Mauritania

	Republica Islamica de Mauritania; République Islamique de Mauritanie; الجمهورية الإسلامية الموريتانية; Al-Yumhūriyya al-Islāmiyya al-Mawrītāniyya
(En detalle)	(En detalle)
	Lema nacional: "Honneur, Fraternité, Justice"; (francés; Honor, Fraternidat, Chusticia)
	Himno nacional: Himno Nacional de Mauritania
	Situación de Mauritania
Capital	Nouakchott
Mayor ciudat
Idiomas oficials	Arabe
Forma de gubierno President	Republica ; Mohamed Ould Ghazouani
Independencia; De Francia	; 28 de noviembre de 1960
Superficie; • Total	Posición 28º; 1.025.520 km²
Población; • Total; • Densidat	Posición 132º; 2.747.000 (2002); 2,3 hab/km²
PIB (PPA); • Total ([[]]); • PIB per capita	Posición º; ;
Moneda	Ouguiya
Chentilicio	Mauritano/a
Zona horaria	UTC
Dominio d'Internet	.mr
Codigo telefonico	+222
Prefixo radiofonico	5TA-5TZ
Codigo ISO	478 / MRT / MR
	Miembro de: ONU, UA

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mauritania, nombre oficial Republica Islamica de Mauritania (Yumhuriya Islamiya Mauritaniya), ye un país en o norueste d'Africa. Tien una ampla costa en l'Oceano Atlantico, entre o Sahara Occidental en o norte y Senegal en o sud.

Per superficie terrestre, Mauritania ye l'onceno país mas gran d'Africa y lo 28º d'o mundo, y lo 90 % d'o suyo territorio ye situau en o Sahara. A mayor parti d'a suya población d'a raya de 4,3 millons vive en o sud atemperau d'o país, y arredol d'un tercio se concentra en a suya capital y ciudat mas gran, Nouakchott, que se troba en a costa atlantica. As atras ciudaz prencipals son Nouadhibou, Kiffa, Kaédi, Néma y Rosso.

O nombre d'o país deriva de l'antigo reino berber de Mauretania, situau en o norte d'Africa adintro de l'antigo Magreb. Os berbers ocuporon lo que hue ye Mauritania a partir d'o sieglo III. Os arabes baixo lo califato omeya conquerioron a redolada en zaguerías d'o sieglo VII, trayendo con ells l'Islam, a cultura arabe y a luenga arabe. En primerías d'o sieglo XX, Mauritania estió colonizada per Francia. Aconsiguió la suya independencia en 1960, pero dende alavez ha experimentau golpes d'Estau recurrents y periodos de dictadura militar. O golpe mas recient, en 2008, estió encabezau per o cheneral Mohamed Ould Abdel Aziz, qui ganó as eslecions presidencials posteriors en 2009 y 2014. Estió succediu per Mohamed Ould Ghazouani dimpués d'as eslecions de 2019, que se consideroron a primera transición pacifica d'o poder en Mauritania dende la independencia.

Tot y con l'abundancia de recursos naturals, incluyius o mineral de fierro y lo petrolio, Mauritania sigue estando pobre; a suya economía se basa sobretot en l'agricultura, a ganadería y a pesca. En cheneral, se considera que Mauritania tien un historial deficient en materia de dreitos humans y ye particularment censurada per a perpetuación d'a esclavitut como institución adintro d'a sociedat mauritana: s'estima que entre lo 10 % y lo 20 % d'os mauritanos yeran en servitut en 2012, encara que l'abolición d'a esclavitut en 1981 y la criminalización d'a propiedat absoluta d'esclaus en 2007.

Clima

Mauritania tien en gran medida un clima desertico ixuto y calido. L'unico efecto refrescant ye la freda corrient de Canarias frent a la costa, que a ormino provoca la formación de boira en as redoladas costeras. En a metat norte d'o país, as precipitacions se producen, entre atros puestos, d'hibierno, pero rara vegada superan os 100 mm per anyo; en l'extremo sud son de 300 a 400 mm, sobretot de chulio a octubre. As temperaturas meyas en chinero son de 20 a 24 °C, as temperaturas de chulio son de 30 a 34 °C y as temperaturas maximas de verano aconsiguen os 50 °C.

Organización politico-administrativa

Rechions

Mauritania se divide en tretze rechions:

Rechión	Capital	#
Adrar	Atar	1
Assaba	Kiffa	2
Brakna	Aleg	3
Dakhlet Nouadhibou	Nouadhibou	4
Gorgol	Kaédi	5
Guidimaka	Sélibaby	6
Hodh Ech Chargui	Néma	7
Hodh El Gharbi	Ayoun el Atrous	8
Inchiri	Akjoujt	9
Nouakchott-Norte	Dar-Naim	10
Nouakchott-Oeste	Tevragh-Zeina	10
Nouakchott-Sud	Arafat	10
Tagant	Tidjikdja	11
Tiris Zemmour	Zouérat	12
Trarza	Rosso	13

Cheografía humana y sociedat

Demografía

O grupo etnico dominant son os moros u beidan, un 80 % d'a población en 1980. Atros grupos etnicos son os wólof, tukulor, soninké y fulbe, que tienen una tasa de natalidat mes gran que os moros.^[2]

Gastronomía

En Mauritania, o cuscús se considera lo plato nacional. Atras especialidaz tipicas mauritanas son Maru we-llham (roz con carne) y A mechwi (carne cueta en arena calient). As bebidas populars incluyen o té, que gosa estar muit endolzainau, asinas como la leit, a leit agra y lo Zrig, una bebida freda feita con yogur u leit, augua y zucre. A base d'a nutrición en o desierto ye la leit de camello u de vaca y los dátils. Nomás que en primerías d'o sieglo XX a cultura d'o té marroquín s'extendió per tot o país y lo té verde con menta se convirtió en a bebida nacional. L'alcol ye prohibiu en a fe musulmana y la suya venda se limita en gran medida a los hotels.

Referencias

↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ Jean Sellier Atlas de los pueblos de Africa Editorial Paidós, 2005.

Estaus d'Africa

¹ Parcialment en Asia. ² Parcialment reconoixito u en disputa

Datos: Q1025
Multimedia: Mauritania / Q1025

[DORTO-1] (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[2] Jean Sellier Atlas de los pueblos de Africa Editorial Paidós, 2005.

[1]

[2]