ونوشه
ونوشه | |
|---|---|
| رج مرتبه | جنس[۱] |
| علمی طبقه‌بندی | |
| جور محدوده | زنده‌ئون |
| جور قلمرو | یوکاریوت |
| قلمرو | گیاه |
| جیر قلمرو | رویان‌سنگ‌خزه‌ایان |
| جیر قلمرو | رویان‌داران |
| چلّه | آوندداران |
| جیر دسته | پیدازادان |
| راسته | مالپیگی‌سانان |
| خانواده | بنفشگان |
| علمی نوم | |
| Viola[۱][۲] کارل لینه ، ۱۷۵۳ |
|
| کد ره دچی‌ین - دچی‌ین | |
وَنوشه اتی گُل نوم هسته که ونوشه‌ئون تیره (Violaceae) جوئه که ویشته وسارِ (=موعتدل) نواحی دله پیدا وونّه. ونوشه اتتی گُل هسته که ونه انباره (= ساقه) پچیکه و ونه رنگ وَنِفش، یا زرد و وَنِفش‌ئه و البته ونه دیگه رنگون هم ات‌کمه بعضی جائون پیدا وونه. ونوشه طب سنتی دله دَیی‌یه و هنتا هم پزشکی دله دره.
مازرون دله ونوشه شه جنگل دله دَرنه، ولی اسا دیگه باغچه‌ئون دله ململ بی‌ین وسّه وه ره کارنّه، وه ره اینجه زمستون گادِر کارنّه. مازرونی ادبیات دله هم ونوشه جه اتا وِهاری گل جه نوم بَورده وونه.
ونوشه گردی اتا قدیمی آداب و رسوم که ات‌کمه پیش از عیدی مازرون دله اجرا وونه. حدود 20 تا 25 روز پیش از نوروز ات عده جوونون و میانسالون جمع وانّه شونّه کوه و سی سَر و هرکاجه ورف کَته، ورف ره دَس جه کنار زنّه تا شه چِش جه بَوینن اگه ات‌جا ونوشه دَره، بورِن و مردِم ره خَور هادِن که عید دَره نزدیک وانه. مراسم توم بیّن په، جوونون اتا شعر ونوشه خَوری خوندنّه و راه کفنّه شونّه شه مَله.
نگارخنه
[دچی‌ین]-
نارنجی وَنوشه
-
اسپه ونوشه
-
گوستفلیکای ونوشه
-
آدونکای ونوشه
-
سه رنگِ ونوشه
-
منابع
[دچی‌ین]- سبزینه کتابون
- سبزینۀ مجله - دومین شوماره
- ونوشه گردی در کیاسر: تبرستون استانی کانال ِسایت
| ویکی تلمبار دله بتونّی پرونده‌ئونی که ونوشه خَوری دَره ره پیدا هاکنین. |
- ↑ ۱٫۰ ۱٫۱ ۱٫۲ نویسنده: کارل لینه — عنوان : Genera plantarum eorumque characteres naturales, secundum numerum figuram, situm, & proportionem omnium fructificationis partium — چاپ پنجم — صفحه: 402 — https://dx.doi.org/10.5962/BHL.TITLE.746 — شناسۀ کتابخانۀ BHL: https://biodiversitylibrary.org/page/651410
- ↑ ۲٫۰ ۲٫۱ نویسنده: کارل لینه — عنوان : Species Plantarum — جلد: 2 — صفحه: 933 — شناسۀ کتابخانۀ BHL: https://biodiversitylibrary.org/page/358954