Et alii

Et alii, eskuarki et al. laburtuta idazten den latinezko lokuzio bat da, hitzez hitz «eta beste batzuek» esan nahi duena^[1].

Oro har, errepertorio bibliografikoetan erabiltzen da erreferentzia batean aipatutakoez gain beste autore batzuk ere daudenean erabiltzen da, denak izendatu beharrik ez izateko. Esapidearen balioa eta abar horren antzekoa da, baina beti ere pertsonei dagokienez. Tipografikoki letra etzanetan jartzen da, latinezko esapidea delako (edo, eskuizkribuetan, azpimarratuta). Ohikoa da beste hizkuntza batzuetako esaldi eta esapideak letra etzanaz idaztea.

Idazki administratiboetan erabiltzen denean et al. hori erabiltzeak adierazten du sinatzaileak ez direla sinaduraren erantzule bakarrak. Badaudela beste sinatzaile batzuk ere.

Laburdura ez da askotan azken zerrenda bibliografiko zehatzetan erabiltzen; bertan espero da kontsultatutako lanen xehetasun guztiak, egileen errepertorio osoa barne, zehatz-mehatz agertzea.

Et alia ere erabiltzen da funtzio berarekin, eta el al. laburtzen da, berdin-berdin. Latinezko et alii genero maskulinoaren deklinazioa da, et alia, genero neutroarena eta et aliae (bibliografietan erabiltzen ez dena) femeninoarena. Bibliografia idazterakoan lan batek hiru egile baino gehiago baditu eta APA estiloa erabiltzen bada, eta al. erabili behar da egile guztiak aipatu ordez; lehengoa aipatuko da, eta jarraian, et al. idazten da^[2].

Erabilera adibidea

Egileak: Andres Urrutia Badiola jaunak, Bilboko notarioa, euskaltzainburua eta Deustuko Unibertsitateko zuzenbideko irakaslea denak, lana zuzendu eta ikuskatu du, Deustuko Unibertsitateko zuzenbideko irakasle diren Eba Gaminde Egia eta Ester Urrutia Idoiaga andreekin elkarlanean, eta Esther Cárdenas Ciscar...

Lanaren aipu bibliografikoa egiteko, honela idatz egin daiteke, egile eta laguntzaile guztiak aipatu gabe:

Andres Urrutia Badiola (et al.) Notariotza hiztegia.

Erreferentziak

↑ «et al.» Cambridge Dictionary.
↑ (Ingelesez) «What Does “Et Al.” Mean?» What Does Et Al. Mean? | Grammarly 2016-08-02 (Noiz kontsultatua: 2023-10-20).

Ikus, gainera

Zenbaiten artean

Kanpoko estekak

Datuak: Q311624

[1] «et al.» Cambridge Dictionary.

[2] (Ingelesez) «What Does “Et Al.” Mean?» What Does Et Al. Mean? | Grammarly 2016-08-02 (Noiz kontsultatua: 2023-10-20).

[1]

[2]