Rally de Galicia Histórico
| |||
| Tipo | carreira automobilística | ||
|---|---|---|---|
| Localización e Datas | |||
| Localización | Terra de Melide (Provincia da Coruña) 42°56′00″N 8°00′00″O / 42.9333, -8 | ||
| País | España | ||
| Vixencia | 2009 – 2012 | ||
O Rally de Galicia Histórico foi unha proba de rally de vehículos históricos que se disputou anualmente na localidade de Melide e arredores de 2009 a 2012. Estaba organizada pola Escudería Melide MotorSport e era puntuable para o Campionato de España de Rally para Vehículos Históricos tanto na modalidade de velocidade como na de regularidade.
O vencedor das catro edicións disputadas foi o piloto melidense Jesús Ferreiro.
Historia
[editar | editar a fonte]2009
[editar | editar a fonte]A Escudería Melide MotorSport organizou a primeira edición en 2009, que discorría polos concellos de Melide, Sobrado, Santiso e Toques.[1] Inscribíronse 41 pilotos, entre os que destacaban o campión de Europa e nove veces campión de España Antonio Zanini, Antonio Sainz, irmán de Carlos Sainz, ou Jesús Ferreiro, campión de España de históricos en 2007 e nado en Melide. Ernesto Rumbo conduciu o coche 000, con Luís Moya de copiloto, mentres que Zanini e Pedro García conducían o 00 e Txus Jaio o coche 0.[2] Finalmente Jesús Ferreiro, xunto co seu copiloto Roberto Lorenzo e conducindo un Ford Escort MK1, foi o gañador final do rally, seguido por Manuel Muniente e con Sainz terceiro.[3]
2010
[editar | editar a fonte]Na segunda edición do rally, en setembro de 2010, destacaban as presenzas de Sergio Vallejo a bordo dun Ford Escort RS 2000 MK1, Antonio Sainz nun Ford Escort RRS ou o exfutbolista Santiago Cañizares cun Alpine A-110. Pero a vitoria volveu ser para Jesús Ferreiro, quen debido aos problemas dos seus rivais, rematou con case cinco minutos de vantaxe sobre o Opel Ascona do segundo, Javier García. Completou o podio Antonio Sainz.[4][5]
2011
[editar | editar a fonte]A edición de 2011 contou entre os inscritos co exministro Miguel Arias Cañete, con Peitos, de novo con Cañizares[6] e con Manuel Senra co seu Peugeot 309 como un dos "coches 0",[7] pero o protagonista volveu ser Ferreiro, que esta vez cun Porsche 911 Carrera RS 3.0 venceu en todos os tramos excepto o último, sacándolle case dous minutos ao asturiano Juanjo Ordiales, segundo, mentres que Antonio Sainz volveu ser terceiro.[8]
2012
[editar | editar a fonte]A edición de 2012 foi a que contou cun maior número de pilotos inscritos, 82,[9] e como novidade estableceu a Praza de Obradoiro de Santiago como punto de partida do rally, que incluíu tramos por Visantoña, Melide, Toques, Sobrado e Santiso.[10] Luis Moya volveu copilotar un dos coches 0 e ademais foi nomeado "Presidente de Honra" do rally.[11] A vitoria volveu ser para o Porsche do piloto local, Jesús Ferreiro, que ademais con este triunfo se proclamaba por segunda vez campión de España de vehículos históricos.[12] Antonio Sainz e Juanjo Ordiales acompañaron ao galego no podio.
2013
[editar | editar a fonte]En 2013 o rally suspendeuse debido á falta de apoio financeiro.[13][14]
Palmarés
[editar | editar a fonte]| Ano | Edición | Piloto | Copiloto | Automóbil | Series |
|---|---|---|---|---|---|
| 2009 | 1º Rally de Galicia | Jesús Ferreiro[15] | Roberto Lorenzo | Ford Escort MK1 | ESP |
| 2010 | 2º Rally de Galicia | Jesús Ferreiro[16] | Martín Segade | Ford Escort RS 2000 MKI | ESP |
| 2011 | 3º Rally de Galicia | Jesús Ferreiro[17] | Martín Segade | Porsche Carrera RS 3.0 | ESP |
| 2012 | 4º Rally de Galicia | Jesús Ferreiro[18] | Javier Anido | Porsche Carrera RS 3.0 | ESP |
| G. Gorroño[19] | M. Oleaga | Ford Escort RS 2000 MK II | |||
| 2013 | Suspendido | ESP | |||
Notas
[editar | editar a fonte]- ↑ "Cuarenta pilotos participarán en Melide en el primer rali gallego de vehículos históricos". 17 de setembro de 2009. Consultado o 30 de xaneiro de 2020.
