhe Noori miyañ ne mashale Noori

Mazeen Jin se hai baage sunnan wo rehnuma tumho

Hai mehboob e RAZA beshaq tumhara chahne wala

Tumhare AALAHAZRAT, AALAHAZRAT ki Raza tumho

Shabi'ye AALAHAZRAT chehrae anwar se zahir hai

Jamal e hazrat e AHMED RAZA ka aaina tumho

Suroor o kaif me doobe hai Ahle bazm ye sunkar

Shifaa payi hai tumse ronaq e bazme safaa tumho

Ziya'ee gumbade khazra ke jalwe hai nigaahoñ me

Basaa'ye baag-e-taiba ki fiza'e pur-ziyaa tumho

Hai khush KHUSTAR tumhare damane rehmat ke saye me

RAZA ka mai'kada hai saaqi'ye haq aashna tumho
______________________________________________________
HUZOOR MUFTI E AZAM E AALAM QUDDUS SIRHU AZIZI KI WAFAAT HASRAT E AAYAT
PAR LIKHA HUA SALAM E AQEEDAT

Rehbar e duniya o deeñ tum par salam

Naaib e sultan e deeñ tum par salam

Aye Imam e aashiqiñ tum par salam

Naasha'ye deen e mubeeñ tum par salam

Mehram e asraar e deeñ tum par salam

Haamil e ilm e yakeen tum par salam

Aur ziya e deen e paak e Mustafa

Ronaq e gulzaar e deeñ tum par salam
Mufti e azam janab e Mustafa
Parta'we noor e mubeeñ tum par salam

Saaqi'ye Ishq e shahe har do Sara

Fazl e Rabbul Aalamin tum par salam

Bargah e Mustafa ko chal diye

Jaanasheen e kamileen tum par salam

Khandaane Aalahazrat ki ziya

Aabro'ye ahle deeñ tum par salam

Hazrat e Noori miya ki dean thi

Aashiq e sarkar e deeñ tum par salam

Kya azeemush'shaan tha tera maqaam

Hum shabi'ye moiuddin tum par salam

Aye gulam e sarwar e har do jahañ

Nikhat e khuld e bareeñ tum par salam

Thi mehrameñ haseeñ bazm e wisaal

Chodwi ke meh jabeeñ tum par salam

Bhejta hai bargaahe paak me

KHUSTAR andh wo geeñ tum par salam

---------------------------------------------------------------------------------------
MURSHID E BA-SAFAA KI CHADAR HAI

murshid e ba-safaa ki chadar hai

Nayi'be Mustafa ki chadar hai

Rehmat e haq hai jiske jalwo me

Ye ussi khush laqaa ki chadar hai

Isko chumo! Saro par bhi rakho!

Murshid e haq numaa ki chadar hai

Nayi'be Mustafa wo hasmat Ali

Ye ussi peshwa ki chadar hai

Qaadri mai'kada ke saaqi hai

Yani sher e Raza ki chadar hai

Hasmati jaam Qadri meena

Faiz e Ahmed Raza ki chadar hai

Maahe taiba ke paak jalwo se

Faiz yaabe ziya ki chadar hai

Aalahazrat ke mazhar e haq ki

Kya nirali Ada ki chadar hai

Gous o khawaja ke faiz e rehmat se

Shaan e Sher e Raza ki chadar hai

Ye bachayegi shor e mehshar se

Rehmat e Mustafa ki chadar hai

Thaam lo jald iske daman ko

Wasle noor e khuda ki chadar hai

Dastgeeri karegi beshaq ye

Faiz e Gous ul wara ki chadar hai

Haq ko batil se jisne paak kiya

Ye ussi rehnuma ki chadar hai

Kyu na jal jaye gaiz me najdi

Kaashif e har khata ki chadar hai

Range haseen se mazeen hai

Noor e khairul wara ki chadar hai

Jaam e irfaañ ko peene aaye hai

Saaqi'ye haq numaa ki chadar hai

Mushkil e hal na kyu ho hum sabki

Faiz e Sher e Raza ki chadar hai

Tum ko sher e Raza Mubarak ho

Tum pe Gous o Raza ki chadar hai

Saaya afgan hai jo ke KHUSTAR par

Wo tumhari ziyaa ki chadar hai
______________________________________________________
BAHAR E CHAMAN

