La federacia vojo 1 grandparte sekvas la vojon de antikva komerca vojo, kiu kondukis de la belga nordmara marbordo ĉe la iama haveno Bruĝo al la rusa urbo Novgorodo. Komerco jam estis farata sur ĉi tiu vojo antaŭ pli ol 2000 jaroj. La greka matematikisto, geografiisto kaj astronomo Ptolemeo (100-175) mencias la vojon en sia "Tera Priskribo" kiel (jam tiam) "malnovan komercan vojon". La komenca vojo ekde Akeno okcidenten koincidas kun la mezepoka Reĝa Vojo el la 11-a/13-a jarcentoj, kiu tamen poste vojis pli sude tra Frankfurto ĉe Majno, Lepsiko kaj Breslaŭo.
