Lingua britone
| Lingua britone | |
|---|---|
| Nomine native: | brezhoneg, Brezhoneg |
| instantia de: | lingua natural[*], lingua moderne[*] |
| subclasse de: | Linguas brittonic, Southwestern Brythonic[*] |
| parte de: | regional languages of France[*] |
| Parlate in: | Francia |
| Personas: | 206 000 |
| Scriptura: | Breton alphabet |
| Typologia: | VSO, V2, flexional, tonic |
| Phylogenese: |
Lingua indoeuropee |
| Statuto official | |
| Nationes: | Britannia (Region Britannia + Loire-Atlantique) |
| Regulate per: | Ofis publik ar brezhoneg |
| Codices de position | |
| ISO 639-1 | br |
| ISO 639-2 | bre |
| ISO 639-3 | bre |
| Glottolog | bret1244 |
| Linguasphere | 50-ABB-b |
| IETF ID | br |
| Wikimedia ID | br |
| Extracto in lingua | |
| Declaration universal del derectos del homine - Art.1 Dieub ha par en o dellezegezh hag o gwirioù eo ganet an holl dud. Poell ha skiant zo dezho ha dleout a reont bevañ an eil gant egile en ur spered a genvreudeuriezh. | |
| Commons: | Breton language |
| categoria principal: | Categoria:Britone |
Le lingua britone (in le lingua ipse, brezhoneg [breˈzõːnek]) es parlate per un proportion diminuente del population del Britannia armorican (parte del Republica Francese actual). Ante 1945, le britone esseva le lingua currente del Britannia occidental. Postea, un varietate de factores—vulgarisation del television e del radio, pressiones sociolinguistic, associationes politic negative, etc.—ha favorisate le universalisation del uso del francese. Un movimento de revitalisation linguistic comenciava desde le annos 1960, ma le responso official ha essite tepide (si non hostil) ante le annos 2000.
Le britone es un lingua celtic insular. Illo esseva implantate in Britannia per refugiatos del Grande Britannia in le seculo 6. Le lingua ha multe affinitates con le lingua cornic (parlate traditionalmente in Cornuallia) e le gallese (parlate in Galles). Illo es le sol lingua celtic a continuar a esser parlate in le Europa continental.
Secundo un sondage del Officio del Lingua Britone (un organo create recentemente per le Region Britannia), le population de parlatores de britone in 2007 esseva approximativemente 206 000 in le cinque departimentos del Britannia traditional. Minor numeros de parlatores de britone habita in Paris e altere locos de Francia e del mundo.