Шимон Перес

Шимо́н Пе́рес (иврит. ‏שמעון פרס‏‎; урожд. Ши́мон Пе́рский (ивр. ‏שמעון פֶּרְסְקי‏‎, польш. Szymon Perski); 1923 оны 8 дугаар сарын 2-нд, Вишнёво, Польш - өнөөгийн Беларусийн Минск хотын ойролцоо тосгонд төрсөн - 2016 оны 9 дүгээр сарын 28-нд, Рамат-Ган, Израил Улс) - израилын улс төрч, төрийн зүтгэлтэн, Ерөнхийлөгч.

Израил улсын /2007-2014/ 9 дахь Ерөнхийлөгч. Кнессетын 1959-2007 онуудад олон удаагийн гишүүн, "Мапай", РАФИ, "Авода" болон "Кадима" намуудаас сонгогдож байсан. Израил улсын 8 дахь Ерөнхий сайд( хоёр удаа, 1984—1986, 1995—1996).

Намтар

Эцэг нь Гецл (Ицхак) Перский (1896—1962), худалдаачин байсан. Эх нь Сара Перская (Мельцер, 1905—1969) дунд сургуулийн номын санч, орос хэлний багш байсан.

1931 онд эцэг нь палестин руу цагаачилж араас нь ээж, ах Гершоны хамт Шимон 1934 онд цагаачилсан байна.

Тель-Авив хотноо «Бальфур» гимназийн бага, дунд сургууль төгссөн.

1947 онд нууц цэргийн "Хагана" бүлгэмд орж Давид Бен-Гурион, Леви Эшкол нартай танилцсан байна.

Тусгаар тогтнолын дайны үеэр Перес Израилийн Батлан хамгаалах яамны Ерөнхий захирлын туслах болж, зэвсэг худалдан авах, техник хэрэгсэл олж авах ажлыг хариуцаж, цэргийн албан хаагчдыг элсүүлэх ажилд оролцож, 1948 онд түүнийг Батлан хамгаалах яамны тэнгисийн цэргийн хэлтсийн даргын албан тушаалд шилжүүлэв. 1949 онд тэрээр АНУ-д Израилийн Батлан хамгаалах яамны төлөөлөгчдийн тэргүүнээр томилогдов.

Төлөөлөгчийн газар ажиллаж байхдаа тэрээр Нью-Йоркийн Их Сургуулийн Нийгмийн Судалгааны Шинэ Сургууль, Харвардын Их Сургуулийн Захиргааны Удирдлагын Сургуульд суралцаж амжжээ. 1952 онд Перес БХЯ-ны дэд даргаар томилогдон, 1953 онд 29 настайдаа БХЯ-ны хамгийн залуу Ерөнхий захирал болжээ.