Litowen

Kiblik Litowen Lietuvos Respublika (Litowen)
Ibu negeri	Wilnius
Nama pengendek	Lito Litowen Litower

Litowen (hurup Arab Gundul: ليتون; basa Indonésia: Lituania; basa Litowen: Lietuva) atawa resminya Kiblik Litowen (hurup Arab Gundul: كبليک ليتون; basa Litowen: Lietuvos Respublika) entu atu negara di Èropa. Dia ada watesan ama Lètlan di blèlirnya, Ruslan Puti di belah kidul-wètannya, Polen di bekidulnya, èn Ruslan di belah kidul-kulonnya. Ni negara – atu deri negara-negara Baltik. Adapun luasnya ni negara – 65.300 km2 èn ditinggalin ama sekitar 2,8 juta orangan. Dia punya basa resmi – basa Litowen atawa basa Lito, nyang dituturin ama kurang lebi 3 juta orang. Wilnius entu dia punya hopstad èn kota paling gedénya. Litowen juga' masup jadi anggota Uni Èropa, NATO, èn beberapa laèn-laèn paguyuban.

Adapun dia punya bendèra negaranya kelirnya – konèng (di atas) nyang artinya 'mataari', ijo (di tenga) nyang artinya 'tegalan', èn mèra (di bawa) nyang artinya 'darah suhada Litowen'. Orang Litowen bisa digero' sebagé orang Lito (hurup Arab Gundul: اورڠ ليتو), orang Litowen (hurup Arab Gundul: اورڠ ليتون) atawa orang Litower (hurup Arab Gundul: اورڠ ليتور).