Chalo manzilo ke nishaañ dekh aaye

Baharo ke izme jawaañ dekh aaye

Mehakta hua gulsitaañ dekh aaye

Sawarta hua kaarwañ dekh aaye

Tulu'we sahar ye muhabbat ke jalwe

Hai saaz e nafs nagma khawañ dekh aaye

Jinhe jus'tuju ho bahar e karam ki

Chale hasmati aastaañ dekh aaye

Jahañ jalwa figan fiyoz e Raza haiñ

Wo phooloñ Bhara gulistaañ dekh aaye

Suna hai suqoon e muhabbat milega

Chal uth shor e rash dil tapa dekh aaye

Teri deed hi daulate zindagi hai

Karam tera aye meharbañ dekh aaye

Wo jaam e sharab e haseen aaj saaqi

Pila do ke baag e jinaa dekh aaye

Ye makhmoor nazre ye uthti ghata'yeñ

Ubharte chaman ke nishaañ dekh aaye

Naweed e khushi Ahle mehfil ko dedo

Hai betaab taab o tawaañ dekh aaye

Ye faiz e muhabbat hai saaqi ke dam se

Zameen par rahe aasmaañ dekh aaye

Musar'rat ki karwate tabassum ki mauje

Wo duniya e aman o amaañ dekh aaye

Munnawar munnawar bahar e chaman ko

Chal uth KHUSTAR nagma khawañ dekh aaye
_____________________________________________________
DAYAAR E MURSHID E BAR HAQ
Dayaar e aashiq e khairul anaam aata hai
Suqoon e qalb ka pyaara maqaam aata hai

Jo tishna kaam hai Ishq e shahe do aalam ke

Khud unke waaste gar'dish me jaam aata hai

Tumhare roza ye anwar pe jo bhi hazir ho

Khushi se jhoom kar wo shaad kaam aata hai

Pukaar uthegi firdous dekh kar mujhko

Wo dekho sarwar e deeñ ka gulaam aata hai

Tumhare roza e aqdas pe murshid e bar-haq

Gulam ban ke har ek khaas o aam aata hai

Pukara jis ne tera naam leke mushkil me

Gamo se chut ke wahi khush kharaam aata hai

Tumhare Ishq o muhabbat me jo hua betaab

Ussi ko rehmat e Rab ka payaam aata hai

Chupa lo daman e rehmat me apne KHUSTAR ko

Nhi toh daftar e isyaañ me naam aata hai
_____________________________________________________
MANQABAT E SARKAR SHER E SUNNAT

faiz e Sher e Raza hai chaman dar chaman

Noor o nikhat saro par hai saaya figan

Kitni pur-noor hai aapki Anjuman

Sar pe faizan e murshid hai saaya figan

Roza'ae shaahe khairul bashar ki ziya

Hai yakinan yaha aaj jalwa figan

Hai madeene se mazboot rishta tera

Aye muqaddas zameen aye muqaddas chaman

Murshid e ba-safaa shah Ahmed Raza

Jalwa gar hai yaha saat hai panjatan

Gous ka hai karam aur khawaja ka bhi

Tum se masroor hai saare ahle sunnan
Jalwa'ye yaadgar e Raza dekh kar
Hai musar'rat me doobi hui Anjuman

Qaadri faiz hai jalwa gar har taraf

Noor e subhe az'al se hai roshan chaman

Phool jannat ke hai jo ba-qol e Nabi

Hai unhi se mu'attar tumhara kafan

Haat faila hai KHUSTAR ka darbar me

Bheek dedo tufaile shafee'ye zaman
______________________________________________________HUZOOR MUFTI E AZAM
ki pur-soz e rehlat par "AQEEDAT KA" nazraana

Nayyar'ye azam ameer e kaarwañ jata raha

Faqre millat nazesh e Hindustaañ jata raha

Haadiye raahe hudaa aur nayab e khairul wara

Gulshan e Noori miya ka baagbaañ jata raha

Tere uth Jane se sooni ho gayi Anjuman

Mehfil e zikr e Nabi ka nagma khawañ jata raha

Tere dam se thi munnawar shah raahe maarfat

Aaj ye anwaar o rehmat ka jahañ jata raha

Apne KHUSTAR par nigaahe lutf ab farmaiye

Iske armaano ka zebe daastaañ jata raha
______________________________________________________
MANQABAT E IMAM E AHLESUNNAT
Bharosa hai Humme dono jahañ me Aalahazrat ka
Dilo par naqsh hai roza imam -e- Ahlesunnat ka

Chute sarkar ka daman gawara hi nhi hum ko!

