Peer-e-Kamil
“Meri zindagi ki sab se bari khwahish?” hoothon mein dabaye who soch mein
par gayi phir ek lamba saans lete hue qadray be-basi se muskurai.
“Bohat mushkil hai is sawal ka jawab dena.”
“Kyoon mushkil hai?” Javeria ne us se poocha.
“Kyunke meri bohat sari khwahishat hain, aur har khwahish hi mere liye
bohat aham hai,” usne sar jhatakte hue kaha.
Who dono auditorium ke aqbi hissay mein deewar ke saath zameen par tek
lagaye baithi thi.
“Mar jaoongi to phir meri zindagi ki saari khwahishat adhoori reh jaayengi,”
usne moong phali ka ek dana munh mein daalte hue kaha.
“Acha aur…?” Javeria ne kaha.
“Aur yeh ke main mulk ki sab se badi doctor ban-na chahti hoon… sab se
achhi eye specialist. Main chahti hoon jab Pakistan mein eye surgery ki
tareekh likhi jaye to us mein mera naam top of the list ho,” usne muskurate
hue aasman ko dekha.
“Acha, aur agar kabhi tum doctor na ban sako to…?” Javeria ne kaha. “Aakhir
yeh merit aur qismat ki baat hai.”
“Aisa mumkin hi nahi hai. Main itni mehnat kar rahi hoon ke merit par har
soorat aaoongi. Phir mere walidain ke paas itna paisa hai ke main agar yahan
kisi medical college mein na ja saki to who mujhe beron-e-mulk bhejwa
denge.”
“Phir bhi agar kabhi aisa ho ke tum doctor na ban sako to…?”
"Ho hi nahi sakta. Yeh meri zindagi ki sab se badi khwahish hai. Main is
profession ke liye sab kuch chor sakti hoon. Yeh mera khwab hai, aur
khwabon ko bhala kaise chhora ya bhulaya ja sakta hai.
Impossible..."Imama ne qat'ai andaz mein sar hilate hue hathheli par rakhe
hue dano mein se ek aur dana munh mein dala.
"Zindagi mein kuch bhi na mumkin nahi ho sakta... kabhi bhi kuch bhi ho
sakta hai. Farz karo ke tum doctor nahi ban pati to? Phir tum kya karogi?
Kaise react karogi?"
Imama ab soch par gayi.
"Pehle to main bohot roongi. Bohot hi zyada... kai din... aur phir main mar
jaoongi."
Javeria be-ikhtiyar hansi. "Aur abhi kuch der pehle to tum keh rahi thi ke tum
lambi zindagi chahti ho... aur abhi tum keh rahi ho ke tum mar jaogi."
"Haan to phir zinda reh kar kya karungi? Saare plans hi mere medical ke
hawale se hain... aur yeh cheez zindagi se nikal gayi to phir baqi rahega
kya?"
“Yani tumhari ek badi khwahish dusri badi khwahish ko khatam kar degi?”
“Tum yahi samajh lo…”
“To phir iska matlab to yahi hua ke tumhari sabse badi khwahish doctor
banna hai, lambi zindagi pana nahi.”
“Tum keh sakti ho…”
“Acha… agar tum doctor na ban saki to phir margi kaise… khudkushi karogi
ya tabee maut?” Javeria ne badi dilchasp se poocha.
“Tabee maut hi maroongi… khudkushi to kar hi nahi sakti,” Imama ne la-
parwai se kaha.
“Aur agar tumhain tabee maut na aayi, mera matlab hai, jaldi na aayi to phir
to tum doctor na banne ke bawajood bhi lambi zindagi guzaro gi.”
“Nahi, mujhe pata hai ke agar main doctor na bani to phir bohot jaldi mar
jaoongi. Mujhe itna dukh hoga ke main to zinda reh hi nahi sakungi,” who
yaqeen ke sath boli.
“ Tum jis qadar khush mizaj ho, main kabhi yaqeen nahi kar sakti ke tum
kabhi itni dukhi ho sakti ho ke ro ro kar mar jao, aur who bhi sirf is liye ke
tum doctor nahi ban saki. Look funny,” Javeria ne iss baar uska mazaak
udate hue andaaz mein kaha.
“ Tum ab meri baat chhoro, apni baat karo, tumhari zindagi ki sabse badi
khwahish kya hai?” Imama ne mozu badalte hue kaha.
“ Rehne do…”
“ Kyun rehne doon? Batao na?”
“ Tumhein bura lagega,” Javeria ne kuch hichkichate hue kaha.
Imama ne gardan mod kar hairani se use dekha. “ Mujhe kyun
bura lagega?”
Javeria khamosh rahi.
“ Aisi kya baat hai jo mujhe buri lagegi?” Imama ne apna sawal dohraya.
“ Buri lagegi,” Javeria ne madham awaaz mein kaha.
“Akhar tumhari zindagi ki sabse badi khwahish ka meri zindagi se kya taluq
hai ke main is par bura manoon gi?” Imama ne is baar qadray uljhay hue
andaz mein poocha. “Kahin tumhari yeh khwahish to nahi hai ke main doctor
na banoon?” Imama ko achanak yaad aaya.
Javeria hans di. “Nahi… zindagi sirf ek doctor ban jane se kahin zyada
ahmiyat ki haamil hoti hai,” usne kuch falsafi andaz mein kaha.
“Phailiyan bujwana chhor do aur mujhe batao,” Imama ne kaha.
“Main wada karti hoon, main bura nahi manoon gi,” Imama ne apna haath
uski taraf barhate hue kaha.
“Waday karne ke bawajood meri baat sunne par tum buri tarah naraz ho gi.
Behtar hai hum kuch aur baat karein,” Javeria ne kaha.
“Acha, main andaza lagati hoon. Tumhari is khwahish ka taluq mere liye kisi
bohot ahm cheez se hai… right?” Imama ne kuch sochte hue kaha.
Javeria ne sir hilaya.
“Ab sawal yeh paida hota hai ke mere liye kaunsi cheez itni ahm ho sakti hai
ke main…” Who baat karte karte ruk gayi.
“Magar jab tak main tumhari khwahish ki noiyat nahi jaan leti, main kuch bhi
andaza nahi kar sakti.
Bata do, Javeria… please… ab to mujhe bohot hi zyada tajassus ho raha hai,”
usne mint ki.
Who kuch der sochti rahi. Imama ghor se uska chehra dekh rahi thi, kuch der
ki khamoshi ke baad Javeria ne sar uthakar Imama ko dekha.
“Mere profession ke ilawa meri zindagi mein filhaal jin cheezon ki ahmiyat
hai, who sirf aik hi hai. Aur agar tum iske bare mein kuch jaana chahti ho to
humay beh mein unon ka,” Imama ne sanjeedgi se kaha.
Javeria ne qadray chonch kar usay dekha, who apne haath mein mojood aik
anguthi ko dekh rahi thi. Javeria muskurayi.
“Meri zindagi ki sab se badi khwahish yeh hai ke tum…” Javeria ne usay apni
khwahish batayi.
Imama ka chehra aik dam safed par gaya. Who shakkar thi ya hairat zada…
Javeria andaza nahi kar saki. Magar uske chehre ke asraat yeh zaroor bata
rahe thay ke Javeria ke moun se nikalne wale jumlay uske har andazay ke
baraks thay.
“Main ne tumse kaha tha na tum bura manogi,” Javeria ne jaise safai pesh
karne ki koshish ki, magar Imama kuch kahe baghair usay dekhti rahi.
----------(part one) --------
