Зігмас Зінкявічус

Зігмас Зінкявічус
Zigmas Zinkevičius
Дата нараджэння	4 студзеня 1925(1925-01-04)
Месца нараджэння	Юадаўсей[d], Lyduokiai Eldership[d], Укмяргскі раён[d], Літва
Дата смерці	20 лютага 2018(2018-02-20) (93 гады)
Месца смерці	Вільнюс, Вільнюскае гарадское самакіраванне, Літва
Месца пахавання	Антакальніскія могілкі
Грамадзянства	Літва  СССР
Род дзейнасці	мовазнавец, гісторык, выкладчык універсітэта, палітык
Навуковая сфера	мовазнаўства
Месца працы	Віленскі ўніверсітэт
Альма-матар	Вільнюскі ўніверсітэт
Партыя	Літоўскія хрысціянскія дэмакраты[d]
Член у	Нарвежская акадэмія навук Каралеўская акадэмія славеснасці, гісторыі і антыкварыяту[d]
Узнагароды	прэмія Гердэра[d]
Медыяфайлы на Вікісховішчы

Зі́гмас Зінкя́вічус (літ.: Zigmas Zinkevičius, *4 студзеня 1925, Юодаўсей, цяпер Укмяргскі раён ) — літоўскі лінгвіст, прафесар Вільнюскага ўніверсітэта, правадзейны член Літоўскай акадэміі навук. Аўтар прац у галіне індаеўрапеістыкі (балтыстыкі), балта-славянскіх моўных стасункаў, праблем літоўска-рускага дзвюхмоўя, анамастыкі. Даследаваў яцвяжскую мову, гісторыю і дыялекты літоўскай мовы.

Біяграфія

Скончыўшы ў 1945 годзе гімназію ва Укмярге, паступіў у Вільнюскі ўніверсітэт, дзе вывучаў лінгвістыку. У 1955 абараніў доктарскую дысертацыю па тэме «Гістарычныя рысы залежных займеннікаў у літоўскай мове». У 1956—1962 быў дэканам факультэта гісторыі і філалогіі Вільнюскага ўніверсітэта. За сваю працу «Літоўская дыялекталогія» (1966) Зігмас Зінкявічус атрымаў ступеню габілітаванага доктара, а цераз два гады стаў прафесарам. У 1973 атрымаў пасаду загадчыка кафедры літоўскай мовы Вільнюскага ўніверсітэта. З 1988 — загадчык кафедры балтыйскай філалогіі.

Член Каралеўскай шведскай акадэміі пісьмовасці, гісторыі і старажытнасці (1982), Літоўскай акадэміі навук (1990), Нарвежскай акадэміі навук (1991), Літоўскай каталіцкай акадэміі навук (1991) і Латвійскай акадэміі навук (1995). Валодае англійскай, беларускай, нямецкай, польскай, рускай, украінскай і французскай мовамі. Зінкявічус лічыцца адным з найбольш цытаваных літоўскіх лінгвістаў.

У 1996—1998 — міністр адукацыі і навукі Літвы. У 1999 абраны старшынёй хрысціянска-дэмакратычнай партыі. У 2000—2004 быў дэпутатам Сейма Літвы.

Прэміі і ўзнагароды

• Літоўская дзяржаўная прэмія, 1968
• Прэмія Гердэра, 1994
• Прэмія Казіміра Бугі Літоўскай акадэміі навук, 1995
• Камандорскі крыж Ордэна вялікага літоўскага князя Гедзіміна, 1995
• Прэмія нацыянальнага прагрэсу (літ.: Nacionalinė pažangos premija), 2007

Спасылкі

• Кароткая біяграфія Архівавана 22 жніўня 2013. (літ.)
• Бібліяграфія Зігмаса Зінкявічуса Архівавана 10 сакавіка 2007. (літ.)