Sabaq hai ye mere Aaqa-e-naimat Aalahazrat Ka

Mareez e ishq e naaza hai yahañ apne muqaddar par

Shifa e dard e dil hai raaz panhañ hai muhabbat ka

Madeena masqan e Aman o amaañ hai ishq walo ka

Hai darbar e Raza ek raasta us shehar e Rehmat ka

Adab lamhooz rakho aur nazare dekhte jao

Ye hai darbar khaas ek hind me shaan e shariyat ka
Ziya e kaleer o ajmer hai Makka madeena hai
Raza ka faiz guldasta hai gulzaar e aqeedat ka

Hai taqseem maye Irfaañ pe faa'iz Mufti e azam

Khula hai aaj maikhana mere Aaqa-e-naimat ka

Mazeen hai, hai ye urs e Qadri anwaar e taiba se

Nazara karlo ab dil khol kar gulzaar e jannat ka

Faqeero be'nawao, aao aao jholiya bharlo

Muraad e dil milegi aam hai faizan Rehmat ka

Khuda ka fazl hai saya figan aye gardish e dawraañ

Nhi khatka Raza walo ko ab Roz e Qayamat ka

Saro par saaya afgan hazrat e Acche miyañ bhi hai

Daraksha hai sitara aaj mere husn e Qismat ka

Munawwar hai tere KHUSTAR ka seena noore khawaja se

Raza ke faiz se siqqa hai ye unki hukumat ka
______________________________________________________
FAIZAN E AQEEDAT

nawazish unki jitni mujh pe har dam hoti jati hai

Teri tasweer dil me aur ahkam hoti jati hai

Tumhare ro'aye tabaañ ka nazara karta rehta huñ

Mareez e ishq ki dewaangi kam hoti jati hai

Munawwar zindagi ki sha'haraayiñ hoti jati hai

Andhere ghar ki zulmat khud ba-khud kam hoti jati hai

Sajaya hai baharoñ se kisi ne mehfil e dil ko

Mazeen unki aamad se ye peham hoti jati hai

Chale aao baharoñ me bahar e jaañfizaa bankar

Tumhari deed phir zakhm ka marham hoti jati hai

Ye kiska aastaañ aaya ye kiska meqada dekha

Jabeen e shoq meri khud ba-khud kham hoti jati hai

Tumhi hote ho ab jalwa numa har su fizaaoñ me

Meri hasti kisi tasweer me gum hoti jati hai
Karo seeraab ab mujhko sharab e ishq e Ahmed se
Ke phir Joshe talab me aankh pur-num hoti jati hai

Tumhare dar se hoti hai ziyarat Gous e azam ki

Ayaañ sab shaan e sarkar e do aalam hoti jati hai

Ye faizan e karam hai mujhpe mere Aalahazrat Ka

Hai larzaañ zor e baatil tergi kam hoti jati hai

Hai khush KHUSTAR tumhare daman e Rehmat ke saaye me

Tumhari yaad dard e dil ka marham hoti jati hai
______________________________________________________
MANQABAT E SHER E RAZA
Marhaba aagaya urs e shere Raza haiñ gulstaañ me yuñ bulbule nagmazan
ta-qayamat rahe yuñ bahare aafzeñ ilm o irfaañ ka ye lehlahata chaman

Faiz e shahe madeena ka hai ye asr dekhiye jagmagate hai diwaar o dar dekhiye
Noor o nikhat me duba hai HASMAT nagar barish e noor karta hai chiraag e kahan

Nagma e manqabat chedta hai koi aur koi gungunata hai Naat e Nabi
Mast ho ho ke sunte hai shaikho jali zikr e sarkar ki hai sajii anjuman

Azmat e saahib e urs dil me liye aehtaraman nigaahoñ ko neechi kiye

Kis adab se aqeedat ki dali liye hazir e astaana hai ahle sunan

Saare lahu o lab se ye mehfooz hai ehtaraam e shari kitna lamhooz hai
Aur har aane wala bhi mehfooz hai koi dekhe toh is urs ka baankchan

Nikhatoñ se muattar ye gulzaar hai aashiq e Shahe deeñ ka ye darbar hai

Boye ishq Nabi inki sarkar se maangne aaye haiñ nargis o yaas'man

Mere murshid ki chaukhat salamat rahe faiz jaari yuñ hi ta-qayamat rahe
Hai JALIL e khatakaar ki ye dua karle maqbool aye khaliq e zoloman
______________________________________________________
* FARYAAD BA-DARGAH E SHER BE-SHE AHLESUNNAT*

Wasif e badrudduja faizan e Imaañ

Naaib e khairulwara anwaar e rehmaañ
Aashiq e Gous ul wara faizan e jilaañ
Mazhar e Ahmed Raza shamsheer e baraañ

Al-madad Ya Sayyadi Shere Raza khañ Al-madad

Aapke faizan ki shere Raza koi na had
Har Bala har gam ko Aaqa aap kar dete hai rad
Najd ki she'rag pe padti thi hamesha Teri zid
Leke taig-e-haidari phir aayi'ye kijiye madad

Al-madad Ya Sayyadi Shere Raza khañ Al-madad

Aapke darbar me yak sa hai saare neak o bad

Deen e Ahmed ke liye thi aapki jad o jahad
Firqa e batil ka karte the hamesha aap rad
Jaan dekar aapne ucha kiya naam e uhad

