Stafelter

Stafelter
Um Stafelter
Aussprooch
Land	Lëtzebuerg
Kanton	Lëtzebuerg
Gemeng	Nidderaanwen
Buergermeeschter	Frédéric Ternes (CSV)
Koordinaten	49° 39’ 28’’ N       6° 10’ 32’’ O

De Stafelter ass e Lieu-dit mat dräi Haiser an der Gemeng Nidderaanwen, direkt op der Grenz mat der Gemeng Steesel. E läit op enger Héicht vu 406 Meter op der Kräizung vun dräi Stroossen, dem CR125, dem CR126 an dem CR119. Den Autobunnstunnel Stafelter leeft op e puer Meter nordëstlech vun den Haiser duerch.

Déi dräi Haiser um Stafelter gehéieren zu de wéinegen Haiser déi am Gréngewald stinn. Den eelsten Hiwäis op en Haus oder Haff op dëser Plaz fënnt een an engem Dokument vun der Administration des biens de la Cour grand-ducale Luxembourg aus dem Joer 1889. Fréier huet do de Fierschter gewunnt, deen am Déngscht vum Groussherzog stoung, duerno war eng Wiertschaft dran an dunn nees Wunnenge fir Bëschaarbechter. Hautdesdaags gehéieren d'Gebaier dem Staat.

Den Urspronk vum Numm „Stafelter“ konnt net eendeiteg festgestallt ginn. Eng Theorie ass, datt op där Plaz e Stee louch deen d'Form vun engem Dësch hat, op deem fréier d'Rechtsverhältnesser gereegelt goufen. Dëse Steen, ((de) „Staffelstein“), huet der Kräizung méiglecherweis hiren Numm ginn.

Eng aner Deitungméiglechkeet ass, datt „Staf(f)el“ op de Begrëff stapelen, also „tässelen“ zeréckgeet; deemno wier um Stafelter e Stapelstein oder Stapelplatz gewiescht, also eng Plaz op där mat Wuere gehandelt gouf.

Biller

• 
  Lieu-dit „Stafelter“
• 
  De fréiere „Café Stafelter“
• 
  D'Gebaier virun der Renovatioun (2007)
• 
  Sécherheetsausgank vum Tunnel Stafelter nieft de Gebaier um Stafelter.

Literatur

Hess, Joseph, 1960. Der Staffelstein im Grünewald. Luxemburger Wort Nr. 308, S. 4.

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Stafelter – Biller, Videoen oder Audiodateien