Respublika

Respublika sózi grekshe ulıwmalıq is mánisin bildiredi. Respublikalar prezidentlik respublikası hám parlamentar respublika túrlerine bólinedi. Prezidentlik respublikasında mámleketti tuwrıdan-tuwrı xalıq saylaytuǵın hám júdá keń wákilliklerge iye bolǵan prezident basqaradı. Ol atqarıwshı hákimiyattıń tuwrıdan-tuwrı basqarıwshısı esaplanadı. Prezidentlik respublikasına mısal etip AQSh, Braziliya, Argentina hám Meksika mámleketlerin kirgiziw múmkin. Parlamentar respublikada mámleket baslıǵı-prezident saylanıwshı lawazımlı shaxs bolıp tiykarınan parlament tárepinen saylanadı. Parlamentar respublikaǵa mısal etip Italiya, Germaniya, Portugaliya, Greciya, Irlandiya hám Hindstan mámleketlerin kirgiziw múmkin.