Al-madad Ya Sayyadi Shere Raza khañ Al-madad

Aapne toda hamesha ahle batil ka guroor

Shesha e bad-mazhabiyat kar diya hai chur chur
Naam sunkar aapka khud tergi hoti hai duur
Mehfil e Ahmed Raza ki jagmagati sham-e-Noor

Al-madad Ya Sayyadi Shere Raza khañ Al-madad

Mash'al e raahe amal par aapka pukhta asool

Aapke faiz e karam se khaar banjate hai phool
Sarmaye chasme baseerat aapke qadmo ki dhool
Chasme Rehmat se meri nazre aqeedat ho qubool

Al-madad Ya Sayyadi Shere Raza khañ Al-madad

Wasta Gous ul wara ka kijiye ab shaad kaam

Wasta Ahmed Raza ka suniye ab arz e Gulaam
Muskuraaye subhe taza aur kate furkat ki shaam
Hind se jaau madeene kijiye kuch intezaam

Al-madad Ya Sayyadi Shere Raza khañ Al-madad

Hai MUSHAHID aur ye MASHOOD baagban e Hasmati

Kyu na phir phoole phale ye gulsitaan e Hasmati
Hoga manzil e aashna ye kaarwaane Hasmati
Sarkhuruñ hoge jahañ me khaadmaane Hasmati

Al-madad Ya Sayyadi Shere Raza khañ Al-madad

Phir madad darkaar hai aye Sunniyat ke taajdar

Gulshan e Ahmed Raza me aapke dam se bahar
Aapki zaat e giraami be-kararoñ ka karar
Ab khabar lijiye khudara kah rahe hai bar bar

Al-madad Ya Sayyadi Shere Raza khañ Al-madad

Aye mere mushkil kusha suniye rudaad e alam

Naao hai tufaan me ghere hue hai ranj o gam
Ek muddat se hai MAAHIR bhi talabgaar e karam
Ye madad ka waqt hai aye naaib e khairul-umam

Al-madad Ya Sayyadi Shere Raza khañ Al-madad

______________________________________________________
MANQABAT

Mazhar e Aalahazrat chale aayi'ye

Naashra e deen o millat chale aayi'ye

Sadma e hijr se dil pareshan hai

Aapki deed ka dil me armaan hai
Chasme guryan hai ashko ka tufaan hai
Hazrat e shah Hasmat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Ahle haq o sadaqat ko chamkaar te

Dushmanan e Risalat ko lalkaar te
Najdiyat ke shugaaloñ ko dihtkaar te
Hazrat e Sher e sunnat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Muzda e fateh mubeen ka sunate hue

Sunniyo ke dilo ko lubhate hue
Saif e imaañ ke johar dekhate hue
Gazi e deen o millat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Wo dalail ke moti lutate hue

Wo mazameen ke darya bahate hue
Geet Aaqa ki azmat ke gaate hue
And-laibe Risalat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Mazbat e ilm e gaib e Habib e khuda

Nuqta'ae banah maqamaat e bazme Dana
Rehbar e jaade azmat e MUSTAFA
Taajdar e khitabat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Ahle haq ko gale se lagate hue

Aur batil ko thokar lagate hue
Raaz e ulfat jahañ ko tabate hue
Manba'ye ilm o hikmat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Shorshen kufr o batil ki uthti hai phir

Aandhiya zulmat ki chalti hai phir
Hasrate har taraf takti hai phir
Nasir e deen o millat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Soni soni si hai bazm ki ronakeñ

Ab kaha wo zabañ wo bayañ mehfileñ
Yaad hai aaj tak aapki shafkateñ
Faiz baqsh e muhabbat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Dijiye daulat ilm o irfaan ki

Gous e azam ke pur-noor faizan ki
Tal'ate jagmaga jaye imaan ki
Faizyaab e Risalat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye
Aapki shaan se shaan e imaan thi
Aap me bu'ae sakar e zeeshan thi
Najdiyat har taraf se pareshan thi
Fateh e Ahlesunnat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Kitna pur-noor hai aapka aastañ

Jagmagata hua ishq ka gulsitaan
Arz karta hai MASHOOD E KHUSTAR BAYAÑ
bahre deedaar e hazrat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Dobti kashtiyo ko kinara mile

Gamzadoñ ko khudara sahara mile
Markad e paak se kuch ishara mile
Na-khuda e sadaqat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Muntazir hai khatib unke deedaar ka

Baqsh dete the ishq jo sarkar ka
Ho karam aaj toh mujhpe sarkar ka
Saaqi jaam o huddat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye

Aashna tumse the ahle haq o yakeen

Naaz karte the tumpar sabhi ahle deen
Leke ajayiye faiz e sultan e deen
Nashr e deen o millat chale aayi'ye

Mazhar e Aalahazrat chale aayi'ye

Naashra e deen o millat chale aayi'ye