VG-1.7
| VG-1.7 Vía de Alta Capacidade Pardiñas-As Galanas | |
|---|---|
 | |
| ID antigo | |
| Identificador | |
| Tipoloxía | Vía para automóbiles |
| Rede | Rede de estradas de Galicia |
| Titular da vía | |
| Dimensións | |
| Lonxitude | 3,30 km |
| Formato | 1 carril por sentido |
| Localización | |
| Inicio | AG-56 Pardiñas |
| Fin | N-550 As Galanas |
| Circulación | |
| Tránsito | Rodado, non peonil |
| Velocidade máxima | |
| Restricións viarias | |
Concellos que atravesa
| |
A VG-1.7 ou Vía de Alta Capacidade Pardiñas-As Galanas[1][2] (na provincia da Coruña), é unha vía para automóbiles da Xunta de Galicia que une as localidades de Pardiñas (Santiago de Compostela) e As Galanas (Teo); atravesa os concellos de Santiago de Compostela, Ames e Teo. Ten unha lonxitude de 3,30 quilómetros e iníciase nun cruzamento coa AG-56 en Pardiñas (Santiago de Compostela) e finaliza nun cruzamento coa N-550 nas Galanas (Teo).
Percorrido
[editar | editar a fonte]Inicia na rotonda cos accesos á autovía AG-56, e dúas estradas sen denominación, unha en dirección norte cara ao lugar de Pardiñas (parroquia de Laraño do concello de Santiago de Compostela) e outra en dirección sur ao lugar do Outeiro (parroquia de Bugallido do concello de Ames), seguindo ata a ligazón da urbanización As Mimosas xunto ao lugar de Biduído de Abaixo (parroquia de Biduído do mesmo concello) e a estrada ao lugar da Agrela (parroquia de Biduído do mesmo concello). Termina no cruzamento coa estrada nacional N-550 no lugar das Galanas (parroquia de Calo do concello de Teo).
Historia
[editar | editar a fonte]As primeiras obras iniciáronse en xaneiro de 2006[3] e é un dos ramais da autovía AG-56 inaugurado en febreiro de 2008.[4][5][6] O ramal permite a conexión coa estrada N-550 evitando a travesía do Milladoiro, cun rodeo duns 5,1 quilómetros. Orixinalmente tivo a denominación AC-522 e a principios de 2018 mudou á actual VG-1.7.
Treitos
[editar | editar a fonte]| Denominación | Treito | Kms | Ano servizo |
|---|---|---|---|
| VG-1.7 | AG-56 Pardiñas - N-550 As Galanas | 3,3 | 2008[4][5][6] |
Notas
[editar | editar a fonte]- ↑ "CATÁLOGO DE ESTRADAS DA REDE AUTONÓMICA DE ESTRADAS DE GALICIA (RAEGA) -XUÑO 2021-" (PDF). Consultado o xuño de 2021.
- ↑ "Listado RAEGA" (PDF). Consultado o xuño de 2023.
- ↑ "¿Habrá autovía en el 2008?". La Voz de Galicia (en castelán). Consultado o 20 de xaneiro de 2006.
- ↑ 4,0 4,1 "Touriño inaugura la autovía entre Santiago y Brión, que ahorra 20 minutos por trayecto a 25.000 usuarios". La Voz de Galicia (en castelán). Consultado o 16 de febreiro de 2008.
- ↑ 5,0 5,1 "La AG-56 ahorrará 20 minutos por trayecto a 25.000 usuarios diarios". La Voz de Galicia (en castelán). Consultado o 16 de febreiro de 2008.
- ↑ 6,0 6,1 "El protocolo demora 28 minutos la apertura al tráfico de la autovía e irrita a decenas de conductores". La Voz de Galicia (en castelán). Consultado o 16 de febreiro de 2008.