Դումա (քաղաք)
| Քաղաք | ||
|---|---|---|
| Դումա | ||
| արաբ․՝ دوما | ||
| Երկիր | ||
| Մուհաֆազա | Ռիֆ Դիմաշկի մարզ | |
| Մինտակա | Դումայի գավառ | |
| Նահիյա | Դումայի շրջան | |
| ԲԾՄ | 660 մ | |
| Պաշտոնական լեզու | արաբերեն | |
| Բնակչություն | 110 893 մարդ (2004) | |
| Ազգային կազմ | արաբներ | |
| Կրոնական կազմ | սուննի իսլամ | |
| Ժամային գոտի | UTC+2, ամառը UTC+3 | |
| Պաշտոնական կայք | esyria.sy/eraqqa/ | |
|
| ||
Դումա (արաբ․՝ دوما), քաղաք Սիրիայի Արաբական Հանրապետության հարավ-արևելքում՝ Ռիֆ Դիմաշկի մարզում։ Դումայի գավառի վարչական կենտրոնն է։ 2004 թվականի տվյալներով՝ բնակչությունը կազմում է 110 893 մարդ[1]։
Գտնվում է Դամասկոսից 10 կմ դեպի հյուսիս-արևելք։ Տեղակայված է ծովի մակարդակից 660 մ բարձրության վրա[2]։
Դուման բավական պահպանողական իսլամադավանների քաղաք է։ Քաղաքի մասին հիշատակություններ կան դեռ արամեական ժամանակաշրջանից։ Դումայում գործում են ավելի քան 80 մզկիթներ, որոնցից շատերը պատմական նշանակություն ունեն։ Դուման արդյունաբերական-գյուղատնտեսական քաղաք է։ Քաղաքում կան մի շարք փոքր ձեռնարկություններ, զարգացած են արհեստները։ Քաղաքի ծայրամասերում աճեցնում են մրգատու ծառեր, հատկապես մեծ ճանաչում ունի այնտեղի խաղողը։
Պատմություն
[խմբագրել | խմբագրել կոդը]Սիրիական ճգնաժամի ընթացքում՝ 2011-2012 թվականներին, Դուման եղել է հակակառավարական ցույցերի անցկացման ու երկրի զինված ուժերի հետ բախումների հիմնական վայրերից[3][4]։
2012 թվականի հունիսի 29-ին սիրիական բանակը Դումայում իրականացրեց կոտորած, որտեղ սպանվեց ավելի քան 50 մարդ[5]։
Հաջողությամբ իրականացնելով Ռիֆ Դիմաշկի զինված ապստամբների դեմ ուղղված խոշոր օպերացիան՝ սիրիական բանակը 2012 թվականի հունվարի 30-ին քաղաքում հաստատել է իր վերահսկողությունը։
2012 թվականի հոկտեմբերի 18-ի դրությամբ Սիրիայի բանակը վերահսկում էր քաղաքի մեծ մասը, սակայն բախումներն ու պայթյունները շարունակվում էին[6]։
Ծանոթագրություններ
[խմբագրել | խմբագրել կոդը]- ↑ «population of Douma, syria 2004 census». CBSSYR. Արխիվացված է օրիգինալից 2019 թ․ դեկտեմբերի 9-ին. Վերցված է 2013 թ․ նոյեմբերի 17–ին-ին.
- ↑ «Duma, Syria Page» (անգլերեն). Fallingrain Global Gazetteer. Վերցված է 2014 թ․ հունվարի 5-ին.
- ↑ «Syria's Douma 'wants its dead'». TVNZ. 2011 թ․ ապրիլի 3. Վերցված է 29 դեկտեմբերի, 2011-ին.
- ↑ «Arab League monitors stoke anti-government protests in Syria». USA Today. 29 դեկտեմբերի, 2011. Վերցված է 2011 թ․ դեկտեմբերի 29-ին.
- ↑ http://news.nationalpost.com/2012/06/29/young-children-entirely-families-among-almost-200-massacred-in-besieged-syrian-city-of-douma/
- ↑ Di Giovanni, JANINE (2012 թ․ հոկտեմբերի 18). «Denial Is Slipping Away as War Arrives in Damascus». New York Times. Վերցված է 20 հոկտեմբերի, 2012-ին.
| Վիքիպահեստն ունի նյութեր, որոնք վերաբերում են «Դումա (քաղաք)» հոդվածին։ |
| ||||||