Sauakraut
| Der Artikl is im Dialekt Weanarisch gschriem worn. |
Do, grod gäht se mid an Döla
Witwe Bolte in an Köla,
Dass se von dem Sauakraut
a Portion se aussahaut,
Wofia se besundas schwäamt,
Waunses wieda aufwäamt.
Sauakraut (dt.: Sauerkraut), is a Weißkoi, dea wos mid Müchsairegearung konsaviat woan is. Es wiad meists kocht ois Beilog gessn. Es güt internationoi ois des bekauntaste deitsche Nationoigericht. Deshoib wean de Deitschn im angloamerikanischn Sprochraum oft Krauts gnennt.
Gschicht
[Werkeln | Am Gwëntext werkeln]De Konsaviarungsmethode duach Müchsairegearung is oid und geht mindastns af de Antike zruck. Sauakraut wo im antikn Griachaland genau so bekonnt is, wia im Remischen Reich und im Kaisareich China.
Duach sein hochn Vitaminghoid (bsundas Vitamin C) woa Sauakraut vua oim im Winta sea wichtig. Owa aa in da Seefoaht is friacha unvazichtboa gwen, wei's Essn vo rohn Sauakraut Skorbut vahindat hod.
Inhoidsstoffe
[Werkeln | Am Gwëntext werkeln]Sauakraut is reich an Müchsaire, Vitamin A, B, C, K und Mineroistoffn. Es woa und is im Winta a wichtiga Vitamin-C-Lieferant. Sauakraut is seah kalorienoam (etwa 19 kcal je 100 g), praktisch fettlos und enthoid nua 3 bis 4 % Kohlenhydrate und 1 bis 2 % Proteine. Im Sauakraut is a Histamin enthoidn, des wos Unvaträglichkeitn ausläsn kaun.