Morgana

Para outras páxinas con títulos homónimos véxase: Fata Morgana (homónimos).

Morgana
Morgana le Fay, por Anthony Frederick Sandys, 1864 (Birmingham Art Gallery).
Primeira aparición	Vita Merlini
Creador(es)	Godofredo de Monmouth
Información
Raza	Branca
Sexo	Feminino
Ocupación	Encantadora, princesa, raíña
Conexións	Varios, incluíndo Accolon, Guiomar, Lancelot, Merlín, Holger Danske, Sebile
Cónxuxe	rei Urien
Fillos	Yvain, Mordred, ás veces outros
Familiares	tradición de inspiración francesa: Igraine (nai), Gorlois (pai), Uther Pendragon (padrasto), Morgause, Elaine de Garlot (irmás), Artur (medio irmán)
Residencia	Avalon, Camelot, Gore, varios

Morgan le Fay (/ˈmɔːrɡən lə ˈfeɪ/, que significa "A Fada Morgana"), tamén coñecida como Morgan[n]a, Morgain[a/e], Morg[a]ne, Morgant[e], Morge[i]n, e Morgue[in] entre outros nomes e grafías, é unha poderosa fada da mitoloxía celta, media irmá do Rei Artur, nai con el de Mordred e discípula de Merlín. É a raíña da illa de Avalon, co poder de curar e mudar de forma.

Morgana no ciclo artúrico

No ciclo artúrico, a fada Morgana é unha personaxe feminina, ás veces presentada polos cristiáns como antagonista do rei Artur e inimiga de Xenevra. Na Vita Merlini (Vida de Merlín) do século XII, dise que Morgana ("Morgen") é a maior de nove irmás que gobernan Avalon. Geoffrey de Monmouth fala de Morgana como curandeira e cambiante. Escritores máis tardíos como Chrétien de Troyes, baseándose na interpretación de Monmouth, describiron a Morgana velando a Merlín en Avalon.

Na tradición dos ciclos artúricos, Morgana era a filla da nai de Artur -Lady Igraine- e do seu primeiro marido -Gorlois, duque de Cornualla- e sobriña de Viviana, a Dona do Lago. Arturo, fillo de Igraine e de Uther Pendragon, era, por tanto, medio irmán dela. Como muller celta, Morgana herdou parte da "maxia da Terra" da súa nai. Morgana tiña dúas irmás máis vellas (e era por tanto a menor das tres, e non a maior de nove). O trío de irmás é unha fórmula abundantemente usada na mitoloxía celta. En La Mort d'Arthur (A morte de Artur) e noutras fontes, ela é a infeliz esposa do Rei Urien de Gore, e Owain mab Urien é o seu fillo.

Nas interpretacións cristiás máis modernas da mitoloxía artúrica, Morgana seduce a Artur e concibe con el o malvado Mordred, aínda que orixinalmente (por exemplo en La Mort d'Arthur) este papel asígnaselle a unha das súas irmás.

Diversas fontes describen a Morgana como discípula de Merlín, e máis adiante como a súa rival; neste papel, a personaxe aparece parcialmente superposto a "Viviana", unha das figuras que corresponden ao nome da "Dona do Lago". O mito da rivalidade entre Morgana e Merlín retómase nalgunhas obras cinematográficas, en particular no filme Excalibur de John Boorman (1981).

Morgana noutras fontes

A fada Morgana aparece tamén en narracións fantásticas posteriores, non relacionadas co ciclo do rei Artur, con frecuencia como personificación do fenómeno óptico fata morgana. Por exemplo, a fada Morgana aparece na fábula Os cisnes selváticos de Hans Christian Andersen.

Véxase tamén

Outros artigos

• Morgana en Esmelle

Ligazóns externas

• Morgana no proxecto Camelot, Universidade de Rochester: texto en inglés e imaxes
• Brian Edward Rise, "Morgan le Fay" 2001