Westminster Hiria

Westminster Hiria
Londresen banaketa administratiboa
Irudi gehiago
Administrazioa
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Alkatea	Nickie Aiken (en)
Izen ofiziala	City of Westminster
Posta kodea	NW, SW, WC eta W
Herriburua	Westminster
Geografia
Koordenatuak	51°29′51″N 0°08′14″W
Azalera	21,487 km²
Mugakideak	Camden, Kensington eta Chelsea, Brent, Lambeth, Wandsworth eta City of London
Demografia
Biztanleria	255.324 (2018) 0 (2018)
Dentsitatea	11.883 bizt/km²
Informazio gehigarria
Sorrera	1965eko apirilaren 1a
Telefono aurrizkia	020
Ordu eremua	UTC±00:00 eta UTC+01:00
westminster.gov.uk

Westminster Hiriko armarria.

Westminster Hiria (ingelesez: City of Westminster) Londres Handiko udalerri (borough) bat da, Londres Hiria barrutitik mendebaldera eta Tamesis ibaitik iparraldera dagoena.

Historia

Westminster Hiriaren sorrera normandiarren konkistaren aurrekoa da, XI mendearen erdialdera abadetxe bat eraiki baitzuen Eduardo Aitorlea erregeak. Zimenduek oraindik bertan diraute. Abadetxea eta ibaiaren artean jauregi bat eraiki zuen hurrena eta bertan ezarri gobernua, boterea Londresko hiritik mendebaldera atereaz. Mende luzetan zehar Westminster eta Londres banaturik izan ziren geografikoki baina XVI mendean etxeak eraiki ziren bien artean.

1540an hiri izendatua izan zen baina maila horretan ez zuen asko iraun abadetxeak kontrola berreskuratu baitzuen. 1585ean abadetxea desegin zen eta herriko burgesek hartu zuten agintea. 1900 arte iraun zuen egoera honek.

Gaur egungo Westminster hiria 1965 urtean sortu zen St. Marylebone eta Paddington antzinako barrutiak erantsi zitzaizkionean, iparralderago zeudenak. Honela, egungo Westminster Hiriak, iraganean baino hedadura handiagoa hartzen du. 20 auzok osatzen dute Westminster Hiria.

Ondasun nabarmenak

Hiriak, Londresko West End edo mendebaldeko muturra deritzonaren zati handiena hartzen du, eta Erresuma Batuko gobernu instalazio gehienak ditu, Westminsterreko Jauregia (Houses of Parliament bezala ere ezagutua eta britainiar Legebiltzarraren egoitza dena), Whitehall eta Royal Courts of Justice auzitegiak. Britainiar monarkiaren ikur diren Buckinghameko Jauregia eta Westminsterreko Abadia ere, barruti honetan daude. Londresko parke ezagunenak ere bertan daude, Hyde Park, Kensington Gardens, Green Park, St. James's Park eta Regent's Park besteak beste.

Aisialdi eremu ezagunak dira Covent Garden eta Soho auzoak, aintzina auzo eskasak izan ziren arren XX mendean birmoldatu eta kultura, moda, gastronomia, kale antzerki eta gau giro itzela duten auzo bihurtu dira.

Londres ezagunenaren zatirik handiena, Westminster hirian dago. Horren adibide, honako hauek dira:

• 
  Westminster jauregia.
• 
  Buckingham jauregia.
• 
  Westminster abadia.
• 
  Big Ben.
• 
  Parliament Square.
• 
  Santa Margarita eliza.
• 
  Whitehall.
• 
  Royal Courts of Justice.
• 
  Downing Street.
• 
  National Gallery.
• 
  Trafalgar Square.
• 
  Nelson zutabea
• 
  Piccadilly Circus.
• 
  Covent Garden.
• 
  Soho.
• 
  Soho Square.
• 
  Chinatown.
• 
  Hyde Park.
• 
  Serpentine aintzira.
• 
  Kensington Gardens.
• 
  St. James's Park.
• 
  Regent's Park.
• 
  Regent's Canal.
• 
  Little Venice.
• 
  Oxford Street.
• 
  Charing Cross Road.
• 
  Pall Mall kalea.
• 
  Royal Academy of Arts.
• 
  Royal Opera House.
• 
  Palace Theatre.
• 
  St. James's Palace.
• 
  St. Martin-in-the-Fields.
• 
  Tate Britain.
• 
  Victoria Station.

South Kensington eremuan

Kensington eta Chelsea udalerriarekin South Kensington eremua elkarbanatzen du, Kensington Gardens lorategien hegoaldeko auzoa da. Bertan hainbat instituzio ezagun kokatzen dira.

• 
  Royal Albert Hall.
• 
  Royal Geographical Society.
• 
  Royal College of Music.
• 
  Royal College of Art.
• 
  Serpentine Galleries.

Kanpo estekak

• Datuak: Q179351
• Multimedia: City of Westminster / Q179351