GHAR PE AAKHRI DIN

Aaj ka din thoda alag tha ye baat muje subh hote hi pta chal gya ,jaise sar mai dard ,badan mai
dard ,naak jaam aur gala baitha hua khair in sab se muje jayda fark nhi padta agar mai hostels mai
hota. Subah se muje uthane ki 2-3 naakaam koshishein ho chuki thi magar jaisa ki aap jante
honge sher apni marzi se …..khair choriye(kahin papa ne sunliya to sher beghar ho sakta hai)

Ab jab mai utah gya tha to gharwalon ne bhi thodi daya dikkate hue khana mere room mai hi de
diya maine khana khaya aur maine bhi puri daya dikhate hue plate mummy ko de diya aur mai
phone chalane lga ,phone chalate chalate hue dophar sar pe aa chuki thi to jaisa ki maine kaha
aaj ka din ajeeb tha waise aamtor pe muje maja aata hai jab bhi muje sardi hoti hai iske 2 reasons
hai pahla ki muje bohot neend aati hai in dino mai bohot jayda aur sukoon se sota hun dusra ye ki
sardi aur jayda sone ki wajah se meri sochne ki kshamata kam aur słów ho jati mtalab dimagh
shust aur saant rahta hai jo ki muje pasand hai ye chjein har roz nhi milti .

To ab mai bohot bore ho chuka tha ,books se Mac ,Mac se phone pe switch karte karte aur ab
mere andar se awaj aayi thoda bahar chla jaye (mai pure din kabhi ek room mai nhi rah pata ek do
baar muje nikalna hi padta hai …jaise 10 wali frooti pine ya dairy milk ke bahane).

To mai bahar nikla ye seher ,ye log ,ye puri jagah mere liye naya tha to mai jis bhi gali mai jata mai
kuch naya discover krta mai bss chalta aur chalta gya ,ab chalte chalte muje pyas lgi to jaisa ki aaj
kal gaane ka juice trend mai hai to mere mann Mai bhi ussi ki talab huii soo mai galiyon se nikal
kar road pe agua .
Aur ab mai apni cheete ki chal aur cheel ki nigah se gaane ka juice dhundne lga ( mere dimagh
mai background mai bss yhii chal rha tha ganee ka juice 20 rupee bada gilaas )Mai 10 -15 mints hi
chala tha ki muje ek bheed dikhi ek adher umar ke aadmi ko ghere hue pass pahucha to khusi hui
gaane ka juice tha maine bina soche boldiya ganne ka juice dedo 20 wala bada gillaaasss usne
muje dekha aur hastę hue bola bada gillaas 30 ka hai (maine mann mai kaha seher hi c…hai
choriye)maine kaha 20 wala kardo ,maine ganne ka juice pi liya bagal ki medical se 5 vicks leke
chal diya wapas.

Ab jab sare talab saant ho chuke the to mere mann Mai kuch khyal aaien jo mere aaj ke din aur
mere mann ki sahi ka yat thi unn khyalon ko maine apne notes mai likh liy aur phir maine unhe
sher mai badal diya agar aap padhna chahe to wo 2 sher kuch iss tarah hai…

khasta haal tabiyat hai aur dhoop mein,mai nikal padta hun
Jane kya mann mein chalta hai ,Mai akele chal padta hun

Aur jab doston ki yaad aayi to maine kuch yun kaha…

Ye naya seher ,ye anjaan log, ye tej dhoop yaron

Bss issi tarah din gujar hi rha tha ki meri phone mai call aayi jaisa ki maine pahle hi kaha tha aaj ka
din thoda ….aap bhul to nhi gye
Khair maine phone uthya to mai saant ho gya,mai freez ho gya măgar phir maine socha mummy
ko pata chalega to wo pareshn hongi so maine chup chap bike ki chabi li aur nikal pada
Waise aap soch rhe honge aisa kya tha uss call maii doston accident!!!
Jis medical store se mai vicks leke aya tha meri pyari si goluu(nickname) ne usse uda diya…ha ha
bhaii udaa diya ab aap iski umar ka andaja lagaiye 10 nhi ,9,8,7,6,5 nhi nhi nhi
Ye 4 saal ki masum si dikine wali ladki hai.
fi
Mai jagah pe pachucha to wo apne bade mama ki godd mai thi maine jab pucha to pta chala kisi
ko koi chot nhi lgi golu ko bhi sardi thi to medical se bhaiya uske liye dawai le rhe the aur usko
ericksaw ke Aage wale seat pe baithke wo dawai lene gye aur tabhi ye ericksaw wala banda bhi
ganne ka juice pine lga aur usse ye dhayn nhi tha ki ek choti baachi front seat pe hai aur usnę
keys remove nhi kiye hai so r wahi hua jiska dar tha usne ericksaw ka accelerator ghuma diya
aur ericksaw medical store ka counter todte hue andar ki taraf ghus gyi so ye sab hua tha.
Shayad Bhagwan ka sath tha medical pe koi nhi tha aur yeto mai bachapan se dekta aarha hun ki
baachon ke sath Bhagwan hote hai jo aacidents bacchon ke sath hote hai wo agar humare sath
hone lge to humare liye ye dharti hi swarg ho jaye kuch to hai jo baachon ko bachati hai.
Ab jo ho gya so ho gya yahi khake humne baat katam ki aur medical wale ne kuch 5-10 hazar ke
nuksaan ki bharpayi ki maang ki ,wo medical wala jaan pehcahn ka tha usse 5 hazar deke mamla
khatm hua.

Maine ab goluu ko bike pe baithya Aage ki taraf(piche usse baita to lu magar ye ladki so Jatii hai
parson bhi so gyi) aur maine usse kaha tum to mujse bhi bade bade kand kr rhi hp usne kuch bola
nhi shayad wo thoda darr gyi thi aajkal ye baat har koi samjta hai mere time pe ye log kaha the jab
mai 5 sal mai kho gya tha pure din dhundne ke baad jab mai saam ko mila to mere baba ne milte
hi meri khatir dari ki thi magar choriye kya kar sakte humre janam hi galat time liya. Mai ghar agya
sabko ghar mai pata chala to mummy jaisa ki maine socha tha wo bohot pareshan hui ab in baa-
ton se bacchon ko kya matalb kisi ka fayda ho kisi ka nuksan ho unki bala se unhe kya baache to
baache hote hai khud mai khoye har din har pal badlte hue magar goluu Abhi bhi chup thi maine
usse gharwalon se durr le gya ussy ek dairy milk di aur kaha jo hua bhul jao chl teri bhii ghibli art
banata hun phir kya tha pahli ghibli dekhte hi wo hasne lgi rse pahlie ki tarah jaise kisine koi reset
button daba diya ho ,usse dekha aur maine socha hum bhi baachon ki tarah kyu nhi hote kitna
kuch hota hai inse sikhne ko.

•
fi
fi