Tarim[1] (Sinice 塔里木河, Uigurice تارىم) est flumen Xinjiang provinciae Sinarum maximum. Fluminibus Aksu et Jarkend confluentibus incipit et 1321 chm per Takla Makan desertum fluit. Antea in Lob Nor lacum per deltam magnam effundebatur; nunc Lob Nor paene exsiccatum est et Tarim in arenis deserti perditur, etiam deltam suam priscam non attingens; nam in valle Tarim plus quam 10 millionum incolarum habitant et irrigationis causa omnes aquae fluminis dependuntur.