良心

  想搵第二個意思嘅話，請睇良心 (搞清楚)。

良心發現

良心係判斷是非同善惡個心，諗下係咪合乎道德，指引人行事。如此又叫是非之心、褒貶之心。就係日常講「心」，有如問心。有說良心為天生，所叫天良。若果有違道德，違背良心，人會不安，似犯咗罪咁，好唔舒服。相反，順住良心，心裹面就會舒服。

孟子而言，良心為天生嘅善心，有仁有義。依種觀念對東亞甚有影響。西洋而言，為心內之光，為心內之言。人做錯咗，就會心內有話。

英文稱之為conscience。由於science有知嘅意思，故此亦有譒為良知。之不過，良知又有佢本義，意謂為天生所知，唔教都曉。

英文有字講良心狀況好壞，good conscience，意謂心中無愧。亦有bad conscience、evil conscience，意謂心中有愧。唔能死譯做好良心同壞良心、邪良心。

良心為人內在判斷，未必同世俗與宗教一致，未必人人一樣。孟子有謂，「君子之於禽獸也、見其生、不忍見其死。聞其聲、不忍食其肉。是以君子遠庖廚也。」孟子所采取「君子遠庖廚」，親自見到聽到宰牛羊，過唔到良心。佢並非反對殺牛羊，唔食牛肉羊肉。兼且對屠夫廚師來講，亦有另外一啲判斷。

有啲範疇，對良心特別有興趣，如宗教、如哲學、如心理學咁。 心理學咁，弗洛伊德學說稱之為超我。