Sguìzzera
A Svizzera o Cunfederazione svizzera hè un paese d'Europa cintrale è, sient'è certe definizione, di u Punente, furmatu da 26 cantoni, incù Berna per capitale, qualchì volta chjamata " cità federale ". Hè cuttighjata da l'Italia à u sudu, a Francia à u punente, a Germania à u nordu, è l'Austria è u Liechtenstein à livante. A Svizzera hè un paese senza costa oceanica, ma chì dispone d'un accessu direttu à u mare per u Renu (Cunvinzione di Mannheim). A superficia di u paese hè di 41 285 km2. Hè geugraficamente divisa trà l'Alpe, l'altupianu svizzeru è u Giura. Mentre chì l'Alpe occupanu a forza parte di u territoriu. A pupulazione di a Svizzera varca i 8 milioni d'abitanti ed hè per u più cuncintrata annantu à l'altupianu, dunde si situeghjanu e cità e più maiò. Frà elle, Zurich è Geneva sò dui grandi centri ecunomichi è cità mundiale.
U stabilimentu di a Cunfederazione svizzera hè tradiziunalmente datatu à u 1a aostu di u 1291, chì hè annualmente cilibratu cum'è Festa naziunale. U paese hà una longa tradizione di neutralità pulitica è militaresca è ùn hà righjuntu e Nazione Unite ch'è in u 2002. Eppuru mantene una pulitica straniera attiva è hè à spessu implicata in u prucessu di custruzzione di a pace intornu à u mondu[1]. A Svizzera hè dinù a culla di u cumitatu internaziunale di a Croce Rossa è aggronda numerose organisazione internaziunale, frà e quale u sicondu più grande Offiziu di e Nazione Unite in Geneva.
A Svizzera pussede u quartu PIB numinale u più altu di u mondu per abitante, è ancu l'ottesimu PIB in parità di putere d'acquistu sient'è u Creditu svizzeru è u FMI. I Svizzeri anu a siconda più alta spiranza di vita à u mondu annantu à a lista publicata da u DAES di e Nazione unite. A Svizzera hè classificata cum'è unu di i deci paesi e menu currotti, è inoltre, annantu à e cinque ultime annate u paese hè statu classificatu prima in termini di cumpetitività turistica è ecunomicu rispittivamente sient'è u Rapportu annantu à a cumpetitività mundiale è u Rapportu annantu à a cumpetitività di u sittore di i viaghji è di u turismu, tremindui rializati da u foru ecunomicu mundiale. Zurich è Geneva sò statu treminduie classificate frà e cità i più aggradevule in u mondu per e so qualità di vita sient'è un classamentu rializatu da Mercer.
'Ssu artìculu hè in custruzzione. Pudete cuntribuisce à a so redazzione.
Da vede dinò
- ↑ Thomas Fleiner, Alexander Misic, Nicole Töpperwien, Swiss Constitutional Law, p. 28, Kluwer Law Internaziunale