Martin Buber
| Martin Buber | |
| Gebore | 8 Februarie 1878 Wene, Oostenryk-Hongarye |
|---|---|
| Oorlede | 13 Junie 1965 (op 87) Jerusalem, Israel |
| Nasionaliteit | |
| Vakgebied | Ontologie |
| Bekend vir | Ich-Du en Ich-Es |
| Beïnvloed deur | Immanuel Kant, Søren Kierkegaard, Friedrich Nietzsche, Ludwig Feuerbach, Ralph Waldo Emerson, Pierre-Joseph Proudhon, Sigmund Freud, Rudolf Bultmann |
| Invloed op | Abraham Joshua Heschel, Walter Kaufmann, Gabriel Marcel, Franz Rosenzweig, Hans Urs von Balthasar, Fritz Perls, Laura Perls, John Berger |
Martin Buber (Wene, 8 Februarie 1878 – Jerusalem, 13 Junie 1965) was 'n Oostenrykse-Israeliese-joodse godsdiensfilosoof.
Lewensloop
Chassidisme
Buber word groot in Lemberg (tans bekend as Lwif, Oekraïne). As kleinkind van die wetenskaplike en Midrasj-kenner Salomon Buber was hy in sy tyd een van die belangrikste navorsers en versamelaars op die gebied van die Chassidiese tradisie van die Oos-Europese jodedom. Hoewel hy homself eerder as aanhanger van die Rekonstruktiewe Judaïsme reken, beywer hy homself daarop om die Westerse wêreld aan Ortodokse en Ultraortodokse mistieke bewegings bloot te stel. Hiervoor vertaal hy talryke vertellings en tradisies van die Chassidisme na Duits en maak dit op so manier bekend. In die besonder lewer sy omvangryke teksversameling "Die Erzählungen der Chassidim" (Die vertellinge van die Chassidiem) daarvan 'n indrukwekkende getuienis. Tydens sy lewe was Buber 'n bemiddelaar tussen die bedreigde tradisionele joodse wêreld in die Ooste en die Westerse wetenskaplike en rasionalistiese moderne tyd.
Teoloog en filosoof
Saam met die filosoof Franz Rosenzweig vertaal Buber van 1926 tot 1936 die joodse Heilige Skrif, die Tenach, in Duits. In sy filosofiese werke konsentreer Buber veral op die tema van dialoog. Sy hoofwerk met die titel "Ich und Du" (Ek en jy) behandel die verhouding van die mens tot God en die medemens as eksistensialistiese religieuse dialoog beginsel. Buber was van 1924 tot 1933 dosent en was ere hoogleraar in joodse geloofsleer en etiek in Frankfurt aan die Main. In 1938 kon hy uit nazi Duitsland na Jerusalem ontsnap, waar hy tot 1951 aan die Hebreeuse Universiteit van Jerusalem klasgee in antropologie en sosiologie. Sy huis in Heppenheim word tydens die Kristallnacht ("Kristalnag") op 9 November 1938 verwoes.
Religieuse 'Tuisland' Sionis
Martin Buber was 'n religieuse sionis, maar het hom tog ook verset teen die oprigting van die staat Israel en kritiseer die nasionalistiese politieke sioniste as "sendelinge van die Weste". Hy was, soos ander persone 'n sogenaamde 'Tuisland' sionis, waaronder Judah Magnes voorstander van 'n gemeenskaplike Arabies-Israeliese staat, waarbinne Jode veral hul spirituele identiteit tot ontwikkeling moes bring, maar geen politieke mag moes nastreef nie.
Werke
• Geschichte des Individuationsproblems (1904)
• Ich und Du (1924)
• Die Schrift. Verdeutscht von Martin Buber gemeinsam mit Franz Rosenzweig (1926-1938)
• Die Erzählungen der Chassidim (bis 1949)
• Der Jude und sein Judentum (1963)
• Die fünfzigste Pforte (1907)
• Gottesfinsternis (1952)
• Der Weg des Menschen (1964)
• Ereignisse und Begegnungen (1964)
• Zwei Glaubensweisen (1950)
Literatuur
• Gerhard Wehr: Martin Buber: Leben, Werk, Wirkung. 1991, Diogenes-Verlag, Zürich, ISBN 3-257-01908-4.
• Siegbert Wolf: Martin Buber zur Einführung. 1992, Junius-Verlag, Hamburg, ISBN 3-88506-873-7.
• Beek, M.A. en J. Sperna Weiland, Martin Buber (1964)
Vertaal uit die Nederlandse Wikipedia Artikel
Eksterne skakels
Wikimedia Commons het meer media in die kategorie Martin Buber.