Bärner Aargau

Charte vo de Oberämter im Bärner Aargau 1732–1798

As Bärner Aargau bezeichnet mä die Gebiet im westlige Deil vom Schwiizer Kanton Aargau, wo vo 1415 bis 1798 Underdanegebiet vo dr Stadt Bärn gsi si. Drzue ghöre s Aaredaal zwüsche Aarau und em Chlingnauer Stausee, d Siitedäler vom Aabach, dr Suhre, dr Wigger und dr Wyna und e baar Gebiet im Jura. S Gebiet umfasst im Wäsentlige die hütige Bezirk Aarau, Brugg, Chulm, Länzbrg und Zofige.

Dr Ursprung vom Begriff Bärner Aargau isch nit historisch und Bärner Aargau isch nie en offizielli Gebietsbezeichnig gsi. Im Sprochgebruuch vo dr Stadt Bärn hai die Underdanegebiet vo 1628 aa «Under-Aargau» gheisse. Oberaargau isch hüt no d Bezeichnig für d Gegend zwüsche Langete und Burdlef im Kanton Bärn.

Litratuur

• Dominik Sauerländer: Berner Aargau. In: Historisches Lexikon vo dr Schwiiz.