*Valor atmosféricu; abondanza variable según localización
Unidades nel SI y en condiciones normales (0ºC y 1 atm)
L'heliu ye un elementu químicu de númberu atómicu 2 y símbolu He allugáu nel grupu 18 de la tabla periódica de los elementos. Magar que la so configuración electrónica seya 1s2, l'heliu nun figura nel grupu 2 de la tabla periódica de los elementos, xunto al hidróxenu nel bloque s, sinón que s'alluga nel grupu 18 del bloque p, yá qu'al tener el nivel d'enerxía completu, presenta les propiedaes d'un gas noble, ye dicir, ye inerte (nun reacciona) y lo mesmo qu'estos, ye un gas monoatómicu incoloru y inodoru. L'heliu tien el menor puntu d'evaporación de tolos elementos químicos, y namái pue ser solidificáu baxo presiones descomanaes. Amás ye'l segundu elementu químicu n'abondancia nel universu, depués del hidróxenu, atopando na atmósfera traces pol mor de la desintegración de dalgunos elementos. En dalgunos depósitos naturales de gas atópase en cantidá abonda pa la so esplotación, emplegándose pal enllenáu de globos y dirixibles, como llíquidu refrixerante de materiales superconductores crioxénicos y como gas envasáu nel bucéu de gran fondura.