Rasus Cymylau

Rasus Cymylau

Dyddiad cynharaf	1982
Awdur	Cefin Roberts
Gwlad	Cymru
Dyddiad cyhoeddi	heb ei chyhoeddi
Cysylltir gyda	Cwmni Theatr Cymru
Math	pantomeim
Darlunydd	Jac Jones
Lleoliad y perff. 1af	Theatr Gwynedd, Bangor
Cyfansoddwr	Dilwyn Roberts

Pantomeim a lwyfannwyd gan Gwmni Theatr Cymru ym 1982/83 yw Rasus Cymylau. Cyfansoddwyd y gwaith gan Cefin Roberts gyda'r gerddoriaeth gan Dilwyn Roberts. Dyma'r degfed panto i'r cwmni gyflwyno i blant Cymru ers 1971.

Disgrifiad byr

Sioe wedi'i greu efo cymeriadau'r tywydd yw Rasus Cymylau, gyda'r cymeriadau yn cynnwys 'Heulwen Haf', 'Mrs Enfys', 'Eira' a 'Morus Gwynt'. Ras rhwng y gwahanol gymeriadau mewn cymylau oedd prif plot y sioe.

Cefndir

Hysbysebwyd y panto fel "degfed pantomein Theatr Cymru" gan gyfeirio'n gelfydd iawn at bob un o'r pantos blaenorol : "Wel Mawredd Mawr welsoch chi Madog ac Eli babi yn rhedeg Dan y Don ar ôl Afagddu a Jac y Jyngl a rheini yn Gweld Sêr am eu bod heb gymryd Pwyll Gwyllt wrth wneud Mwstwr yn y Clwstwr! Be mae nhw'n feddwl eu bod yn ei wneud? Chwarae Rasus Cymylau!"

Caneuon

• Hei Hei Hei Mrs Enfys!

Cymeriadau

• John Dwy Geiniog
• Heulwen Hâf
• Mr Haul
• Mrs Enfys
• Eira
• Morus y Gwynt
• Ifan y Glaw
• Mr Taran
• Mr Melltan
• Neli Niwl
• Branwen

Cynyrchiadau nodedig

Llwyfannwyd y pantomeim am y tro cyntaf yn Theatr Gwynedd, Bangor gan Gwmni Theatr Cymru ym 1982. Cyfarwyddwr Gruffudd Jones; cynllunydd Martin Morley; cyfarwyddwr cerdd Dilwyn Roberts; coreograffi Geoff Powell; sain Rolant Jones; band Dilwyn Roberts (Allweddellau), Nigel Rutherford-Young (offerynnau taro), Nigel Taylor (gitâr fas) ac Ann Llwyd (gitâr chwe tant); cast:

• John Dwy Geiniog - Cefin Roberts
• Heulwen Hâf - Bethan Jones
• Mr Haul - Ifan Huw Dafydd
• Mrs Enfys - Dilwyn Young Jones
• Eira - Marion Fenner
• Morus y Gwynt - Carys Llewelyn
• Ifan y Glaw - Mari Gwilym
• Mr Taran - Rhys Parry Jones
• Mr Melltan - Dafydd Dafis
• Neli Niwl - Sian Meredydd
• Branwen - Janet Jones [Janet Aethwy]