Kaourintin

Kaourintin
Ganwyd	375  Bro-Gerne
Bu farw	460  Kemper
Galwedigaeth	offeiriad
Swydd	esgob
Dydd gŵyl	12 Rhagfyr

Sant o Lydaw a flodeuai yn y 5g oedd Kaourintin (Lladin, Corentinus; Ffrangeg a weithiau yn Gymraeg, Corentin) (bu farw tua 460 OC). O dras Frythonaidd, fe'i coffeir yn Llydaw fel sant ac esgob cyntaf Kemper. Ei wylmabsant yw 12 Rhagfyr. Bu'n byw fel meudwy yn Plomodiern ac yn ogystal daeth yn esgob Porzay ar droad y 6g. Fe'i ystyrir yn un o Saith Sant-sefydlydd Llydaw.

Llun o Sant Kaourintin ar faner eglwys plwyf Locronan, Llydaw

Cysegrir Eglwys Gadeiriol Kemper i Kaourintin. Ei arwyddlun yw pysgodyn. Cyfeiria hyn at y chwedl werin ei fod yn arfer bwyta pysgodyn gwyrthiol a oedd yn byw mewn pwll ger clas y sant; byddai Kaourintin yn bwydo ei hun unwaith bob bydd trwy fwyta darn o'r pysgodyn hwn, a fyddai wedyn yn tyfu'n gyfan eto.

Claddwyd y sant yn eglwys gadeiriol Kemper.

Llyfryddiaeth

• Joseph Chardronnet, Le livre d'or des saints de Bretagne (Rennes, 1977)

Gweler hefyd

• Tro Breizh

Dolenni allanol

• (Ffrangeg) Saint Corentin Archifwyd 2006-12-24 yn y Peiriant Wayback
• (Ffrangeg) Saint Corentin, évêque de Quimper Archifwyd 2007-09-27 yn y Peiriant Wayback