- ↑ "Ralliyde Galicia Histórico-Camiño de Santiago" (en castelán). Consultado o 30 de xaneiro de 2020.
- ↑ "Jesús Ferreiro dominó el Rally de Galicia de vehículos históricos". La Voz de Galicia (en castelán). 21 de setembro de 2009. Consultado o 30 de xaneiro de 2020.
- ↑ "Rallye de Galicia Historico 2010" (en castelán). 25 de setembro de 2010. Consultado o 30 de xaneiro de 2020.
- ↑ "Triunfo de Jesús Ferreiro en el Rallye Galicia Histórico" (en castelán). 20 de setembro de 2010. Consultado o 30 de xaneiro de 2020.
- ↑ "Cañizares y Arias Cañete, en el Rally Galicia Histórico". El Correo Gallego (en castelán). 9 de setembro de 2011. Arquivado dende o orixinal o 03 de xuño de 2020. Consultado o 30 de xaneiro de 2020.
- ↑ "Crónica III Rali Galicia Histórico" (en castelán). 21 de setembro de 2011. Consultado o 30 de xaneiro de 2020.
- ↑ "Jesús Ferreiro repite en el Rally de Galicia Históricos" (en castelán). 18 de setembro de 2011. Consultado o 30 de xaneiro de 2020.
- ↑ "Todo a punto con 82 inscritos – Rally de Galicia Historicos" (en castelán). 20 de setembro de 2012. Consultado o 30 de xaneiro de 2020.
- ↑ "El Rali de Galicia saldrá de la plaza del Obradoiro". La Voz de Galicia (en castelán). 8 de setembro de 2019. Consultado o 30 de xaneiro de 2020.
- ↑ "El Rali de Galicia saldrá de la plaza del Obradoiro". La Voz de Galicia (en castelán). 8 de setembro de 2012. Consultado o 30 de xaneiro de 2020.
- ↑ "Ferreiro gana el Rali de Galicia y el Campeonato de España". La Voz de Galicia (en castelán). 23 de setembro de 2012. Consultado o 30 de xaneiro de 2020.
- ↑ Nacho Villarí. "Suspendido el Rallye de Galicia". Arquivado dende o orixinal o 10 de xullo de 2013. Consultado o 8 de xullo de 2013.
- ↑ "Melide MotorSport suspende la celebración del Rally de Galicia". La Voz de Galicia (en castelán). 16 de xullo de 2013. Consultado o 30 de xaneiro de 2020.
- ↑ 2009.fotomotor.es. "Clasificación final". Arquivado dende o orixinal o 30 de xuño de 2012. Consultado o 6 de novembro de 2012.
- ↑ 2010.fotomotor.es. "Clasificación final". Arquivado dende o orixinal o 05 de xullo de 2012. Consultado o 6 de novembro de 2012.
- ↑ 2011.fotomotor.es. "Clasificación final". Arquivado dende o orixinal o 17 de xuño de 2013. Consultado o 6 de novembro de 2012.
- ↑ www.masrallye.com. "Clasificación Final Oficial" (PDF). Arquivado dende o orixinal (PDF) o 15 de setembro de 2019. Consultado o 6 de novembro de 2012.
- ↑ www.masrallye.com. "CLASIFICACIÓN FINAL OFICIAL - CAMPEONATO DE ESPAÑA DE RALLYES DE REGULARIDAD" (PDF). Arquivado dende o orixinal (PDF) o 15 de setembro de 2019. Consultado o 6 de novembro de 2012.
Véxase tamén
[editar | editar a fonte]| Commons ten máis contidos multimedia sobre: Rally de Galicia Histórico |