Nu Octantis
Coordenaes: 21h 41m 28.542s, -77° 23′ 24.032″
Nu Octantis (ν Oct / HD 205478 / HR 8254)[10][11] ye la estrella más brillosa na constelación d'Octans con magnitú aparente +3,73. Alcuéntrase a 69 años lluz de distancia del Sistema Solar.
Nu Octantis ye una xigante naranxa de tipu espectral K1III. Los sos parámetros son modestos tratándose d'una estrella xigante: la so lluminosidá ye 16 vegaes mayor que la del Sol y el so radiu ye 5,9 vegaes más grande. Ello ye la resultancia de la masa de la estrella —un 40% mayor que la masa solar— y de la fase na que s'atopa dientro de la evolución estelar. Hai unos 2000 millones d'años escosó la fusión del hidróxenu nel so nucleu, empezando a crecer y a esfrecese según convertíase nuna estrella subxigante. Na so etapa actual ta a puntu de convertise nuna verdadera xigante. Dientro d'unos 100 millones d'años —un ralu de tiempu bien corto dientro de la vida d'una estrella d'estes carauterístiques— la so lluminosidá va aumentar unes 60 vegaes y el so diámetru va multiplicar por 15.[12]
Nu Octantis ye una binaria espectroscópica con un periodu orbital de 2,9 años. La compañera, Nu Octantis B, ye una nana de tipu K7-M1 y 0,5 mases solares, que la so separación media cola estrella principal ye de 2,55 UA; sicasí, la escentricidá de la órbita (ε = 0,24) fai que dicha separación fluctúe ente 2 y 3 UA.[13] Alteraciones nel espectru de la estrella xigante suxeren la posible esistencia d'un planeta xovianu orbitando a 1,2 UA de Nu Octantis A. Nel casu de qu'esistiera, el planeta tendría una órbita por demás inestable; sicasí, si'l movimientu orbital del planeta fora en sentíu contrariu al de Nu Octantis B, podría sobrevivir dientro del sistema.[13][12]
Referencies
[editar | editar la fonte]- ↑ Afirmao en: Catálogo de Estrellas Dobles Washington.
- ↑ 2,0 2,1 2,2 Afirmao en: SIMBAD.
- ↑ 3,0 3,1 3,2 3,3 Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
- ↑ Ulrich Bastian (marzu 2000). «Catálogo Tycho-2». Astronomy and Astrophysics: páxs. L27-L30.
- ↑ Ralf-Dieter Scholz (payares 2007). «Astrophysical supplements to the ASCC-2.5: Ia. Radial velocities of ∼55000 stars and mean radial velocities of 516 Galactic open clusters and associations». Astronomische Nachrichten (9): páxs. 889-896. doi:.
- ↑ Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ John B. Hearnshaw (11 abril 2009). «Spectroscopic orbits for K giants β Reticuli and ν Octantis: what is causing a low-amplitude radial velocity resonant perturbation in ν Oct?» (n'inglés). Monthly Notices of the Royal Astronomical Society (3): páxs. 1695–1710. doi:.
- ↑ V. Adibekyan (xineru 2022). «CORALIE radial-velocity search for companions around evolved stars (CASCADES). I. Sample definition and first results: Three new planets orbiting giant stars». Astronomy and Astrophysics. doi:.
- ↑ Christopher J. Corbally (2 xunu 2006). «Contributions to the Nearby Stars (NStars) Project: Spectroscopy of Stars Earlier than M0 within 40 pc--The Southern Sample» (n'inglés). The Astronomical Journal (1): páxs. 161–170. doi:.
- ↑ Nu Octantis (SIMBAD)
- ↑ Nu Octantis Archiváu 2016-03-04 en Wayback Machine (The Bright Star Catalogue)
- ↑ 12,0 12,1 Nu Octantis (Stars, Jim Kaler)
- ↑ 13,0 13,1 Ramm, D. J.; Pourbaix, D.; Hearnshaw, J. B.; Komonjinda, S. (2009). «Spectroscopic orbits for K giants β Reticuli and ν Octantis: what is causing a low-amplitude radial velocity resonant perturbation in ν Oct?». Monthly Notices of the Royal Astronomical Society 394 (3). pp. 1695-1710. http://cdsads.u-strasbg.fr/cgi-bin/nph-bib_query?2009MNRAS.394.1695R&db_key=AST&nosetcookie=1.
Coordenaes: 21h 41m 28.542s, -77° 23′ 24.032″
Datos: Q2699454