Vlag van Zambië

Vlag van Zambië

Vlag van Zambië
Gebruik	Nasionale vlag
Verhouding	2:3
Goedgekeur	24 Oktober 1964 gewysig in 1996
Ontwerp	’n Groen baan met ’n goue adelaar en drie vertikale bane in rooi, swart en oranje aan die wapperkant.
Ontwerp deur	Gabrielle Ellison
Wisselvormvlag van Zambië
Bynaam	Lugmagvaandel
Verhouding	2:3
Ontwerp	’n Lugmagblou vlag met die rondeau van die Zambiese Lugmag in die middel.

Die nasionale vlag van Zambië is op 24 Oktober 1959 amptelik in gebruik geneem. Die vlag vertoon ’n groen baan met ’n gou adelaar bo-aan die wapperkant en drie vertikale bane in (van die vlagpaalkant) rooi, swart en oranje aan die wapperkant van die vlag.

Simboliek

Die groen kleur op die vlag stel die land se vrugbare grond voor, die rooi stel die bloed voor wat gevloei het in die stryd om vryheid, swart stel die bevolking van Zambië voor en oranje stel die land se koperhulpbronne voor, wat ’n belangrike deel van die Zambiese ekonomie is. Die adelaar bo die drie vertikale bane simboliseer die hoop van die Zambiese volk.

Ontwerp

Die vlag het ’n ongewone ontwerp met die onderskeidende tekens wat aan die wapperkant van die vlag is (waar so te sê elke ander nasionale vlag s’n aan die vlagpaalkant of in die skildhoek is). Die vlag is deur die Zambiër, Gabrielle Ellison ontwerp.

Konstruksietekening

Kleure

Die vlag van Zambië volgens die korrekte Pantonekleure

Die kleurskema word hieronder gelys:

	Groen	Rooi	Swart	Oranje/Arend
RGB	25-138-0	222-32-16	0-0-0	239-125-0
Heksadesimaal	#198a00ff	#de2010ff	#000000ff	#ef7d00ff
CMYK	82, 0, 100, 46	0, 86, 93, 13	0, 0, 0, 100	0, 48, 100, 6

Geskiedenis

Tot 1939 is die vlag van die Verenigde Koninkryk ook gebruik as die vlag vir Zambië. In 1939 is daar egter begin om van ’n blou Britse vaandel gebruik te maak waarop die Britse vlag in die skildhoek was en die wapenskild van Zambië op die wapperkant. In 1953 is die vaandel gewysig met ’n ander wapenskild op die wapperkant omdat Noord-Rhodesië saam met Njassaland in ’n Federasie getree het. Met die verkryging van onafhanklikheid in 1964 het Zambië ’n nuwe naam en vlag gekry en in 1996 is klein wysigings (die skakering van groen) aangebring.

• 
  Britse vlag, 1923 tot 1939
• 
  Noord-Rhodesië, 1939 tot 1953
• 
  Federasie van Rhodesië en Njassaland, 1953 tot 1964
• 
  Zambië, 1964 tot 1996

Ander vlae

• 
  Vlag van die Zambiese polisie
• 
  Vlag van die Zambiese President
• 
  Vaandel van die Zambiese Burgerlugvaart

Eksterne skakels

• (en) Zambië by Flags of the World.
• (en) "Flag of Zambia". Encyclopædia Britannica. Besoek op 15 Mei 2019.